Փաշինյանը՝ դիմակների պարտադիր կրման մասին
ՀԱՍԱՐԱԿՈՒԹՅՈՒՆԿառավարության այսօրվա նիստին առողջապահության նախարար Անահիտ Ավանեսյանն անդրադարձավ կորոնավիրուսի դեմ պայքարին՝ նշելով, որ արդեն թվերի նվազոuմ կա, և դա պայմանավորված է մի քանի հանգամանքով։ Դրանցից առաջինը, ըստ նախարարի, պատվաստումների ցուցանիշի բարձրացումն է, ուստի հիմա իրենք ամեն ինչ անելու են, որ պահպանեն այդ տենդենցը։
Նիկոլ Փաշինյանն էլ ասաց, թե դպրոցական արձակուրդների մեկ շաբաթով երկարաձգելը որոշակի դեր է խաղացել թվերի նվազման հարցում։
Արդարադատության նախարար Կարեն Անդրեասյանն էլ, շնորհակալություն հայտնելով Անահիտ Ավանեսյանին՝ կատարված հսկայական աշխատանքի համար, հարցրեց՝ հնարավո՞ր է, արդյոք, մոտ ապագայում բաց տարածքներում դիմակների պարտադրիր կրումը հանվի:
Ավանեսյանն ասաց, որ իրենք բոլոր սահմանափակող միջոցառումները կիրառում են՝ ըստ համաճարակային իրավիճակի, և շատ ճկուն կերպով դրանք անընդհատ փոփոխում են՝ անհարկի չծանրաբեռնելով քաղաքացիներին, բայց նաև տեսնում են, որ այդ միջոցառումները տալիս են ուղիղ էֆեկտ՝ ունենում են դրական նվազում, և այս դրական տենդենցը պահպանելու և բարելավելու պարագայում իրենք իրենց քաղաքականությունը, ըստ այդմ, կփոփոխեն։
Փաշինյանն էլ որոշեց այստեղ կատակել․ «Բայց հիմա ձմեռ ա գալիս, և մարդկանց դեմքը դիմակով ավելի պաշտպանված կլինի։ Երևանի և Հայաստանի շատ տարածաշրջանների էն կտրող ցրտին դիմակով շատ ավելի հեշտ կլինի շնչել, քան առանց դիմակի։ Էնպես որ, գարնանը պետք է դրա մասին մտածենք․․․ Չէ՝ կատակ եմ անում»։