Հայաստանում մահվան դեպքերը այլ երկրների համեմատ ավելի բարձր են
ՀԱՍԱՐԱԿՈՒԹՅՈՒՆՀունվարի 1-ից քաղաքացիները հանրային սննդի վայրեր, մշակութային միջոցառումների կարող են մասնակցել, եթե ունենան ՊՇՌ թեստի բացասական արդյունքը հավաստող թուղթը կամ պատվաստման հավաստագիրը: Այս թեմայի մասին Past.am կայքը զրուցել է պրոֆեսոր Պետրոս Անանիկյանի հետ։
- Պարոն Անանիկյան, արդյո՞ք այս սահմանափակումները կնպաստեն պատվաստվողների քանակի ավելացմանը:
- Դժվարանում եմ պատասխանել ձեր հարցին։ Ես բազմիցս ասել եմ, որ պատվաստումը պետք է լինի կամավոր սկզբունքով, բայց մեր այսօրվա կառավարությունը անում է այն ինչ ուզում է։ Ամեն դեպքում կարծում եմ՝ շատ ավելի կարևոր է, որ Առողջապահության նախարարությունը ուշադրություն դարձնի մեր մահվան բարձր տոկոսին, որը չի համապատասխանում այլ երկրների տվյալներին։ Հայաստանում մահվան դեպքերը այլ երկրների համեմատ ավելի բարձր են։
- Պաշտոնական տվյալներով՝ Հայաստանում պատվաստվել է շուրջ 1 մլն 400 հազար մարդ: Սա դեռևս չի՞ համարվում, որ պաշտպանական շերտը ապահովված է:
- Մենք ցավոք չունենք հստակ տվյալներ բնակչության քանակի հետ կապված և եթե մենք 3 միլիոն ենք ուրեմն այդ թիվը շատ քիչ է, որովհետև ասում են, որ պետք է 70-80 տոկոսը պատվաստվի։ Պատվաստման համար արդեն բոլոր երկրներում էլ գրում են, որ լիարժեք չի ապահովվում։ Եվ ավելի շատ իրենց ապահովում են հիվանդացած լավացածները, ավելի քիչ են վարակվում, և մեծ մահեր չկան։ Պատվաստվելու համար կարող եմ ասել։ Պետք է լինի հատուկ ծառայություն, որը լուրջ կհետաքրքրվի։ Այս վակցինացիայից հետո էլ ավելի հեշտ է հիվանդանում։ Այսինքն մեզ պետք են գիտական հետազոտություններ, որտեղ հստակ թվերը կերևան։
- Հիմա հայտարարում են, թե քովիդի նոր շտամ է տարածվում աշխարհում, որը կոչվում է օմիկրոն: Դուք ի՞նչ գիտեք այդ շտամի մասին:
- Այսօր շատ տարբեր կարծիքներ և մոտեցումներ են։ Ասում են, որ օմիկրոնը շատ ավելի սարսափելի շտամ է, ավելի շատ են տարածում, բայց մահացությունները ավելի քիչ են։ Օմիկրոնի պատմությունից դեռ քիչ ժամանակ է անցել և դեռ պետք է երկար ուսումնասիրվի։
Սոնա Գիշյան