Բիթքոինի գինը կրկին թարմացրել է իր պատմական առավելագույնը

Բիթքոինի գինը մեկ օրվա ընթացքում երկրորդ անգամ թարմացրել է իր պատմական առավելագույնը եւ գերազանվել 68 հազար դոլարը, վկայում են աճուրդների տվյալները:

Ավելի վաղ գիշերը բիթքոինի գինը հատել էր 67 հազար դոլարի սահմանագիծը։

Binance բորսայում բիթքոինը թանկացել է 5 տոկոսով՝ մինչեւ 68.4 հազար դոլար։

Ըստ CoinMarketCap պորտալի, որը հաշվարկում է միջին գինն ավելի քան 20 բորսաներում, բիթքոյնն աճել է 4.93 տոկոսով՝ հասնելով 68.4 հազար դոլարի։ Դինամիկան ամենուր տրվում է մեկ օրվա կտրվածքով:

Բիթքոինի գինը վերադարձել է ռեկորդային մակարդակի՝ եւս մեկ անգամ թարմացնելով իր պատմական ամենաբարձր մակարդակը: Նախորդ ռեկորդը, որը սահմանվել էր հոկտեմբերի 20-ին, կազմում էր ուղիղ 67 հազար դոլար, մինչ այդ առավելագույն մակարդակը 64.85 հազար դոլար էր, որը գրանցվել էր ապրիլին։

Բիթքոինը թանկանում է երկրորդ ամիսն անընդմեջ, իսկ հոկտեմբերին կրիպտոարժույթը թանկացել է մոտ 40 տոկոսով՝ 43.82 հազարից հասնելով 61.3 հազար դոլարի։ Սեպտեմբերին բիթքոյնը փոքր-ինչ ընկավ հուլիս եւ օգոստոս ամիսների երկու ամիս ուժեղ աճից հետո՝ ընդհանուր գրեթե 35 տոկոսով: Ապրիլյան ռեկորդին հասնելուց հետո բիթքոինը չկարողացավ ամրապնդվել այս մակարդակում, իսկ մայիսին կրիպտոարժույթը կորցրեց իր արժեքի գրեթե մեկ երրորդը, այնուհետեւ դրա գինը 57.7 հազարից իջավ մինչեւ 37.3 հազար դոլար։ Բիթքոինը 60 հազար դոլարի նշագծին վերադարձավ միայն հոկտեմբերի կեսերին։