«Դրամահավաք»՝ արհեստական անձրև ստանալու նպատակով. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Կոտ դ'Իվուար՝ Անկախության օր, Ասորական համայնք՝ Ասորի նահատակների օր, Կիրիբտի՝ Երիտասարդության օր, Կոլումբիա՝ Բոյակի ճակատամարտի օր։

ՀԱՅ-ՀԱՅԱՍՏԱՆ

1935- վախճանվել է հայ գրող և թատերագիր Ալեքսանդր Շիրվանզադեն։

1936- ծնվել է հայ խորհրդային ֆիզիկոս Էրիկ Մամիջանյանը։

1945 – ծնվել է բանաստեղծ Հովհաննես Գրիգորյանը։

1974- վախճանվել է կոմպոզիտոր Վարդան Տիգրանյանը։

1978- վախճանվել է արձակագիր և թարգմանիչ Ռաֆայել Արամյանը։

1982-ահաբեկչական հարձակման է ենթարկվել Անկարայի «Էսենբոգա» օդանավակայանը։ ԱՍԱԼԱ-ի երկու հայ մարտիկներ, ատրճանակներով և նռնակներով զինված, ներխուժել են օդանավակայան, կրակ բացել սպասասրահում, վերցրել 20 պատանդ։ Արդյունքում զոհվել է 9, վնասվածքներ ստացել՝ 82 անձ։ Ահաբեկիչներից մեկը սպանվել է, իսկ մյուսը՝ ձերբակալվել և հետագայում դատվել։

1998-Հայաստանը դիվանագիտական հարաբերություններ է հաստատել Պանամայի հետ։

2007- Երևանի Կենտրոն և Նորք-Մարաշ համայնքների առաջին ատյանի դատարանը «Հայ կամավորականների համախմբում» նախաձեռնության համակարգող Ժիրայր Սեֆիլ յանին դատապարտել է մեկուկես տարվա ազատազրկման:

2009- Սանկտ Պետերբուրգում մեկնարկել է Կարճամետրաժ և անիմացիոն ֆիլմերի միջազգային կինոփառատոնը, որը նվիրված է եղել Սերգեյ Փարաջանովի 85-ամյա հոբել յանին:

2010- վախճանվել է գերմանացի լեզվաբան, հայագետ Վեռներ Վինտերը։

ԱՇԽԱՐՀ

317 – ծնվել է Հռոմի կայսր Կոստանդիոս 2-րդը։

626 - ավարներն ու սլավոնները դադարեցրել են Կոստանդնուպոլսի պաշարումը։

1729 -վախճանվել է անգլիացի գյուտարար Թոմաս Նյուկոմենը, որը հանդիսանում է առաջին շոգեշարժիչների ստեղծողներից մեկը։ 1782 -վախճանվել է գերմանացի քիմիկոս Անդերսեն Սիգիզմունդ Մարգրաֆը, որը առաջինն է շաքար ստացել շաքարի ճակնդեղից։

1819 -Սիմոն Բոլիվարը ջախջախել է իսպանական զորքերը Բոյակի ճակատամարտում։

1840 -Անգլիայում արգելել են երեխաներին օգտագործել որպես ծխնելույզ մաքրողներ։

1858- Անգլիայի Վիկտորիա թագուհին որպես Կանադայի մայրաքաղաք է ընտրել Օտտավա քաղաքը։

1870 -ծնվել է գերմանացի արդյունաբերող և ֆինանսական մագնատ Գուստավ Կրուպպը՝ «Կրուպպ» կոնցեռնի ղեկավարը։

1876 -ծնվել է էկզոտիկ պարերի պարուհի, կուրտիզանուհի և լրտեսուհի Մատա Խարին։

1921– վախճանվել է ռուս մեծանուն բանաստեղծ Ալեքսանդր Բլոկը:

1921 -արհեստական անձրև ստանալու նպատակով Կանադայի չորային շրջանների ֆերմերներից հավաքելով 3 000-ական դոլար՝ շարլատան Չարլզ Հետֆիլդը փախել է ԱՄՆ։

1932-ԽՍՀՄ-ում գյուղերում ահաբեկման մթնոլորտ ստեղծելու նպատակով մտցվել է օրենք, որով ոչ ծանր հանցագործության համար անգամ նախատեսվել է մահապատիժ, գյուղացին դրվել է ծանր հարկման տակ, և արդյունքը եղել է ոչ թե գյուղատնտեսության «սոցիալիստական» վերակառուցումը, այլ գյուղի քայքայումը։

1938– վախճանվել է ռուս նշանավոր դերասան և ռեժիսոր Կոնստանտին Ստանիսլավսկին:

1941 -Երկրորդ համաշխարհային պատերազմի ժամանակ առաջին անգամ Մոսկվայի տակ օդաչու Վիկտոր Տալլալիխինը իրականացրել է գիշերային խոյահարում և խփել գերմանական ռմբակոծիչը։

1944 –գործարկվել է ամերիկյան առաջին ծրագրային համակարգիչը՝ «Մարկ 1»-ը։ 1947– ծնվել է խորհրդային ճանաչված երգչուհի Սոֆիա Ռոտարուն։ 1947 -վախճանվել է ռուս զորավար, քաղաքական և հասարակական գործիչ Անտոն Իվանովիչ Դենիկինը։1960– Կոտ դ'Իվուարը անկախացել է Ֆրանսիայից։

1966– ծնվել է ամերիկացի ինտերնետ գործարար Ջիմմի Ուելսը, որը հանդիսանում է Վիքիպեդիա ազատ հանրագիտարանի համահիմնադիրը և Վիկիա ընկերության հիմնադիրը:

1968- ուկրաինական գրողների ճնշումների դեմ բողոքի ելած ցուցարարները Լոնդոնում քարկոծել են ԽՍՀՄ դեսպանատունը։

1970 -կայացել է առաջին համակարգչային շախմատի մրցաշարը։

1987– Հյուսիս-Կովկասյան Կամենսկայա կայարանում տեղի է ունեցել վթար: Իրար են զարնվել երկու գնացքներ, ինչի հետևանքով զոհվել է 106 մարդ, վիրավորվել՝ 114-ը։

1987 -վախճանվել է ռուս խորհրդային թատրոնի և կինոյի դերասան Անատոլի Պապանովը։

1990– Էստոնիան ընդունել է իր պետական դրոշը:

1998– Քենիայի մայրաքաղաք Նայրոբիում և Տանզանիայի մայրաքաղաք Դար-էս-Սալամում գտնվող ամերիկյան դեսպանատներում իրականացվել են ահաբեկչական գործողություններ, որի հետևանքով զոհվել է մոտ 250 մարդ, վիրավորվել՝ 4000-ը։

1999 -չեչեն գրոհայինները ներխուժել են Դաղստան, սկսվել է Երկրորդ չեչենական պատերազմը։

2000– կանադացի գիտնական Բրետ Գլեդմանը հայտնաբերել է Սատուրն մոլորակի անկանոն արբանյակներ Կիվիոկը, Պալիակը և Իմիրը։

2008 -սկսվել է պատերազմ Հարավային Օսիայում։

2019-Հատուկջոկատայինները գրոհել են Ղրղզստանի նախկին նախագահ Ալմազբեկ Ատամբաևի տան վրա և ձերբակալել նրան։

Մանրամասները՝ «Փաստ» օրաթերթի այսօրվա համարում