Շատ ուշեղ հայուհին. Ո՞վ է Անուշ Բելյանը

Wnews.am-ը գրում է.

Հայկական ծագմամբ բոդիբիլդերուհի Անուշ Բելյանն արժանացել է NABBA մրցումների գլխավոր մրցանակին Miss Fitness անվանակարգում եւ պատմության մեջ մտել որպես Իսրայելի առաջին կին բոդիբիլդերուհի։
Անուշ Բելյանը ծնվել է 1987 թ Երուսաղեմում։ Նրա հայրը ազգությամբ հայ Արամ Բելյանն է, իսկ մայրը արաբուհի Ռենին, ով քրիստոնյա է։
Անուշը մեծացել է հայկական թաղամասում, ավարտել հայկական դպրոցը եւ միշտ կապ պաշտպանել հայրենակիցների հետ։
Երբ մահացավ Անուշի հայրը, ընտանիքի հոգսը մնաց հենց իր ուսերին։
Անուշը պատմում է, որ հայրը միշտ իրեն հորդորում էր ուժեղ լինել եւ երբեք չմոռանալ արմատների մասին։

Անուշը միշտ երազում էր դառնալ սպորտսմենուհի։ Մանկուց նա հակված էր գիրության եւ հաճախ էր իր արտաքինից կաշկանդվում։ Ի վերջո, նա սկսեց մարզվել մոտակա մարզասրահում եւ կորցրեց ավելի քան 15 կգ։
Այդ պահից ի վեր, նա սկսեց կանոնավոր այցելել մարզասրահ, խաղալ ֆուտբոլ եւ մասնակցություն ունենալ տարբեր մարզական իրադարձություններում։
National Amateur Bodybuilders Association (NABBA) մրցումներում Miss Fitness կատեգորիայում զբաղեցնելով գլխավոր մրցանակը Անուշը վերջապես իրականացրեց իր երազանքը։

«Ես ստիպված էի մեկ տարի շարունակ խիստ դիետա պահել եւ անընդհատ պարապել մարզասրահում»,- պատմում է Անուշը։

Նա այժմ էլ ջանասիրությամբ զբաղվում է սպորտով եւ չի պատրաստվում կանգ առնել։

«Մուսուլմանական հասարակությունը չի աջակցում սպորտով զբաղվող կանանց, ովքեր մասնակցում են մրցումներին, սակայն ես որոշել եմ օգնել բոլոր կանանց, ովքեր ցանկանում են փոխել իրենց կազմվածքը»,- վստահաբար ընգծում է նա։
Անուշը շարունակում է ապրել հին քաղաքի հայկական թաղամասում, որտեղ էլ բացել է իր մարզասրահը։