ՊԱՏՄՈՒԹՅԱՆ ԱՅՍ ՕՐԸ (16 ՆՈՅԵՄԲԵՐԻ). Համահայաստանյան գործադուլ Հայաստանում, ռուսաստանյան զորախմբի սպառազինության դուրսբերում Վրաստանից. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հանդուրժողականության միջազգային օր, Անորեքսիայի դեմ պայքարի համաշխարհային օր, Էստոնիա՝ Ինքնիշխանության հռչակման օր, Իսլանդիա՝ Իսլանդերենի օր, Հյուսիսային Կորեա՝ Մայրության օր, Կուբա՝ Սուրբ Քրիստոբալի օր, Ուկրաինա՝ Ռադիոյի, հեռուստատեսության և կապի աշխատողների օր:

ՀԱՅ-ՀԱՅԱՍՏԱՆ

1904 – ծնվել է հայ խորհրդային ճարտարապետ Միհրան Մխիթարյանը։

1912 –ծնվել է ճարտարապետ Լևոն Բաբայանը:

1923 – ծնվել է նկարիչ Վահրամ Խաչիկյանը:

1933 – ծնվել է գրականագետ Զավեն Ավետիսյանը։

1939– ծնվել է նշանավոր կոմպոզիտոր Ռոբերտ Ամիրխանյանը:

1951– ծնվել է Հայաստանի ազգային հերոս Գեղազնիկ Միքայել յանը։

1959 – ծնվել է բանաստեղծ և գրականագետ Արթուր Անդրանիկյանը:

1966- վախճանվել է հայ խորհրդային ագրոկենսաբան Արտավազդ Ավագյանը:

1967– ծնվել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը։

1972 – ծնվել է ռուսագիր գրող և հոգեբան Գերասիմ Ավշարյանը:

1988- Երևանում կայացած բազմահազարանոց հանրահավաքի պահանջով ՀԽՍՀ-ի Գերագույն խորհուրդը մերժել է ԽՍՀՄ Սահմանադրությունում առաջարկվող փոփոխությունների հարցով հանրաքվեի անցկացումը Հայաստանում, միաժամանակ սկսվել է համահայաստանյան գործադուլ:

1992- Հայաստանը դիվանագիտական հարաբերություններ է հաստատել հասարակածային Գվինեայի հետ:

1996 – ծնվել է հետմահու Արցախի հերոս դարձած Ռոբերտ Աբաջյանը։

2006-Երևանի Կասկադի դիտահարթակը համալրվել է միջազգային ճանաչում ունեցող քանդակագործ Փոլ Քոքսի «Ահոյ» քանդակով: - սկսվել է ռուսաստանյան զորախմբի սպառազինության դուրսբերումը Վրաստանից, և այնտեղից առաջին գնացքն է ուղևորվել Գյումրիի 102-րդ ռուսական ռազմակայան:

2007- Երևանի կենտրոնում բացվել է Հյուսիսային պողոտայի Տերյան - Աբովյան հատվածը:

2013-վախճանվել է արքեպիսկոպոս Արսեն Բերբերյանը:

2017-խորհրդարանը միաձայն ընդունել է «Սահմանված կարգի խախտմամբ զինծառայություն չանցած քաղաքացիների մասին» օրենքում կատարվելիք փոփոխությունների նախագիծը, ըստ որի, բանակից խուսափած և հետախուզման մեջ գտնվող 27-ն անց քաղաքացիները հնարավորություն են ստացել գումարով ազատվել քրեական հետապնդումից և անարգել վերադառնալ հայրենիք:

2020- արտաքին գործերի նախարար Զոհրաբ Մնացականյանը հրաժարական է տվել: -Նիկոլ Փաշինյանը հերթական ֆեյսբուքյան աղմկահարույց գրառումն է կատարել. «Առաջնագծի զինվորների տասնյակ տեսանյութեր դիտեցի։ Տղերք, դուք ճիշտ եք։ Սպասում եմ ձեզ Երևանում։ Վերջնականորեն լուծելու պատերի տակ վնգստացողների հարցերը»։

ԱՇԽԱՐՀ

42 մ.թ.ա.- ծնվել է Հռոմի երկրորդ կայսր Տիբերիոսը:

1272 –վախճանվել Անգլիայի թագավոր Հենրիխ 3-րդը:

1532– տեղի է ունեցել Կայամարկյան սպանդը, որտեղ իսպանացի կոնկիստադոր Ֆրանսիսկո Պիսսարոն իր մարդկանցով կոտորել է մոտ 7000 ինկի։

1717 –ծնվել է ֆրանսիացի գիտնական, «Գիտության, մշակույթի և արհեստների հանրագիտարան» գրքի համահեղինակ Ժան Լերոն դը Ալամբերը:

1776 –ամերիկացիների անկախության համար մղվող պատերազմի ընթացքում Ուիլ յամ Հաուի ղեկավարած անգլիական բանակը գրոհով վերցրել է Վաշինգտոն ամրոցը:

1824 -ավստրիալացի հետազոտող Համիլտոն Մուրեյը հայտնաբերել է Ավստրալիայի ամենաերկար գետը՝ Մուրրեյը:

1841 -Նյու Յորքում արտոնագրվել է խցանային փրկօղակը:

1848– Ֆրեդերիկ Շոպենը Լոնդոնի Գիլդհոլի համերգասրահում տվել է իր վերջին համերգը։

1907– Օկլահոման դարձել է ԱՄՆ-ի 46-րդ նահանգը։

1918 - Հունգարիան դուրս է եկել Ավստրահունգարական Կայսրությունից և դարձել է հանրապետություն:

1933– ԱՄՆ-ի և ԽՍՀՄ-ի միջև ձևավորվել են դիվանագիտական հարաբերություններ։ 1938 -ստեղծվել է սամբո մարզաձևը:

1945– հիմնադրվել է ՅՈւՆԵՍԿՕ-ն՝ ՄԱԿ-ի Կրթության, գիտության և մշակույթի կազմակերպությունը։

1945-հայտնաբերվել են ամերիցիում և կյուրի ծանր էլեմենտները:

1961 -ծնվել է ռուսական ռոք երաժիշտ, երգերի հեղինակ և երգիչ Սերգեյ Գալինինը:

1965– ԽՍՀՄ-ը տիեզերք է ուղարկել «Վեներա-3» տիեզերական սարքավորումը, որը Վեներա հասած առաջին սարքավորումն է։

1966 -նկատվել է ամենաառատ աստղանկումը՝ 2300 մետեոր րոպեում:

1979- բացվել է Բուխարեստի մետրոյի առաջին գիծը:

1989 - Չեխոսլովակիայում սկսվել է թավշյա հեղափոխությունը:

1996 -Ռուսաստանի Կասպիյսկ քաղաքում տեղի է ունեցել ահաբեկչություն, պայթեցվել է բնակելի շենք, որի արդյունքում զոհվել է 67 մարդ:

Մանրամասները՝ «Փաստ» օրաթերթի այսօրվա համարում