Ալեքսանդր Րեվվայի գեղեցիկ ընտանիքը․ ինչպիսին են նրա հայուհի կինն ու դուստրերը (լուսանկարներ)

Past.am-ը ներկայացնում է Ալեքսանդր Րեվվայի գեղեցիկ ընտանիքը:

Comedy Club-ի անդամներից Ալեքսանդր Րեվվան լավ հայր ու ամուսին է։ Նա միշտ ժամանակ է գտնում իր դուստրերի՝ Ամելիի ու Ալիսայի համար, նրանց լուսանկարները հաճախ համացանցում է տեղադրում, պատմում է նրանց հաջողությունների մասին։

«Ես կարծում եմ, որ աղջիկ երեխաների դաստիարակության հարցում գլխավորը մայրն է։ Հոր համար դուստրը մի քիչ ուրիշ՝ առանձնահատուկ պատմություն է։ Մենք՝ հայրերս, միշտ երես ենք տալիս նրանց, ամեն ինչ թույլ ենք տալիս, թեեւ դա այդքան էլ ճիշտ պահվածք չէ»,- ասում է Ալեքսանդրը։

Նա պատմում է, որ դուստրերը շատ են սիրում նորաձեւ լինել, նրանց համար անընդհատ պետք է գեղեցիկ իրեր գնել։ Հայրը նաեւ ավագ դստերը այս տարիքից դերասանական վարպետություն է սովորեցնում։

«Որտեղ էլ նա լինի, անմիջապես տարածքը լցնում է իր էներգիայով։ Ես նայում եմ նրան ու ինձ եմ տեսնում»,- ասում է նա։

Րեվվայի կինը՝ Անժելիկան, ազգությամբ հայուհի է։ Րեվվան մինչեւ 40 տարեկանը իրեն համարում էր ամուսնության համար ոչ պիտանի, իսկ ամուսնությունը հիմարություն էր անվանում։ Սակայն հանդիպելով Անժելիկային, անմիջապես մոռանում է այդ ամենի մասին։

Զույգն ամուսնացավ այն բանից հետո, երբ պարզվեց, որ Անժելիկան հղի է։ Նրանք հարսանիք արեցին Կրասնոդարում, որտեղ ապրում են աղջկա ծնողները։