Բրազիլայում COVID-19-ից մահվան դեպքերի թիվը գերազանցել է 250.000-ը

Բրազիլիայում COVID-19-ից մահվան դեպքերի թիվը գերազանցել է 250.000-ը` երկիրը երկրորդը դարձնելով աշխարհում կորոնավիրուսից մահացության մակարդակով, հայտնում է AP-ն:

Համավարակի մեկնարկից Բրազիլիայի նախագահ Ժաիր Բոլսոնարուն վիրուսը «փոքր գրիպ» էր անվանում եւ քննադատում էր տեղական առաջնորդներին սահմանափակումներ մտցնելու համար:

«Բրազիլիան պարզապես պատասխան գործողությունների պլան չուներ: Այդպես էր վերջին տարում, սակայն մենք դեռ հստակ պլան, ազգային պլան  չունենք»,- Associated Press-ին ասել է Բրազիլիայի առողջապահության քաղաքականության հետազոտությունների ինստիտուտի տնօրեն Միգել Լագոն: «Ընդհանրապես ոչ մի պլան չկա: Նույնը` պատվաստումների հետ կապված»:

Մինչ այլ երկրներում վարակման եւ մահվան դեպքերը նվազում են, Լատինական Ամերիկայի ամենամեծ երկիրը ռեկորդներ է սահմանում: Վերջին հինգում Բրազիլիայում օրական միջինում ավելի քան 1000 մարդ էր մահանում: Պաշտոնական թվերը ցույց են տվել, որ զոհերի ընդհանուր թիվը 251.498 է:

Առնվազն 12 բրազիլական նահանգ գտնվում է երկրորդ ալիքի կիզակետում, նույնիսկ` ավելի լուրջ, քան այն, որի հետ նրանք բախվել էին 2020 թվականին:
«Այս սցենարը կվատթարանա», - ասաց նա ՝ ավելացնելով, որ վիրուսը ավելի արագ է տարածվում բնակչության շրջանում, նշել է համաճարակաբան Դոմինգոս Ալվեսը, ով հետեւում է COVID-19-ի տվյալներին: «Այս սցենարը կվատթարանա»,- ասել է նա` հավելելով, որ վիրուսն ավելի արագ է տարածվում բնակչության շրջանում:

Ալվեսը եւ հանրային առողջապահության ոլորտի այլ փորձագետներ հայտարարել են, որ հիվանդության տարածումը սրվում է, քանի որ իշխանությունները չեն ցանկանում հետեւել միջազգային առողջապահական կազմակերպությունների` ավելի խիստ սահմանափակումներ մտցնելու առաջարկություններին: