Արագածոտնում «Գազել»-ի վթարից 5 մահացածների և վիրավորների անունները հայտնի են

ՀՀ քր. օր.-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մահ) հատկանիշներով հարուցված քրեական գործի շրջանակում պարզվել է մահացածների և վիրավորների ինքնությունը: Խոսքը հոկտեմբերի 20-ին արագածոտնի մարզում խոշոր ու ողբերգական ավտովթարի մասին է, գրում է shamshyan.com-ը:

Մասնավոր անձի կողմից վարած մարդատար «Գազել» մակնիշի ավտոմեքենայի ուղևորներ Լիդա Ղազարյանը, Գարուշ Ավետիսյանը, Արփիկ Ղազարյանը, Նարեկ Ղուկասյանը, Պավել Վերնեցյանը, Օվսաննա Ղազարյանը, Աննա Մանուկյանը, Արմենուհի Դավթյանը, Գագիկ Հակոբյանը և ևս 1 ուղևոր (անգիտակից) տեղափոխվել են «Արմենիա» բժշկական կենտրոն, որոնց տարիքն ու բնակության հասցեները ճշտվում են, իսկ մյուս ուղևորներ, Գյումրիի բնակիչներ, 31-ամյա Անի Մինասյանը, 31-ամյա Կարուշ Ավետիսյանը, 22-ամյա Սյուզաննա Հարությունյանը և Վանաձոր քաղաքի բնակիչ, 30-ամյա Քրիստինա Կուչուրյանը տեղափոխվել են «Աշտարակ» բժշկական կենտրոն:  

Գյումրու բժշկական կենտրոն են տեղափոխվել Գյումրիի բնակիչ, 36-ամյա Արմենուհի Անտոնյանը, իսկ Գյումրի քաղաքի «Մոր և մանկան» Ավստրիական հիվանդանոց են տեղափոխվել 16-ամյա Ռաֆայել Ս.-ն և 15-ամյա Կարինեն Ա.-ն:  

Պարզվել է, որ վթարի հետևանքով տեղում մահացել են 35-ամյա Արթուր Պալոյանը, ում բնակության վայրը ճշտվում է, Գյումրիի բնակիչ, 41-ամյա Շուշանիկ Սահակյանը, Երևանի բնակիչ, 37-ամյա Անի Ու.-ն, ում ամբողջական տվյալները ճշտվում են, Գյումրիի բնակիչ, 21-ամյա Արմեն Շարոյանը և վարորդը, Գյումրիի բնակիչը՝ 59-ամյա Հարություն Կոստանյանը:   Մյուս վիրավորները տեղում առաջին բուժօգնությունն են ստացել օպերատիվորեն վթարի վայր ժամանած Թալինի և Աշտարակի հիվանդանոցների բժիշկների կողմից, ապա հրաժարվել են հիվանդանոցներ մեկնելուց:  

ՀԻշեցնենք, որ հոկտեմբերի 20-ին խոշոր ու ողբերգական ավտովթար էր տեղի ունեցել Արագածոտնի մարզում։ Ժամը 07։00-ի սահմանում մարդատար «Գազել» մակնիշի ավտոմեքենան Երևան-Գյումրի ավտոճանապարհի 50 կմ հատվածում դեպի Երևան ընթանալիս դուրս էր եկել ճանապարհի երթևեկելի գոտուց, բախվել քարերին ու Հյուսիս-Հարավ նոր կառուցվող ճանապարհին տեղադրված բետոնե արգելապատնեշներին, մի քանի պտույտ գլորվել և հայտնվել ճանապարհի երթևեկելի գոտուց դուրս։