Ով և ինչպես է մանիպուլացնում հայ ընտրողին. «Փաստ»

«Փաստ» օրաթերթը գրում է.

realtribune.ru-ն գրում է, որ հոգեբան Արթուր Մանը պատմել է Հայաստանի նախընտրական պայքարի որոշ տեխնոլոգիաների մասին: Խոսքն այն մասին է, թե ինչպես է նախընտրական քարոզչության ընթացքում իրականացվում զանգվածային ազդեցություն մարդկանց գիտակցության վրա: Հայտնի է, որ շատ քաղաքական կուսակցություններ օգտագործում են տեխնոլոգիաներ, որոնք հիմնված են սոցիալական հոգեբանության վրա, երբ մարդիկ նույնիսկ չեն էլ կասկածում, որ դրանք վերահսկվում են ինչոր մեկի կողմից: Դա փորձենք ցույց տալ Սյունիքում հայ և ադրբեջանցի զինծառայողների միջև միջադեպերի հետ կապված իրադարձությունների օրինակով:

1. Ուժեղ բացասական հույզ է ստեղծվում մարդկանց զանգվածային գիտակցության մեջ, երբ հայ զինվորները սարից իջնում են թշնամու ճնշման տակ:Այս պարագայում բավական է կատարել մի քանի գրառումներ և հրապարակել տեսանյութեր (հաշվի առնելով լարված իրավիճակը), որ դրանք մեծ արագությամբ տարածվեն՝ ստեղծելով ծայրաստիճան ուժեղ բացասական հույզեր մարդկանց մեջ` սկսած վախից մինչ վրդովմունք և զայրույթ:

2. Զգացմունքները «տաքացվում» են մեկերկու օրվա ընթացքում (վրդովված հաղորդագրություններ, կարծիքներ և այլն):

3. Այնուհետև զանգվածային գիտակցության մեջ դրական հույզ է ներարկվում: Մի քանի հաղորդագրություններ են արվում առ այն, որ հայ զինվորականների ճնշման տակ ադրբեջանական զինուժը լքում է դիրքերը:

4. Բացասական հույզերը դրական հույզերով փոխարինելիս ենթաուղեղային մակարդակում տեղի է ունենում փոխազդեցություն, որի ժամանակ մարդկանց զգալի զանգված սկսում է այդ վերջին դրական հույզը կապել գործող կառավարության հետ:

5. Արդյունքում իշխող կուսակցության վարկանիշն աճում է: Կարո՞ղ են այս նշված դեպքերը պատահականություն լինել:

Իհարկե, կարող են, բայց այդ դեպքում ինչպե՞ս բացատրել 2018 թվականի ընտրական տեխնոլոգիաներից շատերը: Հայաստանի իշխանությունների կողմից օգտագործվող մեկ այլ տեխնոլոգիայի օրինակ է վերջերս հայաստանյան լրատվամիջոցներում հրապարակված Tipeform առցանց հարթակի հարցումը: Այնտեղ ցույց է տրվում, որ ներկայիս կառավարությունն անկասելի առաջատար է: Այս դեպքում, ամենայն հավանականությամբ, քաղաքական ստրատեգներն օգտագործել են փրայմինգի էֆեկտը: Ի՞նչ է դա. կատարվում է նախապես պլանավորված արդյունքով հարցում, որին մասնակցում են իրենց մարդիկ: Դրանից հետո այդ ամենը ներկայացվում է որպես ժողովրդի կամք: Որպես կանոն, արդյունքները մեծապես ազդում են մարդկանց գիտակցության վրա: Հաշվարկը նրա վրա է, որ Հայաստանում մեծ թվով չկողմնորոշված ընտրողներ կան, և նրանցից շատերը դրա արդյունքում ցանկություն կունենան քվեարկել իշխող ռեժիմի օգտին:

Մանրամասները՝ «Փաստ» օրաթերթի այսօրվա համարում