«Փաստ» օրաթերթը գրում է

ՏՈՆԵՐ

Լաոս՝ Սահմանադրության օր, Թաիլանդ՝ Առաջին արգելքի տոնի օր։

ՀԱՅ-ՀԱՅԱՍՏԱՆ

1898-վախճանվել է նկարիչ Գրիգոր Գաբրիել յանը։

1910-ծնվել է դերասան, ռեժիսոր Լևոն Աբրահամյանը։

1943-վախճանվել է մանկավարժ Սահակ Հայրապետյանը։

1967-վախճանվել է կոմպոզիտոր և խմբավար Կարո Զաքարյանը։

1970-վախճանվել է հայ խորհրդային թերապևտ, Հայաստանի կարդիոլոգիայի ինստիտուտի հիմնադիր Լևոն Հովհաննիսյանը։ 1986-վախճանվել է նկարիչ Հովհաննես Շարամբերյանը։

1988- կապված ԼՂՀ դատախազի տեղակալի պաշտոնում ադրբեջանցու նշանակման հետ՝ Ստեփանակերտում տեղի է ունեցել անհնազանդության ցույց, որը վերաճել է գործադուլի, այն դադարել է միայն երկու օր անց, երբ այդ նշանակումը չեղարկվել է։

1994-Ղարաբաղյան պատերազմի ժամանակ կրակի դադարեցման համաձայնագիրը Ստեփանակերտում ստորագրել է ԼՂՀ բանակի հրամանատար Սամվել Բաբայանը, համաձայնագիրը ուժի մեջ է մտել 1994 թվականի մայիսի 12-ի կեսգիշերից։

1996-վախճանվել է քանդակագործ Բենիկ Պետրոսյանը։

2004 -Հայաստանում և Միացյալ Նահանգներում մեծ ժողովրդականություն վայելող System of a Down խմբի ղեկավար Սերժ Թանկյանը կոչ է արել Հայաստանի իշխանություններին պայքարել կոռուպցիայի դեմ:

2005- Ամերիկահայ մեծահարուստ և բարերար Քըրք Քըրքորյանի «Տրեյսինդա» ներդրումային ընկերությունը պաշտոնապես առաջարկել է ամերիկյան ավտոմոբիլային խոշորագույն «Ջեներալ Մոտորս» ընկերությանը գնել ընկերության արժեթղթերի 5 տոկոսը, որով Քըրք Քըրքորյանը պետք է «Ջեներալ Մոթորսին» վճարի 870 միլիոն դոլար:

2006- Բուլղարիայի խորհրդարանը մերժել է ազգայնական ATAKA կուսակցության ներկայացրած՝ Հայոց ցեղասպանությունը ճանաչող բանաձևը: Այն մերժվել է խորհրդարանում մեծամասնություն կազմող սոցիալիստների կողմից ստեղծված կոալիցիայի ջանքերով, որի ներկայացուցիչները պնդել են, որ բանաձևի ընդունման դեպքում կսրվեն հարաբերությունները Թուրքիայի հետ:

2007-ԼՂՀ պաշտպանության նախարար Սեյրան Օհանյանը նշանակվել է Հայաստանի զինված ուժերի գլխավոր շտաբի պետ, իսկ Լեռնային Ղարաբաղի պաշտպանության նոր նախարար է նշանակվել Մովսես Հակոբյանը, որը մինչ այդ զբաղեցրել է Ղարաբաղի զինուժի գլխավոր շտաբի պետի պաշտոնը:

2009-վախճանվել է արվեստաբան Հենրիկ Իգիթյանը։

2015-գլխավոր դատախազությունը ցուցում է տվել բերման ենթարկել Սյունիքի մարզպետ Սուրիկ Խաչատրյանի որդու մասնակցությամբ ծեծկռտուքի մասնակիցներին ու վկաներին։

2017-Լեռնային Ղարաբաղի ՊԲ հյուսիսային ուղղությամբ տեղակայված մարտական դիրքերի միջտարածությունում հակառակորդի կողմից արձակված կրակոցներից հրազենային վիրավորում է ստացել նկարահանման նպատակով դիրքեր գործուղված ‹‹Շանթ›› հեռուստաընկերության օպերատոր Դավիթ Աթոյանը:

2020- Ազգային ժողովն առավոտյան անաղմուկ կերպով ընդունել է Լանզարոտի աղմկահարույց կոնվենցիան։

ԱՇԽԱՐՀ

330-հանդիսավորությամբ օծվել է Կոնստանտինապոլիսը։

482-ծնվել է Բյուզանդիայի կայսր Հուստինիանոս 1-ին Մեծը։

868-չինացի կայսր Վան Ցզեն ստեղծել է «Ալմաստե սուտուրուն», որը մինչև մեր օրերը հասած ճշգրիտ ամսաթիվ ունեցող առաջին տպագիր փաստաթուղթն է։

1720-ծնվել է գերմանացի բարոն, ռուսական բանակի ռոտմիստր և հայտնի պատմող Կարլ Ֆրիդրիխ Իերոնիմ ֆոն Մյունհաուզենը, որի անունը ասոցացվում է որպես բացասական, սուտասան կերպար։

1833-այսբերգի հետ բախման արդյունքում խորտակվել է անգլիական «Lady of the Lake» առագաստանավը, արդյունքում զոհվել է 215 մարդ։

1858-Մինեսոտան դարձել է ԱՄՆ-ի 32-րդ նահանգը։

1860-Ջուզեպպե Գարիբալդիի «հազարյակը» ափ է իջել Սիցիլիայում։

1864-ծնվել է անգլիացի գրող և կոմպոզիտոր Էթել Լիլիան Վոյնիչը։

1904-ծնվել է իսպանացի սյուրռեալիստ բնանկարիչ Սալվադոր Դալին։

1918-Ֆելիքս Ձերժինսկու դրդմամբ ՎՑԻԿ-ը որոշում է ընդունել փակել մոսկովյան թերթերը, քանի որ նրանք տարածում են սուտ լուրեր և խորհրդային իշխանության դեմ են տրամադրում մարդկանց։

1927-ստեղծվել է ԱՄՆ-ի Կինոմշակույթի ակադեմիան։

1928-Նյու Յորքում սկսվել է աշխարհում առաջին հեռուստահաղորդումների պարբերական հեռարձակումը։

1931-Ավստրիական «Կրեդիտ-Անշտալտ» բանկի սնանկացմամբ սկսվել է Կենտրոնական Եվրոպայի ֆինանսական ճգնաժամը։

1937-ԽՍՀՄ պաշտպանության նարկոմատի հրամանով պաշտոնից ազատվել է մարշալ Տուխաչևսկին։

1939-սկսվել է Խալխին-Գոլի հակամարտությունը։

1941-Երկրորդ համաշխարհային պատերազմի ժամանակ ֆաշիստների ավիահարվածների արդյունքում ամբողջությամբ քանդվել է Քուինս-հոլլը, որը երկար ժամանակ եղել է Լոնդոնի գլխավոր համերգային դահլիճը։

1944-ԽՍՀՄ-ում պաշտպանության Պետական Կոմիտեն որոշում է ընդունել արտաքսել թաթարներին Ղրիմից։

1949-Սիամի թագավորությունը վերանվանվել է Թաիլանդ։ -Նյու Յորքում վաճառվել է առաջին «Պոլարոիդ» ֆոտոապարատը 89 դոլար 95 ցենտ գնով։

1955- սկսվել է խորհրդակցություն Վարշավայում սոցիալիստական ճամբարի երկրների միջև, որի արդյունքում ստեղծվել է Վարշավայի պայմանագրի միությունը։

1996-Էվերեստ բարձրանալիս 8 ալպինիստ է զոհվել լեռան հարավային լանջին։

2000-Հնդկաստանում ծնվել է այդ երկրի միլիարդերորդ բնակիչը՝ Աստա Արորան։

2014-կայացել է ինքնորոշման հանրաքվե Դոնեցկի Ժողովրդական Հանրապետությունում։

Մանրամասները՝ «Փաստ» օրաթերթի այսօրվա համարում