«Ես մերկապարուհի եմ. անբարոյական չեմ...». Մերկապարի թագուհի` Վարդայի, գեղեցկության գաղտնիքը. լուսանկարներ

Past.am-ը ներկայացնում է անզուգական, ցանկալի ու հմայիչ Վարդանուշ Մարտիրոսյանին, ով ավելի շատ հայտնի է Վարդա անունով: Նա ուշադրության պակաս չունի, նրան սիրում ու ցանկանում են բոլոր տղամարդիկ:

Ուկրաինայի Կրիվոյ Ռոգ քաղաքում ծնված Վարդանուշ Մարտիրոսյանի հայրը եւ ուկրաինացի մայրը չէին էլ կարող պատկերացնել, որ իրենց գեղեցիկ աղջիկը կտարվի ձողով պարով եւ մեկ օր  կդառնա «Pole Dancing»-ի աշխարհի առաջնության չեմպիոնուհի:

 

21 տարեկանում ակտիվ խառնվածքով Վարդանուշը որոշում է, որ իր պարելու, երգելու եւ դերասանական հմտությունները չպետք է զուր կորչեն ու տեղափոխվում է Կիեւ՝ էստրադային ռեժիսորի մասնագիտություն ստանալու նպատակով:

Նա այսօր ունի շատ բան. արտոնագրել է պտտաձողի վրա հորիզոնական դիրքով մերկապարի հնարքը, ունի սեփական «BURLESQUE by VARDA» դպրոցը, արտադրում է սեփական «VARDA TM» ապրանքանիշի հագուստ և հանդես գալիս «VARDA SHOW» ծրագրով: Նա համոզված է, որ պտտաձողի վրա պարը մեծ ջանք պահանջող արվեստ է: 

Ազգությամբ հայ Վարդան երբեք միշտ էլ ներկայացել է իր  հանդիսատեսին համարձակ ու վառ կերպարներով: Ընտրելով փոլ դանսը` մերկապարը, նա երբեք չի ամաչել իր ընտրության համար.

«Թող ամաչեն նրանք, ովքեր իրենց աշխատանքը կատարում են ոչ պրոֆեսիոնալ, վատ. իսկ ինչու ամաչել, ես իմ ասպարեզում հասել եմ ամենավերին բարձունքին»: Հարցազրույցներից մեկի ժամանակ նշել է Վարդան: