Խաչիկ Ասրյան. Ոչ թե սիրված բոլորի կողմից, այլ արդար՝ բոլորի համար. ահա՛ իսկական Առաջնորդը

• Մի՛ հանգստացիր, մի՛ քնիր։ Միշտ եղիր զգո՛ն, միշտ եղիր ձգտո՛ղ և հավակնո՛տ։ Միշտ կատարիր խոստո՛ւմդ ԱՍՏԾՈ և բոլորի առջև։ Միշտ իրականությո՛ւն դարձրու ինքդ քեզ համար ստեղծած բոլոր երազանքներդ, և Դո՛ւ կլինես իսկական Առաջնորդը։

• Դո՛ւ պիտի հասկանաս Քո ինքնությունն ու առաքելությունը, Դո՛ւ պիտի զգաս նախնիներիդ շունչն ու ժողովրդիդ զարկերակը և Դո՛ւ կլինես Քրիստոսապաշտ և Հայաստանաշեն Առաջնորդը։

• Հայ Ազգի և Հայոց Պետության Առաջնորդը պետք է լինի ազնիվ ու իմաստուն, անողոք ու անհանդուրժող՝ հակազգային, հակապետական, հակաժողովրդական և այլ արատավոր երևույթների դեմ պայքարում։

• Առաջնորդն անպարտելի է, եթե անսասան է նրա զգոնությունը, և կատարյալ, եթե անթերի է նրա իմաստնությունը։

• Ո՛չ գայթակղությանը, ո՛չ պարտվողականությանը, և ո՛չ լաց լինելու քաղաքականությանը. ահա՛ կատարյալ Առաջնորդի անփոփոխ տեսակը:

• Ինչպես հնարավոր չէ կանգնեցնել ժամանակն ու ապագան, այնպես էլ անհնար է կանգնեցնել հայրենապահ և երդվյալ Առաջնորդին։

• Հայկական բարձրավանդակում բնակվող և միշտ պատերազմի մեջ գտնվող Հայ ժողովուրդն ու Հայաստանը պետք է ունենան ոչ թե քաղաքական Առաջնորդ, այլ մարտնչող ռազմիկ Սպարապե՛տ-Առաջնորդ:

• Հայաստանի քաղաքական լաբիրինթ մտած և ելքի տեղը հստակ իմացող իսկական Սպարապե՛տ-Առաջնորդը միայն կարող է ստեղծել և ձևավորել ազգային-պետական իշխանություն:

• Հերո՛ս Հայ ժողովուրդ, միշտ աղոթի՛ր ԱՍՏԾՈ օրհնության, Հայաստանի հավերժության և իսկական Սպարապետ-Առաջնորդիդ առողջության համար:

 

«Հայոց Արծիվներ. Միասնական Հայաստան»

կուսակցության Առաջնորդ,

«Հայոց Արծիվներ» կամավորական ջոկատի հրամանատար,

«Մարտական Խաչ» 1-ին աստիճանի շքանշանակիր,

գնդապետ՝ Խաչիկ Ասրյան