Ֆանֆարներ. որսից մինչև ռեփ. «Փաստ»

«Փաստ» օրաթերթը գրում է

Ֆանֆարը փողային գործիքների ընտանիքին պատկանող պղնձե երաժշտական գործիք է: Արվեստում ֆանֆարը դարձել է մի տեսակ ատրիբուտ, որը նշանակում է մեծ սկիզբ կամ ավարտ, բայց դրա ձայնը կարելի է լսել ոչ միայն բեմում: Ֆանֆարների խանդավառ ձայնը ազդարարում է գործողությունների, տեսարանների սկիզբ ֆիլմերում և համակարգչային խաղերում: Այդ գործիքը մթնոլորտը փոխանցելու, ցուցադրելու հիմնական գործիքներից մեկն է: Ֆանֆարի պատմությունը սկիզբ է առել այն ժամանակներից, երբ մեր նախնիները պատերազմական շեփորներ կամ որսորդական եղջյուրներ են օգտագործել հեռավորության վրա ազդանշաններ փոխանցելու համար: Ֆանֆարի նախատիպը եղջերափողն է, որը պատրաստվել է փղոսկրից և օգտագործվել է հիմնականում որսորդների կողմից տագնապ ազդարարելու համար:

Ֆանֆարի նման երաժշտական գործիքներ ունեցել և ունեն շատ ժողովուրդներ, այդ թվում՝ հնդիկները և ավստրալ իական աբորիգենները, որոնց մոտ նման գործիքները կազմել են մշակույթի բաղկացուցիչ մաս, քանի որ նրանք այդ գործիքները օգտագործել են ոչ միայն ինչ-որ բան ազդարարելու համար, այլ նաև ծեսերում, և դրանք եղել են մշակութային կյանքի կարևոր գործիքներից մեկը: Շամանները ֆանֆարների միջոցով օրհնել են իրենց ցեղակիցներին հաջող որսի համար և նրանց բազկին նոր ուժ հաղորդել: Բայց այդ ժամանակներն անցել են: Եվ չնայած ֆանֆարները և եղջերափողերը այն ժամանակ օգտագործվել են ֆեոդալների ու թագավորների կողմից, թատրոնների ի հայտ գալով երաժշտական արվեստի ռահվիրաներն են սկսել ակտիվորեն օգտագործել պարզունակ երաժշտական գործիքներ, այդ թվում՝ նաև ֆանֆարներ:

18-րդ դարում ֆանֆար երաժշտական գործիքը ձեռք է բերել իր «ավարտուն» տեսքը: Գործիքը բաղկացած է երկարավուն շեփորից, որը արտաբերում է կարճ ու աղմկոտ ձայն՝ արագորեն կրկնվող ակորդներով: Ֆանֆարներ օգտագործվել են շատ հայտ նի կոմ պ ո զ ի տոր ն ե ր ի երաժշտական գործերում, իսկ թատրոններում դրանցով ազդարարել են բեմադրության սկիզբը կամ վեհ ավարտը, ավելի հազվադեպ՝ նաև որպես մարտական տեսարանների երաժշտական նվագակցություն: Հեռուստատեսության ստեղծմամբ գործիքը պահանջված է դարձել կինոարվեստում:

Բացի այդ, ֆանֆարների ձայնը կարելի է լսել ոչ միայն հեռուստաէկրաններից, այլ նաև կինոթատրոններում և մյուզիքլներում: Այսպիսով, որոշ ռոք խմբեր դրանք օգտագործում են որպես ակորդ իրենց երգերի համար, իսկ ռեփի մեջ ֆանֆարային նվագի օգտագործումը հիմք է դարձել ռեփ արտիստների կատարումների մեծ մասի համար: Տեսախաղերի հետ ֆանֆարներն ուղղակի անփոխարինելի են դարձել մարտական տեսարանների երաժշտական նվագակցության, ինչպես նաև խաղի սկզբի և որոշակի փուլի ազդարարման համար:

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում