ՀՀ բնապահպանության նախարարության աշխատանքների արդյունքում 2015թ-ին խնայվել է 620 մլն 194 հազար խմ ջուր

ՔԱՂԱՔԱԿԱՆ 23 Դեկտեմբեր, 2015 16:12

Ընդհանուր առմամբ 2015-ի ընթացքում ՀՀ բնապահպանության նախարարության կատարած աշխատանքների արդյունքում խնայվել է 620 մլն 194 հազար խմ ջուր: Այս մասին դեկտեմբերի 23-ին տարվա ամփոփիչ ասուլիսին հայտարարեց ՀՀ Բնապահպանության նախարար Արամայիս Գրիգորյանը:

«Ընդհանուր առմամբ 2014-2015թթ. խնայված ջրաքանակը կազմել է տարեկան 1մլրդ 320.3 մլն խմ : Այս տարի մենք շարունակեցինք 2014թ. մեկնարկած Արարատյան դաշտավայրի ապօրինի ինքնաշատրվանող ջրային հորերի խնդրի լուծումը, որովհետև տարեց տարի դրանց քանակն ավելանում է, և մենք պարտավոր ենք ամբողջական և լիարժեք պատկեր ունենալ և լուծարել ու կոնսերվացնել բոլոր ապօրինի հորերը», - ասաց Արամայիս Գրիգորյանը:

Նախարարը տեղեկացրեց, որ ընթացիկ տարի լուծարվել և կոնսերվացվել է ընդամենը ութ հոր, իսկ հաջորդ տարի նախատեսված է լուծարել ևս 22-ը, որոնք այս տարի հնարավոր չեղավ իրականացնել ֆինանսական խնդիրներից ելնելով: Նշված ութը հորերից չորսը եղել են բացասական հորիզոնական հորեր, իսկ մյուս չորսը՝ ինքնաշատրվանող, որտեղ խնայվել է 68լ/վ ջուր:

«Այս տարի շարունակեցինք ՀՀ կառավարության համապատասխան որոշման պահանջների իրականացումը, որպեսզի կարողանայինք հետ կանչել մեր կողմից նախկինում տրված ջրային թույլտվությունները և իրականացնել վերաձևակերպում՝ հաշվի առնելով այն հանգամանքը, որ մեր մոնիթորիգների ընթացքում պարզ եղավ, որ մենք լիարժեք հնարավորություն ունենք նվազեցնելու ֆիզիկական կամ իրավաբանական անձանց տրված ջրային թույլտվությունների քանակությունը: Մոնիտորինգի արդյունքներից հետևեց, որ դրանց նվազեցման արդյունքում այդ տնտեսությունները որևիցե բացասական խնդիր Õ �են ունենա», - նշեց Արամայիս Գրիգորյանը: