Նիկոլ Փաշինյանը բանավոր է հաստատել օպերացիան. Մովսես Հակոբյանը խոսեց պատերազմում ճակատագրական օրերից մեկի մասին՝ նշելով, որ դա իր տեսակետն է
ՔԱՂԱՔԱԿԱՆԱյդ օպերացիայի ժամանակ ես այնտեղ չեմ եղել: Իմ այսքան ժամանակվա վերլուծությունները ցույց են տալիս, որ ինձ Արցախից հանելու պատճառը եղել է հենց այդ օպերացիայի պլանավորումը:
Այդպիսի մի քանի օպերացիաներ, ավանտյուրա փորձել են պլանավորել, ես կանխել եմ: Այս մասին մամուլի ասուլիսի ժամանակ հայտարարեց Մովսես Հակոբյանը՝ խոսելով Լելե Թեփե օպերացիայի մասին:
«Ինձ հանելուց մեկ օր հետո օպերացիան պլանավորվում է, երկրի վարչապետը գնում է այնտեղ, հաստատում պլանը՝ բանավոր, և սկսում են կիրառել:
Արդյունքում մենք կորցնում ենք մեր ռեզերվն ու հարավային դարպասը հնարավոր չի լինում պահել: Դա իմ տեսակետն է:
Կարծում եմ, որ այդ օպերացիան ևս վերլուծության արժանի է: Ռազմարվեստին, մարտավարությանը հակառակ օպերացիա է պլանավորված եղել, կանխատեսելի եղել, որ այն հաջողություն չի կարող ունենալ»,-ասել է նա: