Քոչարյանի դիրքորոշումները շատ համոզիչ են. առաջիկա հինգ տարում նախատեսվում է 3 միլիարդ դոլարի ներդրումներ ներգրավել երկիր. «Փաստ»

ՔԱՂԱՔԱԿԱՆ 15 Հունիս, 2021 12:06

«Փաստ» օրաթերթը գրում է

iz.ru-ն «Հայաստան. աշխատանք սխալների վրա» վերնագրով հոդվածում գրում է, որ Ռոբերտ Քոչարյանը արագորեն միավորներ է վաստակում Հայաստանի վարչապետի պաշտոնի համար ընթացող նախընտրական մրցապայքարում: Նրա քաղաքական ծրագիրը կազմվել է հանրապետության փորձագիտական համայնքի հետ սերտ կապի շնորհիվ: Ո՞րն է այդ ծրագրի հայեցակարգի առանձնահատկությունը և հակաճգնաժամային ի՞նչ միջոցառումներ է առաջարկում իրականացնել Ղարաբաղյան առաջին պատերազմի հաղթողը: Այդ ամենը փորձել է պարզել «Իզվեստիա» պարբերականը: Հունիսի 20-ին Հայաստանում տեղի կունենան արտահերթ խորհրդարանական ընտրություններ:

Հիմնական պայքարը ծավալվել է Ռոբերտ Քոչարյանի «Հայաստան» դաշինքի և Նիկոլ Փաշինյանի «Իմ քայլը» դաշինքի (իրականում «Քաղաքացիական պայմանագիր» կուսակցություն-«Փաստ») միջև: Նախկին նախագահ Քոչարյանի դիրքորոշումներն այս պահին շատ համոզիչ են՝ հիմնականում շնորհիվ «365+. ապագան սկսվում է հիմա» ծրագրի շնորհիվ: Այդ փաստաթուղթը մշակվել է՝ շեշտը դնելով տարբեր ոլորտների փորձագետների՝ քաղաքական և տնտեսական գործընթացներին մասնակցության վրա: Ծրագրի «ժողովրդականությունը» այն առանցքային առավելությունն է, որի մասին խոսում են քաղաքագետները՝ նշելով, որ Քոչարյանի՝ երկրի զարգացման ծրագիրը ամբողջությամբ գրել են իրենց ոլորտի մասնագետները: «Արդարությունը պետք է իշխի պետության ներսում: Պետք է ազատվել անպատժելիությունից, կողմնակալ արդարադատությունից և պոպուլիզմից: Հասարակության զարգացման հաջողության հիմնական գրավականը պետք է լինի ավանդական և ժամանակակից մոտեցումների և արժեքների օպտիմալ համադրությունը»:

Սրանք այն հիմնական թեզերն են, որոնց վրա հիմնված է Քոչարյանի թիմի ծրագիրը: Ընդդիմախոսներն այդ քաղաքական մանիֆեստին իբր արձագանքել են ՝ ամեն կերպ փորձելով օգտագործել վարչական ռեսուրսները: Քոչարյանի և նրա համախոհների ծրագրի ներկայացումից հետո, ըստ նրանց, պաշտոնյաների վրա ճնշումն աճել է: Ինչպես նշում են «Հայաստան» դաշինքում, դա ցույց է տալիս, որ ներկայիս իշխանությունը հակափաստարկներ չունի ընդդիմության դեմ: Ներկայացված «աշխատող երկրի հայեցակարգը» կենդանի փաստաթուղթ է:

Փաստաթղթի վերջնական տարբերակը կձևավորվի ընտրությունների ամսաթվին մոտ՝ փորձագիտական հանրության մասնակցությամբ: Քոչարյանի նախընտրական ծրագրում հատուկ ուշադրություն է դարձվել անվտանգության և պաշտպանության ոլորտի բարեփոխումներին: «Բանակը երկրի անվտանգության համակարգի ողնաշարն է: Այն պետք է լինի ժամանակակից, հնարավորինս պրոֆեսիոնալ և արդյունավետ: Մեր բանակը աջակցության և լուրջ բարեփոխումների կարիք ունի: Բանակը կապահովի ոչ միայն խաղաղ սահմանները, այլ նաև Հայաստանին տարածաշրջանային լուրջ խաղացողի կարգավիճակին կվերադարձնի», - շեշտել է Քոչարյանը իր նախընտրական ռազմավարության շնորհանդեսին: Բայց ծրագրում հիմն ական շեշ տ ը դրվում է ոչ այնքան ռազմարդյունաբերական համալիրի, որքան ենթակառուցվածքային նախագծերի վրա: Դրանք կօգնեն հանրապետությունում բացել շուրջ 10 հազար նոր աշխատատեղեր: «Համ ապար փակ զարգ ա ցած պե տություն ունենալու համար առաջին հերթին անհրաժեշտ է ունենալ բարձրորակ ու անցանելի ճանապարհներ: Մենք կապահովենք Հայաստանի բոլոր համայնքների տրանսպորտային մատչելիությունը և կփորձենք թեթևացնել Երևանի ճանապարհները», - հայտարարել է Սյունիքի նախկին մարզպետ Վահե Հակոբյանը, որն ընդգրկված է Ռոբերտ Քոչարյանի թիմում:

Առանձին թեմա է գյուղատնտեսության զարգացումը և աջակցությունը: Ռոբերտ Քոչա րյանը և նրա համախոհները վստահ են, որ պետք է պաշտոնյաները ուղղակիորեն շփվեն ֆերմերների հետ: Դա անելու համար նրանք նախատեսում են գյուղատնտեսության պրոֆիլային նախարարությունը վերադարձնել պետական կառավարման համակարգ: Այն կսկսի մշակել գյուղատնտեսական արտադրողների սուբսիդավորման և գյուղացիական աշխատողների հարկային արտոնությունների մեխանիզմներ : Դրան զուգահեռ «Հայաստան» դաշինքը նախատեսում է զարգացնել ներքին ու արտաքին շուկաները:

Իր կառավարման առաջին հինգ տարիների ընթացքում Քոչարյանի թիմը նախատեսում է 3 միլիարդ դոլարի ներդրումներ ներգրավել երկիր: Ղարաբաղյան վերջին պատերազմում պարտությունը ուժեղ հետք է թողել հանրապետությունում տիրող տրամադրությունների վրա, և դա չէր կարող չարտացոլվել Քոչարյանի քաղաքական ծրագրի մեջ: Բանակի դիր քի ամրապնդում ը անվտանգության միակ բաղադրատոմսը չէ: «Հայաստան» դաշինքը կարծում է, որ առաջին հերթին անհրաժեշտ է ռազմագերիներին վերադարձնել հայրենիք: Միևնույն ժամանակ, կարևոր է գնահատել 44-օրյա պատերազմի զոհերի ճշգրիտ թիվը, քանի որ ներկայիս պաշտոնական տվյալները խիստ կասկածելի են: Աշ խար հ ա յաց քի ցատկի համար անհրաժեշտ քայլերի հերթականության որոշումը դժվար չէ: Քոչարյանը պնդում է, որ հայերի մեջ չպետք է զարգանա պարտվող կողմի համախտանիշ: Նորացված մշակույթի նախարարության հիմնական խնդիրը պետք է լինի հայկական ինքնության վերածնունդը: Այդ ուղղությամբ Քոչարյանի դաշինքում կարևոր դեր է հատ կաց վում հայ կական Սփյուռքի հետ համագործակցությանը: Եվ առաջին հերթին դա վերաբերում է Ռու սաստ անում գտնվող հայկական սփյուռքին: