Թիվ 5 երթուղին սպասարկող ավտոբուսին մոպեդով բախված 25-ամյա վարորդը մահացել է (տեսանյութ)
ՀԱՍԱՐԱԿՈՒԹՅՈՒՆԱյսօր՝ սեպտեմբերի 2-ին, «Աստղիկ» բժշկական կենտրոնի վերակենդանացման բաժանմունքում մահացել է Երևանի բնակիչ, 25-ամյա Օնիկ Սվատյանը: Ինչպես հայտնում է ֆոտոլրագրող Գագիկ Շամշյանը, վերջինս հիվանդանոց էր տեղափոխվել երեկ՝ սեպտեմբերի 1-ին, Իսակովի պողոտայի և Ամերիկյան փողոցի խաչմերուկում՝ ԱՄՆ դեսպանատան հարևանությամբ, իր վարած մոպեդ մակնիշի և Երևանի բնակիչ, 66-ամյա Աբել Հովհաննիսյանի վարած Higer մակնիշի ավտոբուսի բախման հետևանքով ստացած մարմնական վնասվածքներով:
Կայքի տեղեկություններով՝ փաստի առթիվ այսօր Հ. Ստեփանյանի որոշմամբ հարուցվել է քրեական գործ՝ ՀՀ քր օր-ի 242 հոդվածի 2-րդ մասի հատկանիշներով և այյն փոխանցվել է Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին:
Կայքի տեղեկություններով՝ Higer մակնիշի ավտոբուսը սպասարկում է թիվ 5 երթուղին: