11 բան, որ պետք է անել մինչև Ամանոր (լուսանկարներ)

Wnews.am-ը գրում է.

Արդեն դեկտեմբերի վերջն է, ճիշտ այն ժամանակը, երբ պետք է ամփոփել անցնող տարին։ Չնայած ամբողջ տարվա ընթացքում քիչ գործեր չեն արվել, բայց դեռ կան գործեր, որոնք մենք հետաձգել ենք մինչեւ տարեվերջ:

Wnews.am-ն առաջարկում է մինչեւ Ամանոր անել հետեւյալ քայլերը.

1. Իրերը տալ ուրիշ մարդկանց
Եթե ինչ որ մեկին գումար եք պարտք կամ որեւէ իր պետք է տաք, վերադարձրեք դրանք։ Նոր տարին չի սիրում պարտատերերին, փորձեք ազատվել պարտքերից եւ տանը մի՛ պահեք ուրիշի իրերը։

2. Նետեք հին ու անպետք իրերը։
Ազատվեք անպետք իրերից։ Նոր տարին մաքրություն է սիրում։

3.Ավարտին հասցրեք կարեւոր գործերը, որոնք անընդհատ հետաձգել եք ողջ տարվա ընթացքում։ Արեք դրանցից գոնե մեկը։
Կարեւոր է փակել ավելորդ դռները, որպեսզի 2016-ին ձեր առջեւ նոր դռներ բացվեն։

4. Ներողություն խնդրել նրանցից, ում ցավ եք պատճառել կամ վիրավորել եք եւ ինքներդ ներեք ձեզ վիրավորողներին։
Կարեւոր է՝ Նոր տարին սկսել առանց վիրավորանքի, ժպիտը դեմքին, շրջապատի հանդեպ սիրով։ Այո, հնարավոր է, ձեզ վիրավորել են կամ դուք եք ինչ որ մեկին վիրավորել, ներողություն խնդրեք եւ շարունակեք ապրել։ Ներողություն խնդրելը երբեք ուշ չէ, հավատացեք, որ այդպիսով ձեզ ավելի լավ կզգաք։
5. Շնորհակալ լինել նրանց, ովքեր ձեզ երջանկացրել են
Այնքան կարեւոր է շնորհակալություն հայտնել այն մարդկանց, ովքեր ձեր տարին գեղեցկացրել են։ «Շնորհակալութուն» բառը կախարդական է, այն երջանկացնում է մարդկանց։

6. Վերլուծել տարին
Տարվա ամփոփումը անցնող տարվա անբաժան մասն է։ Հատկացրեք դրա համար 10-15 րոպե եւ ինքներդ ձեզ համար անցկացրեք անձնական մրցանակաբաշխություն։ Այդ մրցանակաբաշխության մեջ կարող եք ներառել անցնող տարում ձեզ հետ տեղի ունեցած կարեւոր իրադարձությունները։
Ադպիսով՝ նախ կհիշեք տարվա բոլոր իրադարձությունները, բացի այդ՝ կհասկանաք, թե դեպի ուր պետք է ընթանաք գալիք տարում։
Բացի այդ, նշեք տարվա ընթացքում առաջացած խնդիրները, որպեսզի գալիք տարում կարողանաք խուսափել դրանցից։

7. Ստեղծե’ք 2016-ի ցանկությունների արկղ
Կարող եք վերցնել հասարակ արկղ, այն գեղեցիկ զարդարել եւ դրա մեջ գցել ձեր կողմից գրված բոլոր ցանկությունները եւ վստահ եղեք, որ կիրականանան։ Հաջորդ տարի կարող եք բացել այն եւ վերլուծել, թե որ ցանկությունները կատարվեցին եւ որոնք մնացին։

8. Շնորհավորե’ք հարեւաններին
Որպեսզի հեքիաթի զգացողությունը մտնի ձեր տուն, պետք է այն ստեղծել ամենուր, ինչպես ձեր ներսում, այնպես էլ՝ շրջապատում։ Գրեք գեղեցիկ ցանկություններ եւ դրանք պարզապես դրեք հարեւանների դռների առջեւ։

9.Զարդարե’ք տոնածառը
Էլ ի՞նչ տոն առանց տոնածառ։ Տոնածառը զարդարեք բարձր ու տոնական տրամադրությամբ։

10. Գնե’ք մանդարին ու տոնական զգեստ
Առանց այս երկուսի տոնը չեք զգա։ Թվում է, թե ի՞նչ է որ…ինչի՞ համար նոր զգեստ գնել… Սակայն ավելի լավ է ձեր վրա մի փոքր ժամանակ ու գումար ծախսեք, որպեսզի Նոր տարին հաջորդ 12 ամիսներին ավելի շատ ժամանակ եւ ուժ ծախսի ձեզ վրա։

11. Որոշեք, թե ինչպես եւ ում հետ եք նշելու կախարդական տոնը։
Ինչու՞ կախարդական, որովհետեւ օրենքը գործում է. ինչպես դիմավորես Նոր տարին, այնպես էլ այն կանցնի։ Եթե ցանկանում եք, որ հաջորդ տարում շրջապատված լինեք հարազատ ու սիրված մարդկանցով, ապա Նոր տարին դիմավորեք հենց նրանց հետ։