ՊԱՏՄՈՒԹՅԱՆ ԱՅՍ ՕՐԸ (26 ՀՈՒՆԻՍԻ). Կասեցվել է Մարզահամերգային համալիրի աճուրդը. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Կտտանքների զոհերի աջակցման միջազգային օր, Թմրանյութերի չարաշահման և անօրինական շրջանառության դեմ պայքարի համաշխարհային օր, Բելառուս՝ Դատախազության աշխատողների օր, Մադագասկար՝ Անկախության օր, Ռումինիա՝ Ազգային դրոշի օր, ՀԱՀ՝ Հարավային Աֆրիկայի ազատության պայքարի օր:

ՀԱՅԱՍՏԱՆ

1861– ծնվել է հայ նշանավոր գրող, քաղաքական գործիչ, Մեծ Եղեռնի զոհ դարձած Գրիգոր Զոհրապը։

1889-ծնվել է Հարավային Կովկասում և Հյուսիսային Կովկասում հեղափոխական շարժումների մասնակից Աղասի Շահինյանը:

1902-վախճանվել է հայ ճանաչված երգահան Արտեմի Այվազյանը։

1974-Երևանում տեղի է ունեցել Ալեքսանդր Թամանյանի արձանի բացումը:

1998-վախճանվել է հայ դասական գրող Սերո Խանզադյանը:

1999-վախճանվել է քիմիկոս Լևոն Հակոբյանը:

2000– բացվել է «Գարեգին Ա» աստվածաբանական-հայագիտական կենտրոնը։

2005- սոցիալական քարտեր ստանալուց հրաժարված մի խումբ հավատացյալներ Ազգային ժողովի նախկին պատգամավոր Խաչիկ Ստամբոլցյանի գլխավորությամբ բողոքի նստացույց են կազմակերպել կառավարության շենքի մոտ:

2006-ձերբակալվել է Երևանում և Լոս Անջելեսում տպագրվող «Ժամանակ» թերթի խմբագիր, 30-ամյա Արման Բաբաջանյանը՝ փաստաթղթեր կեղծելու և խաբեության ճանապարհով ժամկետային զինվորական ծառայության զորակոչից խուսափելու մեղադրանքով:

2007- խորհրդարանը ձայների ճնշող մեծամասնությամբ հաստատել է նոր կառավարության 2007-2012 թվականների գործունեության հնգամյա ծրագիրը: 2010-Հայաստանի գրողների միության Ծաղկաձորի ստեղծագործական տանը բացվել է Գրողների համահայկական 5-րդ համաժողովը, որին մասնակցել են 300-ից ավելի պատվիրակներ:

2014-Վերաքննիչ դատարանը կասեցրել է Մարզահամերգային համալիրի աճուրդը՝ ընդունելով, որ այն ապօրինի կերպով է հանվել վաճառքի:

2017- ընդդիմադիր «Ժառանգություն» կուսակցության համագումարում ընդունած հռչակագրում նշվել է, որ առաջիկա հինգ տարիներին համապետական ընտրությունների բացակայությունը ստիպում է պատրաստվել արտահերթ թավշյա իշխանափոխության:

2018- Մեծամորում մի քանի տասնյակ քաղաքացիներ պահանջել են քաղաքապետի հրաժարականը՝ պնդելով, որ 10 տարվա պաշտոնավարման ընթացքում քաղաքապետը այդպես էլ չի լուծել համայնքի առաջնային խնդիրները:

ԱՇԽԱՐՀ

1243– Կոսե-Դաղի ճակատամարտում մոնղոլները ջախջախել են սելջուկ-թուրքերին։

1541-վախճանվել է իսպանացի կոնկիսկադոր Ֆրանցիսկո Պիսարրոն:

1694-ծնվել է շվեդ քիմիկոս և միներալոլոգ Գեորգ Բրանդը՝ կոբալտի հայտնաբերողը:

1810-վախճանվել է օդապարիկի հայտնագործող Ժոզեֆ-Միշել Մոնգելֆյեն:

1831-Սանկտ Պետերբուրգում սկսվել է խոլերայի խոշորագույն էպիդեմիա, որը խլել է մոտ 5 հազար մարդու կյանք: 1866-ծնվել է անգլիացի եգիպտոլոգ, Թութանհամոնի դամբարանը հայտնագործած արշավախմբի ղեկավար Ջորջ Հերբերտ Կարնարվոնը:

1896-ԱՄՆ-ի Լուիզիանա նահանգի Նոր Օռլեան քաղաքում բացվել է աշխարհում առաջին անգամ ստեղծված մշտական գործող կինոթատրոնը:

1925– կայացել է Չարլի Չապլինի «Ոսկու տենդ» ֆիլմի պրեմիերան։

1941-Երկրորդ համաշխարհային պատերազմի ժամանակ ԽՄԿԿ Քաղխորհուրդը գաղտնի որոշում է կայացրել Լենինի մարմինը տեղափոխել Տյումեն:

1945– Սան Ֆրանցիսկոյում 50 պետությունների ներկայացուցիչների կողմից ստորագրվել է Միավորված ազգերի կազմակերպության կանոնադրությունը։

1960-Մադագասկարը հայտարարել է իր անկախությունը:

1963-ծնվել է ռուս գործարար, հասարակական և քաղաքական գործիչ Միխայիլ Խոդորկովսկին:

1976-մարտարվեստների գծով աշխարհի բացարձակ չեմպիոնի տիտղոսի համար մրցամարտը Մուհամեդ Ալիի և ճապոնացի Ինոկիի միջև ավարտվել է ոչ-ոքի:

1997-հիմնադրվել է Կասպերսկու հակավիրուսային լաբորատորիան:

Մանրամասները՝ «Փաստ» օրաթերթի այսօրվա համարում