Բժիշկների սխալի պատճառով՝ կինը լույս աշխարհ է բերել ուրիշի երեխային
ՀԱՍԱՐԱԿՈՒԹՅՈՒՆՌԴ Չելյաբինսկի մարզի բնակչուհին լույս աշխարհ է բերել ուրիշի երեխային՝ արտամարմնային բեղմնավորման պրոցեդուրայի ընթացքում բժշկական սխալի պատճառով, գրում է տեղական 74.ru պորտալը:
«Մենք պետք է դուրս գրվեինք, երբ բժիշկը եկավ հետազոտության և պատահաբար երեխայի քարտը դրեց սեղանի վրա: Հանկարծ նկատեցի, որ երեխայի արյան խումբը երկրորդն է: Ես հարցրեցի՝ ինչպե՞ս: Ամուսինս ունի առաջին խումբ, ես՝ երրորդը։ Դա անհնար է», - ասել է նա լրագրողներին:
Կինը գնացել է բեղմնավորման կենտրոն և պահանջել ԴՆԹ հետազոտությունը: Արդյունքները հաստատել են, որ ոչ նա, ոչ էլ նրա ամուսինը երեխայի ծնողները չեն: «Հավանական փոխարինումը տեղի է ունեցել «ԷԿՕ» տեխնոլոգիաների դեպարտամենտի սաղմնաբանական լաբորատորիայի փուլում», - ասված է հայտարարության մեջ։
Զույգը դիմել է դատարան և համաձայնագիր կնքել տարածաշրջանային բեղմնավորման կենտրոնի հետ: Արդյունքում՝ բժիշկները պարտավորվել են կնոջը վճարել 2,4 միլիոն ռուբլու , իսկ նրա ամուսնուն՝ 1,6 միլիոն ռուբլու բարոյական փոխհատուցում: Այժմ Չելյաբինսկի բնակչուհին պատրաստվում է գտնել իր սեփական երեխային:
«Կինը, որի հետ ես պառկած էի, հնարավոր է՝ իմ որդու կենսաբանական մայրն է: Երեխայի համար վատ չի լինի այն գիտակցումը, որ նա ունի երկու մայր և երկու հայր: Բացի այդ՝ մենք պետք է հասկանանք, թե որտեղ է իմ սեփական երեխան»,֊պորտալին տված հարցազրույցում ասել է կինը: