Երևան, 20.Նոյեմբեր.2026,
00
:
00
ՀՐԱՏԱՊ

Բարբի տիկնիկից մինչեւ այլ կարծրատիպեր. շիկահեր հայուհիները՝ շիկահերներին ուղղված կատակների, շեկ մազերի առավելությունների ու դժվարությունների մասին

ԼԱՅՖ

Հանրահայտ շիկահեր Պամելա Անդերսոնը մի առիթով ասել է՝  «Հրաշալի է լինել շիկահեր. երբ քեզանից քիչ սպասելիքներ ունեն, շատ հեշտ է  մարդկանց զարմացնելը»: Պամելան, իհարկե, նկատի է ունեցել շիկահերների մասին՝ դարեր շարունակ հյուսված կարծրատիպերը՝ հիմարիկից մինչեւ սեքսուալ տիկնիկ:

NEWS.am STYLE-ը, շարունակելով «Թեմա» խորագիրն, այս անգամ ընտրել է շիկահերությունը՝ որպես ուսումնասիրության նյութ: Ոճաբաններն օգնել են պարզել, թե որոնք են շիկահերներին ամենահամապատասխան ոճային միտումները, իսկ հայկական շոու-բիզնեսի շիկահերներից պարզել ենք՝ ինչու են որոշել ընտրել մազերի հենց այդ երանգը, ինչ է փոխվել իրենց կյանքում շիկահեր դառնալուց հետո եւ ինչ կարծրատիպերի են բախվում շիկահերության պատճառով:

Վարսահարդար Արթուր Սիմոնյանի խոսքով՝ որքան էլ կարծրատիպերը շատ լինեն, շիկահեր դառնալու պահանջարկը ամեն ժամանակաշրջանում արդիական է.

«Ինչպես նախկինում՝ այսօր էլ շիկահերությունը թրենդային է: Շիկահեր լինելու համար դիմագծերն այդքան էական չեն, ավելի կարեւոր է հաշվի առնել մաշկի գույնն ու աչքերի երանգը: Երբ մաշկի ու աչքերի գույնը բաց են, այդ դեպքում շիկահերությունը կնոջը վուլգար տեսք չի հաղորդում»,-ասում է նա՝ շարունակելով կոտրել եւս մեկ կարծրատիպ.

«Միանշանակ, հնարավոր է ստանալ բնական շիկահերի տեսք, անգամ այն դեպքում, երբ կինը բնական շեկ վարսեր չունի. Միայն կարեւոր է ընտրել ճիշտ երանգը»:

Շիկահերներին հաճախ ասոցացնում են Բարբի տիկնիկի հետ: Ոճաբան Գայանե Գեւորգյանը նշում է՝ շեկ մազերով աղջիկները տիկնիկի տեսք են ստանում հիմնականում վարդագույնի չարաշահման դեպքում:

«Շատերը, պարզապես, ցանկանում են շիկահեր լինել ու մազերը դարձնում են ժանգագույն, որը հաճախ կերպարին «էժան» տեսք է հաղորդում». ոճաբան Գայանե Գեւորգյան

«Ցանկալի է, որ շիկահերներն ավելի մեծ ուշադրություն դարձնեն վարդագույնի օգտագործմանը, որովհետեւ վառ վարդագույնը նրանց պարագայում կարող է Բարբի տիկնիկի էֆեկտ ունենալ, եթե, իհարկե, իրենց համար դա ցանկալի արդյունք չէ, իսկ եթե ավելի լուրջ կերպար են ցանկանում ստանալ, պետք է վարդագույնն ավելի քիչ կիրառելի դարձնեն, այն կրեն միայն կոստյումային տարբերակով»:

Ոճբանի խոսքով՝ շիկահերներին նաեւ շատ են սազում պաստելային երանգները, կանաչն ու կապույտի բոլոր երանգները:

Գայանեն չի կիսում այն կարծրատիպը, թե շիկահերները միշտ վուլգար տեսք են ունենում հագուստի որոշակի բացվածքի դեպքում: Նրա խոսքով՝ վուլգարությունից խուսափելու համար կարեւոր նախապայման է հաշվի առնել տվյալ անձի դիմագծերը, շպարն ու սանրվածքը:

«Կարեւոր է ուշադրություն դարձնել նաեւ մազերի երանգին, որովհետեւ շատերը, պարզապես, ցանկանում են շիկահեր լինել ու մազերը դարձնում են ժանգագույն, որը հաճախ կերպարին «էժան» տեսք է հաղորդում, ավելի ճոխ տեսք ստանալու համար նախընտրելի է ընտրել մոխրագույն երանգը: Կարեւոր է նաեւ, որ շիկահերներն առանձնահատուկ ուշադրություն դարձնեն դիմահարդարմանը: Իհարկե, շատ բան կախված է նաեւ սանրվածքի կտրվածքից ու ձեւից: Եթե շատ երեւացող կերպար է, վուլգարությունից զերծ մնալու համար ցանկալի է խուսափել շատ լայն բացվածքով հագուստից, եւ եթե դիմահարդարումը վառ է, հագուստը լինի ավելի չեզոք ոճի մեջ»:

«Ինչպես սեւահերների, այնպես էլ՝ շիկահերների համար թարմ տեսք ունենալու գրավականն ամենեւին էլ շպարը չէ». դիմահարդար Մաշա Միրզոյան

Դիմահարդար Մաշա Միրզոյանը նշում է՝ «Կինը, անկախ շիկահեր կամ սեւահեր լինելուց, ամենակատարյալ տեսքն է ունենում այն ժամանակ, երբ խնամված է, ունի առողջ, փայլուն մաշկ, խնամված մազեր՝ անկախ գույնից: Այս դեպքում, ինչպես սեւահերների, այնպես էլ՝ շիկահերների համար թարմ տեսք ունենալու գրավականն ամենեւին էլ շպարը չէ»:

Մաշան նշեց նաեւ դիմահարդարման մի քանի առանձնահատկություն, որոնք ավելի են ընդգծում շիկահերների հմայքը, թեեւ զգուշացրեց՝ պետք չէ դրանք բոլորի դեպքում միանշանակ համարել.

«Շիկահերների դիմահարդարումը փոքր-ինչ տարբերվում է` պայմանավորված մազերի բաց եւ ինքնին արտահայտիչ երանգով: Շիկահերների պարագայում ամենանախընտրելի դիմահարդարումը smokey eyes-ն է` մանավանդ բաց կանաչ կամ կապույտ երանգի աչքերի դեպքում: Այս դիմահարդարումը կարելի է կատարել ծիրանագույնի, մանուշակագույնի, շագանակագույնի ստվերներով: Իհարկե, կատարյալ է նաեւ դասական սեւ smokey eyes-ը, որն էլ ավելի կընդգծի շիկահերների անհատականությունը` երեկոյան շլացուցիչ տեսք հաղորդելով: Երեկոյան լուքի համար կարելի է նաեւ ընտրել սեւ սլաքներով եւ կարմիր շրթներկով դիմահարդարումը, որը համապատասխանում է աչքերի, գրեթե, ցանկացած երանգին: Իսկ առօրյա շպարի համար խորհուրդ կտամ բաց շագանակագույնի կամ վարդագույնի երանգով նյուդ դիմահարդարում, բայց այստեղ շատ կարեւոր է մաշկի համար ընտրել ճիշտ երանգը, այսինքն` այն չպետք է լինի բնական մաշկի երանգից մուգ»,-նշեց դիմահարդարը՝ հավելելով.

«Իրականում չկա այնպիսի դիմահարդարում, որը կարելի է բացառել շիկահերների դեպքում, քանի որ յուրաքանչյուր դիմագիծ ունի իր յուրահատկությունը, եւ անկախ ոճից` պետք է աշխատել այն երանգներով եւ տեխնիկայով, որը թելադրում է տվյալ դեմքը: Ամեն դեպքում ես մի փոքր կխուսափեի կարմիր եւ կապույտ երանգների չարաշահումից»:

Կինոաշխարհի աստղ Մերլին Մոնրոն այն կանանցից է, որը լինելով բնական սեւահեր շիկահերությունը դարձրել է իր գլխավոր այցեքարտը՝ մինչ օրս համարվելով շիկահերության խորհրդանիշ: Մի առիթով Մոնրոն նշել է. «Պետք է խելացի սեւահեր լինես, որպեսզի կարողանաս հիմարիկ շիկահերի խաղալ»:

NEWS.am STYLE-ը հայկական շոու բիզնեսի մի քանի հայտնի շիկահերների հետ զրուցել է շիկահեր լինելու առավելությունների ու դժվարությունների մասին:

«Մարդուն պետք չէ դատել մազի գույնով». Իրինա Այվազյան

Դերասնուհի Իրինա Այվազյանի մազերի բնական երանգը բաց շագանակագույն է, սակայն Իրինան արդեն մեկ տարուց ավել է՝ շիկահեր է. «Դրանից առաջ բացարձակ չէի ներկում մազերս: Շատ արագ որոշում կայացրի, ուղղակի այդպես ցանկացա, ու եթե նույն վայրկյանին չփոխեի մազերիս գույնը, վստահ եմ՝ հաջորդ օրն արդեն ցանկություն չէի ունենա»,-պատմում է նա:

Իրինան համաձայն չէ այն կարծիքին, թե շիկահեր լինելը դրականորեն է ազդում մարդու տրամադրության ու հոգեվիճակի վրա. «Կարծում եմ՝ շատ սխալ են ասում. մարդու հոգեվիճակը մազի երանգը չի, որ պիտի փոխի: Ըստ իս՝ դրական լինելը մարդու ներսից է գալիս: Ես միշտ էլ պոզիտիվ եմ եղել, համենայն դեպս՝ այդպես են ասում (ժպտում է)»:

Նա նաեւ հավելեց, որ չի կիսում այն նկատառումը, թե շիկահերներն ավելի շատ ուշադրության կենտրոնում են լինում.

«Անկեղծ ասած՝ համաձայն չեմ այդ կարծիքին, որովհետեւ, ամեն դեպքում, գեղեցիկը գնահատվում է, ու կապ չունի` դու շիկահեր ես, թե սեւահեր. եթե գեղեցիկ ես ու հետաքրքիր, ուշադրություն ստանում ես»:

Իրինան անկեղծորեն խոստովանեց, որ ինքն էլ է բախվել շիկահերների մասին հյուսված կարծրատիպերի հետ.

«Բնականաբար, եղել են նման դեպքեր, բայց մարդու հետ մեկ բառ փոխանակելիս արդեն հասկանում ես՝ հիմարիկ է, թե ոչ: Առհասարակ, մարդուն պետք չէ դատել մազի գույնով. հազարավոր սեւահերներ կան, որ շիկահերներից ավելի հիմարիկ ու դատարկ են, ու հակառակը...»:

«Մի պահ կար, որ բարդութավորվել էի, վերջերս որոշել էի կրկին թխահեր դառնալ». Լենա Ղազարյան

Ինչպես Իրինան՝ երգչուհի Լենա Ղազարյանը եւս բնականից շագանակահեր է: Մեզ հետ զրույցում երգչուհին պատմեց, որ մազերը սկսել է գունաբացել 2015 թ-ից, իսկ 2016-ին վերջնականապես դարձել շիկահեր.

«Շիկահեր դառնալուց հետո մի փոքր մեծ եմ սկսել զգալ հոգեպես, բայց մուգ մազերն արտաքնապես են ինձ ավելի մեծ դարձնում»,-անդրադառնալով իր փոփոխությանը նշեց Լենան, եւ խոսելով շիկահեր դառնալուց հետո ավելի մեծ ուշադրություն գրավելու գործոնի մասին՝ հավելեց.

«Ես չեմ կենտրոնանում նման բաների վրա, մի պահ կար, որ բարդութավորվել էի, վերջերս որոշել էի կրկին թխահեր դառնալ, բայց հասկացա, որ դա զուտ վիճակ է, որը չի համապատասխանում ինձ»:

Ի տարբերություն Իրինայի՝ Լենան համաձայն է, որ շիկահերությունը իր հետ բերում է նաեւ դրական հոգեվիճակ:

Ինչ վերաբերում է կարծրատիպերին՝ երգչուհին նշեց.

«Իմ ընկերները միշտ հումորով ասում են` դու տարբերվում ես մյուս շիկահերներից, որովհետեւ դու խելացի շիկահեր ես (ծիծաղում է): Հաճելի է դա լսելը, բայց, միեւնույն է, ես սիրում եմ շեկ վարսեր»:

«Շիկահեր լինելը թանկ հաճույք է, ինչ-որ տեղ` նաեւ վնասակար». Վիկտորիա Սահակյան

Դերասանուհի Վիկտորիա Սահակյանն այսօր հայկական եթերի ամենահայտնի շիկահերներից է, սակայն դերասանուհու մազերի բնական երանգը մուգ շագանակագույնն է, թեեւ ինչպես ինքն է նշում՝ փոքր տարիքում մազերը շեկ են եղել:

Իր սիրելի երանգին Վիկտորինան վերադարձել է ավելի ուշ, երբ արդեն ուսանողուհի էր:

«Մազերս սկսել եմ ներկել երկրորդ կուրսում, բայց այսպիսի բաց երանգի շեկ վարսեր ունեցա մոտ 2 ու կես տարի առաջ, ու այնքան եմ սիրել ինձ այս երանգի մեջ, որ փորձում եմ պահել այն, թեեւ շիկահեր լինելը թանկ հաճույք է, ինչ-որ տեղ` նաեւ վնասակար»,-պատմում է նա ու հավելում,- «Կարծում եմ`որոշեցի մազերս ներկել, որովհետեւ աղջիկները հետարքրքիր էակներ են, միշտ փորձում են ինչ-որ բան փոխել իրենց արտաքինում: Մազերը, երեւի, ամենից շատն են տուժում այս հարցում` կամ միանգամից կտրում ես, կամ միանգամից ներկում...»:

Անդրադառնալով շիկահերությանն ու իր հոգեվիճակին՝ Վիկտորիան նշում է.

«Մազերի երանգը, կարծում եմ, ոչ թե հոգեվիճակն է փոխում, այլ՝ տրամադրությունն ու ինքնազգացողությունը: Համաձայն չեմ, որ շիկահերությունն իր հետ պոզիտիվություն է բերում, որովհետեւ դա հոգեվիճակից է կախված, ցանկացած գույնով կարելի է լինել պոզիտիվ, իսկ նեգատիվ մարդուն, նույնիսկ, սպիտակափայլ մազերը չեն փրկի (ծիծաղում է): Ես՝ ինքս, ինձ ավելի լավ եմ զգում նման երանգի մազերով: Միշտ մտածել եմ, որ եթե ներկեմ մազերս, իմ բնական մազերի գույնից բաց պիտի ներկեմ, ու շատ ուրախ եմ, որ ինձ սազեց այս երանգը: Կարծում եմ` շիկահեր դառնալուց հետո ուշադրությունն էլ իմ հանդեպ ավելի մեծացավ, նաեւ ռեժիսորներն ինձ ավելի շատ սկսեցին նկատել, այնպես որ` մազերիս գույնը փոխելուց հետո միայն լավ բաներ կատարվեցին ինձ հետ»:

Վիկտորիան ասում է՝ շատ չեզոք է վերաբերվում շիկահերների մասին կարծրատիպերին.

«Շատ հայտնի շիկահերներ կան, որոնք խելացի են, ինտելեկտուալ, կրթված, եւ կոտրում են բոլոր կարծրատիպերը: Չի եղել նման դեպք, որ մտածեն՝ ես մի քիչ հիմարիկ եմ կամ թեթեւսոլիկ, թեեւ վստահ եմ`ցանկացած շիկահերի ընկերական շրջապատն օգտվում է առիթից եւ հազարավոր կատակներ է անում մազերի գույնի հետ կապված, բայց դրանք պարզապես կատակներ են, եւ ես խորհուրդ եմ տալիս այն աղջիկներին, որոնք զգում են, որ իրենց կսազի տվյալ մազի գույնը, հանգիստ դիմեն այդ ռիսկային փոփոխությանը, բայց ուզում եմ նախազգուշացնել եւ եւս մեկ անգամ շեշտել, որ մազերի խնամքը եռապատկվում է, որովհետեւ դրանք ավելի փխրուն են դառնում, պետք է ունենաս լավ վարսահարդար, ու ինքդ էլ պիտի ինտենսիվորեն հետեւես մազերիդ»,-շեշտում է նա:

«Ես երբեք չէի պատրաստվում շիկահեր լինել…». Դիանա Տոռես

«Կինստագրամ»-ից հայտնի՝ հայկական շոու բիզնեսի ամենասեքսուալ շիկահերներից մեկը՝ Դիանա Տոռեսը, եւս բնականից շագանակահեր է: Դիանան շիկահեր է դարձել մոտ երեք տարի առաջ:

«Ես երբեք չէի պատրաստվում շիկահեր լինել, պարզապես, այդպես ստացվեց՝ քայլ առ քայլ»,-անկեղծանում է դերասանուհին՝ նշելով, սակայն, որ շիկահեր լինելն իր կյանքում մեծ փոփոխություններ չի բերել.

«Ինձ մոտ հոգեպես ոչինչ չի փոխվել, իսկ ինչ վերաբերում է ուշադրությանը՝ մինչեւ շիկահեր լինելն էլ այդ ուշադրությունը կար. տարբերություն չեմ զգում: Համաձայն չեմ նաեւ շիկահերների մասին կարծրատիպերին. կարծում եմ՝ դա մարդուց է կախված, մազերի գույնը ոչ մի կապ չունի ինտելեկտի հետ»,-ասում է նա:

Փաստեր շիկահերների մասին

Ի գիտություն շիկահերների մասին ծիծաղելի կարծրատիպերի՝ մազերի այս երանգն իրականում մի շարք առավելություններ ունի: Որպես հետաքրքիր փաստ՝ նշենք, որ աշխարհի մարդկանց միայն 2%-ն են բնականից շիկահեր: Շեկ մազերը հատուկ են հիմնականում Հյուսիսային Եվրոպայի բնակչությանը, սակայն, նույնիսկ, այդ կլիմայի դեպքում՝ շատերի մոտ մազերը տարիքի հետ մգանում են:

Ըստ որոշ գիտնականների՝ բնական շիկահեր մարդիկ ավելի խիտ ու առողջ մազեր ունեն, իսկ տարիքի հետ սպիտակելու դեպքում՝ շեկ մազերի վրա գունային հակադրությունը, գրեթե, չի նշմարվում, ինչպես դա պատահում է, օրինակ, սեւահերների դեպքում: Բացի այդ, շեկ մազերն ավելի հեշտ է գունափոխելը, ինչը չես ասի մուգ երանգի մազերի համար: Իհարկե, սեւահերներությունն ու, առհասարակ, մազերի ցանկացած երանգ ունի իր յուրահատկությունը, որոնց մասին, նույնպես, կանդրադառնանք մեր առաջիկա «Թեմա»-ներում:

Ի դեպ, բարձրահասակ հայուհիների մասին մեր «Թեմա»-ն կարդացեք այս հղումով:

Երևանում՝ խմորեղենի արտադրամասում հրդեհ է բռնկվել Կենսաչափական փաստաթղթում «ծննդյան վայրը» նշման դաշտը կարգավորվում է ISO 3166 ստանդարտով․ ՆԳՆ պարզաբանում էԵրևանի և մարզերի բազմաթիվ հասցեներում սպասվում են էլեկտրաէներգիայի անջատումներՇենքի պայթյունի հետևանքով զոհերի թիվը հասել է հինգի, ևս երկուսը դեռևս փլատակների տակ են․ ԹբիլիսիԹրամփը հասկանում է Ղրիմի կամրջի վրա հարձակումներից Պուտինի զայրույթըAxios․ Իսրայելը կարող է միանալ Իրանի դեմ ԱՄՆ-ի ռազմական գործողությանը«Հաղթանակ» զբոսայգում Ալբերտ Հովհաննիսյանի և մյուս զոհվածների հիշատակին նվիրված անկյուն կստեղծվիԻնչ եղանակ է սպասվում նոյեմբերի 20-ից 24-ինԴուք՝ մեր կողքին, մենք՝ ձեր կողքին. Էդուարդ Բաբայան (տեսանյութ)Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմՆոյեմբերի 19/20 ջուր չի լինելու․ հասցեներՀանրապետությունում ձյուն է տեղում․ իրավիճակը՝ ավտոճանապարհներինՔուշներ․ Թրամփը Պուտինին և Ծինփինին հայտնել է խաղաղության հասնելու պատրաստակամության մասինԱԺ Ուժեղ Հայաստան խմբակցության պատգամավոր Մարիաննա Ղահրամանյանի պատասխանը ՊՆ հայտարարությանըՀանրապետության նախագահի նստավայրում տեղի է ունեցել դատավորի երդման արարողությունԵրևանի Մյասնիկյան պողոտայում բախվել է 4 ավտոմեքենաՀՀ-ում կանցկացվի սպորտային մարմնամարզության մեծահասակների Եվրոպայի առաջնությունՍիսիանի, Աշոցքի տարածաշրջաններում և Վարդենյաց լեռնանցքում ձյուն է տեղումՍամվել Կարապետյանին կալանավորեցին, որովհետև Հեյդարի որդուն թույլ չի տալիս ալիևյան սահմանադրությունը թելադրել հայ ժողովրդին. Անուշ ՄիրզոյանԿասեցվել է «Սիթի» ընկերության հացի արտադրամասի արտադրական գործունեությունըԼևոն Արոնյանը հաղթանակ է տարել ադրբեջանցի Շահրիյար Մամեդյարովի նկատմամբՊուտինն ավարտել է իր երկօրյա այցը ՉինաստանԱՄՆ-ը նոր պատժամիջոցներ է սահմանել «Հեզբոլլահի» ֆինանսավորման հետ կապված կազմակերպությունների և անձանց նկատմամբ Քուվեյթում ամերիկյան ավիաբազայի 15 հանգար է վնասվել Իրանի հարվածների հետևանքով. AP 44-օրյա պատերազմի զոհերի նույնականացման վերաբերյալ նոր տվյալներ են հրապարակվել ԶՈՒ-ում մեկնարկել է ատեստավորման նոր փուլ․ արդյունքները վճռորոշ կլինեն Հայտնի է աշխարհի ամենաբարձր վարձատրվող ֆուտբոլիստը․ The Touchline-ը ներկայացրել է տասնյակը Մեր բոլորի խնդիրն է ամեն գնով պաշտպանել Անկախության հռչակագիրը. Ավետիք ՉալաբյանԼսում ենք` պետք է պատրաստվել 2030 թվականին. Պուտին 33-ամյա տղան սպանել է հորըՍամվել Կարապետյանն անազատության մեջ է գտնվում Հայաստանի Սահմանադրությունը պաշտպանելու համար․ Տիգրան ԱբրահամյանՆկարահանել ու հաղորդել. վարորդների խախտումների վերահսկողությունը կընդլայնվի Դուք հասկանու՞մ եք, որ իշխանությունը հավերժ չի, մի օր հատիկ առ հատիկ բոլոր էս այլասերումների ու անիրավությունների համար պատասխան եք տալու․ Աննա ԿոստանյանԱրմավիրի մարզի մի շարք բնակավայրերում փորձարկվելու են էլեկտրական շչակներ Ադրբեջանի նախապայմանները վերջ չունեն, իսկ հայ ժողովուրդը մեզ զիջումներ անելու մանդատ չի’տվել. Հայկ ՖարմանյանՂրիմի կամրջի վրա hարձակումներին ՌԴ պատասխան գործողությունները շատ ավելի ցավnտ կլինեն. Պուտին ՌԴ-ի, ՉԺՀ-ի և ԱՄՆ-ի առաջնորդների Շենժենում կայացած առաջին եռակողմ հանդիպման արդյունքները նշանակալի պտուղներ կտան ապագայում. Սի Ծինփին Գեոպոլիտիկ պայքարը ոչ միայն կանգ չի առնում, այլ ավելի լուրջ և վտանգավոր փուլ է մտնում․ Մհեր Ավետիսյան«Nissan»-ը Երևանի Սեբաստիա փողոցում վրшերթի է ենթարկել հետիոտնին Նախօրեին բանակում մահացած զինծառայողը 19 տարեկան էր, ապրում էր մեծ եղբոր ու մոր հետՌուսական գազն այս տարածաշրջանում ամենամատչելին է և չունի մրցակից. Արմեն ՄանվելյանԼիտվան և Լեհաստանը կամրապնդեն Բալթիկ ծովի տարածաշրջանում գազային ենթակառուցվածքների պաշտպանությունը Մավրը արեց իր գործը, Մավրը փորձում է հեռանալ․ Հրայր ԿամենդատյանԱրոնյանը հաղթել է Մամեդյարովին․ Total Chess World Championship Tour Pilot 2026 Սի Ծինփինը կոչ է արել ամբողջությամբ վերացնել միջուկային զենքը Ի՞նչ փոփոխություններ են սպասվում դեկտեմբերին ՀայաստանումԽաղաղության խոստումը դեռ խաղաղություն չէ․ Մհեր ԱվետիսյանՕդի ջերմաստիճանն առաջիկա օրերին կբարձրանա Ամուլսարի վերաբերյալ շատ ռիսկեր կան, որոնք իշխանությունն աչքաթող է անում. Արեգ ՍավգուլյանՊուտինը, Թրամփը և Սի Ծինփինը խաղաղության մասին հռչակագիր են ընդունել