Ամանորյա սեղանի համար ի՞նչ աղցան է առաջարկում Սոնա Շահգելդյանը

Սոնա Շահգելդյանը Ամանորը կանցկացնի ամուսնու հետ: Life.panorama.am-ի հետ զրույցում երգչուհին նշել է, որ բարձր տրամադրությամբ է սպասում տոներին. «Կարծում եմ, որ գալիք տարին իմ եւ ամուսնուս համար անականկալներով լի  տարի կլինի: Ինչպես ամեն տարի, այնպես էլ 2016-ը հավանաբար կդիմավորեմ «աշխատավայրում», բայց իմ կողքին կլինի ամուսինս: Ամեն տարի մայրիկիս եւ տատիկիս հետ եմ դիմավորել Ամանորը, այս տարի էլ նրանց աչքաթող չեմ անի»,- պատմեց Սոնան:

Ի դեպ, երգչուհին միացավ Life.panorama.am-ի շարքին եւ կիսվեց տոնական աղցանի  իր բաղադրատոմսով, որը կլինի նաեւ Սոնա Շահգելդյանի ամանորյա սեղանին.

«Նախ պետք է ասեմ, որ ես շատ եմ սիրում Նոր տարին ու մեծ ոգեւորությամբ եմ նախապատրաստվում: Մայրս շատ լավ խոհարարուհի է, նրանից շատ բան եմ սովորել եւ հիմա կարողանում եմ համեղ պատրաստել: Նաեւ պետք է նշեմ, որ ինձ համար միայն ուտեստները չեն կարրեւո, շատ եմ սիրում, երբ սեղանը գեղեցիկ տեսք է ունենում, օրինակ ինձ համար կարեւոր է սպասքը: Մենք ամեն անգամ նոր գույենր ենք մտածում մեր սեղանի համար, բայց կարեւրոը ուտելը չէ, այլ Նոր տարին լավ դիմավորելը»,- հավելեց երգչուհին:

Սոնա Շահգելդյանը առաջարկեց ամանորյա սեղանի համար պատրաստել «Թոքով աղցան»:

Բաղադրիչներն են՝

-   Թոք

-   Ընկույզ

-    Խմելի սունելի

-    Մայոնեզ, թթվասեր

-    Սամիթ

-    Հոլանդական պանիր

-    Աղ, պղպեղ

Պատրաստման եղանակը՝

Թոքը լավ լվանալ, խաշել, այնուհետեւ եփելուց հետո թողնել սառչի եւ բարակ կտրատել, ավելացնել ընկույզը (քանակն՝ ըստ ցանկության), խմելի սունելի, սամիթ, աղ, պղպեղ, իսկ վերջում այդ ամենին ավելացնել մայոնեզ եւ թթվասեր: Այս զանգվածը խառնելուց հետո, վրան ավելացնել հոլանդական քերած պանիր:

Հեղինակ՝ Անուշիկ Մելքոնյան