Աշխարհի ամենահայտնի 10 անիծյալ իրերը. նրանց սեփականատերերից և ոչ մեկին փրկվել չի հաջողվել

blog.1in.am-ը գրում է.

Ասում են, թե աշխարհի ամենագեղեցիկ եւ ամենահետաքրքիր իրերն ունեն անցանկալի խարան՝ անեծք: Չե՞ք հավատում, որ գերբնական ուժ իրականում գոյություն ունի՝ դա ձեր ընտրությունն է: Ամեն դեպքում, եթե նախընտրում եք զգուշանալ այդ ամենից, ապա աչքի անցկացրեք, թե ինչ պետք է իմանալ անիծված իրեր ձեռք բերելուց առաջ:

 

10. Մաորիների ռազմական դիմակները

Նոր Զելանդիայի բնիկներ մաորիները դիմակներ ու արձաններ էին քանդակում ճակատամարտ մեկնելուց առաջ: Ըստ մաորիների հավատքի՝ ցանկացած տղամարդ, ով մահանում էր ճակատամարտում, իր հոգին թողնում էր ռազմական դիմակներից մեկին: Դիմակի անեծքը չի սպառնում տղամարդկանց, բայց հղի կանայք կամ աղջիկները, ասում են, վտանգի մեջ կընկնեն ու վատ բախտի կարժանանան, եթե նույնիսկ մոտ գան դիմակներին: Անգլիական թանգարանը նույնիսկ տեղադրել է նախազգուշացում՝ անեծքի մասին կանանց տեղեկացնելու համար:

9. Քոհինոր ադամանդը

Քոհինոր հանրահայտ ադամանդը 109 կարատանոց ադամանդ է: Այն ունի մի հզոր անեծք տղամարդկանց շրջանում: Չնայած հաջողություն է բերում ցանկացած կին-սեփականատիրոջ, այն թշնամանքի և բռնության պատճառ է տղամարդ սեփականատերերի համար, քանի որ ենթադրվում է, որ այն գողացել են Կրիշնա աստծուց: Օրինակ՝ Հնդկաստանի Շեր Շահ Սուրին հզոր կայսր էր և պարտության էր մատնել նույնիսկ Հումայուն արքայազնին, սակայն քոհինոր ադամանդը ձեռք բերելուց հետո մահացավ: Իսկ նրա որդուն՝ Ջալալ Խանին, սպանեց իր իսկ փեսան:

8. «Թրծակավ բանակը»

1974 թվականին յոթ չինացի ֆերմերների մի խումբ գետնի տակ հայտնաբերեց մի հնագիտական գանձ՝ թրծակավ զինվորների բանակը: Չնայած հայտնագործությունը ազգի հարստացման աղբյուր դարձավ, սակայն թրծակավ բանակը հայտնաբերած ֆերմերները դատապարտված էին դժբախտության: Ֆերմերներից երեքը մահացան մի քանի տասնամյակում՝ համեմատաբար երիտասարդ հասակում: Նրանցից մեկն ինքնասպանություն գործեց, իսկ մյուս ֆերմերները, թեև աշխատում էին, սակայն ստանում էին շատ ցածր աշխատավարձ: Նրանք վաճառում էին բանակային թեմայով արձանիկներ, բայց անընդհատ պարտքերի մեջ էին ու հիվանդ տառապում էին:

7. Լացող տղայի նկարը

Լացող տղայի նկարը մի նկարի տպագրված տարբերակ է, որը հաճախ կարելի է տեսնել Անգլիայի բնակիչների տներում: 1980-ական թվականներից սկսած հրդեհի մեջ էին ընկնում այն բոլոր տները, որտեղ պահվում էր այս նկարը: Զարմանալին այն է, որ տունն ու իրերն ամբողջովին այրվում էին, իսկ կտավը միշտ գտնում էին շատ լավ վիճակում՝ կարծես հրդեհ չէր էլ եղել: Արդյունքում՝ շատ մարդիկ հավատում են, որ այդ արվեստի ստեղծագործությունը կարող է հրդեհի պատճառ դառնալ:

6. Դելի մանուշակագույն շափյուղա

Մարդիկ իմացան Դելի մանուշակագույն շափյուղայի անեծքի մասին, երբ Լոնդոնի թանգարանի ղեկավարը հայտնաբերեց կից մի գրառում դրա անեծքի մասին: 1800-ական թվականների կեսերին, երբ թանկարժեք քարը գողացան Հնդկական տաճարից, այն վատ առողջություն և ֆինանսական դժվարություններ էր բերում սեփականատիրոջը: Օրինակ, երբ հեղինակ Էդվարդ Հերոն-Ալենն էր այս թանկարժեք քարի սեփականատերը, այնքան դժբախտություններ պատահեցին նրա կյանքում, որ նա փորձեց ազատվել դրանից և նետեց այն նեղուց: Հետո մի բանվոր գտավ թանկարժեք քարն ու վերադարձրեց այն նրան՝ իմանալով, որ նա է սեփականատերը: Ի վերջո, դժբախտ սեփականատերն ուղարկեց այն թանգարան՝ հրահանգելով, որ ոչ ոք չդիպչի թանկարեք քարին, մինչև իր մահվանից երեք տարի չանցնի:

5. Հույսի ադամանդը

Հույսի անդամանդը գտնվում է Սմիթսոնյան թանգարանում: Մինչ թանգարան հասնելը այն հայտնի էր որպես անիծյալ ադամանդ: Սկզբնապես այն գողացել էր մի քահանա, ում ի վերջո բռնել էին հանցագործության համար և չարչարանքների ենթարկել: Հույսի ադամանդի սեփականատեր եղել է նաեւ ֆրանսիացի թանկարժեք քարերի առևտրական Ժան Բաբտիստ Տեֆերնիեն: Ասում են, թե նա մահացել է պատահական՝ մի խումբ կատաղած շների հարձակումից: Մի քանի այլ սեփականատերերի նույնպես վիճակված էր սպանության կամ մեկ այլ ողբերգության զոհ դառնալ:

4. Ուլուրու ժայռը (Այերս ռոք)

Ուլուրուն հսկա, շքեղ ժայռ է, որ գտնվում է Ավստրալիայում: Հազարավոր զբոսաշրջիկներ այցելում են Ուլուրու ժայռն ամեն տարի: Չնայած արգելվում է երկրից քարի կտորներ դուրս բերել, որոշ զբոսաշրջիկներ ամեն դեպքում քարի կտորներ են վերցնում Ուլուրու ժայռից և իրենց հետ տանում տուն: Քանի որ Ուլուրու ժայռը սրբավայր է բնիկների համար, այն մարդիկ, ովքեր քարի կտոր են վերցնում այդտեղից և իրենց հետ տանում երկրից դուրս, ընկնում են դժբախտության մեջ: Արդյունքում՝ մարդիկ պարբերաբար հետ են ուղարկում իրենց վերցրած քարի կտորներն Ավստրալիա՝ կցելով մի նամակ, որտեղ ներողություն են խնդրում կատարվածի համար:

3. Սև Օռլով ադամանդը

Սև Օռլով ադամանդը հայտնի է նաև որպես «Բրամայի աչք»: Մի միաբան գողացել է այն Հինդու սրբավայրից: Թանկարժեք քարը փոխանցվել է ձեռքից ձեռք՝ բազմաթիվ կանանց շրջանակում: Նրանցից շատերը ինքնասպանություն են գործել: Կանանցից առնվազն երկուսը ինքնասպանություն են գործել բարձրահարկ շենքից նետվելով: Զարդը վաճառվել է մի ոսկերչի, ով ապրում էր Նյու Յորքում, և ասում են՝ դրանից հետո անեծքը կորել է, որն իրականում լավ նորություն է ապագա սեփականատերերի համար, բայց ոչինչ չի կարող փոխել զոհերի կյանքում: Նրանց բախտը չբերեց թանկարժեք քարի պատճառով:

2. «Շողոքորթություն» քարի կտորները

Իռլանդիայում գտնվող այսպես կոչվող «շողոքորթություն» քարին համբույրը լավ նշան է, իսկ քարից մի կտոր վերցնելը ձեր կյանք անհաջողություն կբերի: Պատմում են, որ պատահում են բազմապիսի դժբախտություններ, ինչպիսիք են օրինակ՝ ընկճախտը, աշխատանքի կորուստը և ֆինանսական խնդիրները: Շատ մարդիկ Ուլուրույի (Այերս ռոք) այցելուների նման, ովքեր զղջում են ձեռք բերած անիծված հուշանվերների համար, մի կտոր վերցնելով «շողոքորթություն» քարից, մի քանի շաբաթից կամ ամսից ուղարկում են ետ՝ գիտակցելով, որ այն անիծյալ է:

1.Սառցե մարդը

Տղամարդու մնացորդները, որ ավելի քան 5.000 տարեկան են, հայտնաբերվել են Ալպերում 1991 թվականին: Հետագա 13 տարիների ընթացքում դրանք հայտնաբերած մարդկանցից յոթը հանկարծամահ եղան, մեծ մասամբ առանց որևէ բնական պատճառի: Այդ մարդկանցից մեկը մահացել է ավտովթարից: Նա պատրաստվում էր ելույթ ունենալ և խոսել արտեֆակտների մասին, իսկ դրանից անմիջապես հետո մի ուրիշ հետազոտող մահացավ ձնակույտի սողանքից: Այլ հետազոտողներ մահացան արյան հիվանդությունից, որն ախտորոշվեց Սառցե մարդուն գտնելուց հետո: