Հեղափոխական 10 մեքենաներից մեկը՝ «Ֆորդ Մուստանգ». «Փաստ»

«Փաստ» օրաթերթը գրում է

Չկա որևէ մեկը, ով երբևէ չի լսել «Ֆորդ Մուստանգ» ավտոմեքենայի մասին: Եվ դա զարմանալի չէ: Դա ավտոմեքենաների այն տասնյակին է պատկանում, որոնք փոխել և ցնցել են աշխարհը: Ըստ հայտնի Forbes ամսագրի, «Ֆորդ Մուստանգը» ստացել է 1960-1970-ական թվականների լավագույն մեքենայի կոչումը: Այն ոչ միայն ապրանքանիշ է, այլ նաև մի ամբողջ դարաշրջան ավտոմեքենաների աշխարհում և բաղկացած է մոդելների մի ամբողջ ընտանիքից: Ամերիկյան ավտոմեքենաների այս շարքն ունի հինգ սերունդ: Առաջինը թողարկվել է 1964 թվականին, իսկ հինգերորդը՝ 2005 թվականից սկսյալ: Մեքենաների յուրաքանչյուր խմբաքանակ ներկայացված է մի քանի մոդելներով, որոնցից գրեթե յուրաքանչյուրը լեգենդ է դարձել ավտոաշխարհում:

Ներկայումս անգամ բանավեճ է ընթանում այն մասին, թե այդ շարքի մեջ որը կարելի է համարել ապրանքանիշի դասական օրինակ։ Շատերն ընդունում են, որ 1966 թվականի «Ֆորդ Մուստանգը» անփոխարինելի է: Այդ մեքենան նախատեսված է եղել որպես ժողովրդական ավտոմեքենա։ Ի սկզբանե ընդունվել է սպորտային ոճը, որը հայտնի էր որպես Pony Car, որը չի ունեցել հզոր բնութագրեր: «Ֆորդ Մուստանգն» ստեղծվել է Ford Falcon սեդանի հիման վրա: «Ֆորդ Մուստանգ» նախագծի հիմնադիրը եղել է Լի Յակոկկան, որի համար այն դարձել է իր կյանքի ամենակարևոր նախագիծը:

Այդ մեքենայի պատմությունը սկսվել է մի մոդելից, որը ծնվել է 1965 թվականի գարնանը: Ավտոսիրողներին այն այնքան է դուր եկել, որ 1,5 տարվա ընթացքում ավելի քան մեկ միլիոն մեքենա է արտադրվել և վաճառվել, ինչը ևս նպաստել է լայն գովազդային արշավին: Սկզբնապես նախագիծը անուն չի ունեցել: Երկար ժամանակ չեն կարողացել ընտրել այնպիսի տարբերակ, որը հարմար կլինի բոլորին՝ թե՛ նախագծողներին, թե՛ մարկետոլոգներին, թե՛ Հենրի Ֆորդ 2-րդին: Ելքը գտել է այս նախագծի առաջխաղացման ղեկավար Ռոբերտ Էգգերտը: Բանն այն է, որ նա սիրում էր ձիեր, և, բացի դա, նրա կինը նրան գիրք էր նվիրել մուստանգների մասին:

Արդյունքում նրա ուղեղում միտք է փայլատակել: Նա առաջարկել է Mustang անունը, քանի որ դա արտացոլում է մեքենայի բնույթը: Արդյունքում, 1967 թվականին աշխարհին ներկայացվել է Ford Mustang GT 390 մեքենան, որն, ի վերջո, դարձել է Ֆորդի լեգենդար մոդելներից մեկը: Ի տարբերություն վաթսունական թվականների սիրո և համընդհանուր խաղաղության գ ա ղ ա փար ն ե րի, որոնց հե տ ևո ւ մ է ր Volkswagen- ը՝ թողարկելով Volkswagen T1ի, այսպես ասած, «հիպի մոդելը», GT 390- ը դարձել է սկանդալային բողոքների, ռոքենռոլի, սեռական հեղափոխության և ոճի խորհրդանիշ: Ford Mustang GT 390- ը նաև Chevrolet ապրանքանիշի համար է լուրջ մրցակից դարձել։ Ford Mustang GT390- ը այլ մեքենաների համեմատ ավելի բարձր և լայն էր, իսկ թափքը ագրեսիվ տեսք ուներ: Ներսում հայտնվել են արևապաշտպան վահանակներ, ռադիոընդունիչ, վարորդի և ուղևորի՝ առանձին կարգավորվող նստատեղեր:

Մեքենան դարձել է ավելի հանրաճանաչ այն բանից հետո, երբ ցուցադրվել է 1968 թվականին թողարկված «Բուլլիստ» ֆիլմում: Ըստ սցենարի, Mustang- ը ոստիկանության մեքենա է և ֆիլմի գլխավոր տեսարանում հետապնդում է հանցագործի: Ford Mustang GT390-ի բնօրինակները գրեթե անհետացել են: Չնայած դրան, որոշ մեքենաներ այժմ էլ հաջողությամբ շահագործվում են: Այս շարքի մեքենաների գոյության յուրաքանչյուր փուլում որոշակի փոփոխություններ են տեղի ունեցել ոչ միայն բնութագրերում, այլ նաև արտաքին տեսքերի մեջ: 1964-1973 թվականներին թողարկվել են մեքենաներ, որոնք արտացոլել են ամերիկյան ապրելակերպը:

Օրինակ՝ կաբրիոլետ Ford Mustang-ը: 1966 թվականից, այսինքն՝ ի հայտ գալու օրվանից մինչ օրս այս մեքենան ամենատարածվածն է օգտագործված մեքենաների շուկայում ոչ միայն Միացյալ Նահանգներում, այլև ամբողջ աշխարհում: Այս մոդելի արտադրությունից հետո աշխարհի այլ մարդատար ավտոմեքենաների համար պարտադիր են դարձել արևային վահանակները և ռադիոընդունիչը։ «Ֆորդ Մուստանգի» պատմության մեջ ամենավերջին մոդելը S-197-ն է: Այն հիշեցնում է 1960-ականների արձագանքը ռետրո ոճով: Իր այլ նախորդների համեմատությամբ, նոր մոդելը, որը թարմացվել է 2010 թվականին, սկսել է ավելի ագրեսիվ տեսք ստանալ:

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում