ՔՊ-ն Վարդենիսի «զավթման» օպերացիա է իրականացնում
ՔԱՂԱՔԱԿԱՆԱյսօր առավոտից լարված վիճակ է Վարդենիսում: Ավագանու առաջին նիստից առաջ ՔՊ-ականները ամեն ինչ արեցին լարվածություն ստեղծելու և կոնֆլիկտ հրահրելու համար, ընդհուպ փորձելով թույլ չտալ, որ «Ահարոն Խաչատրյան» դաշինքի անդամ Կարեն Մկրտչյանը մասնակցի ավագանու նիստին: Հատկապես «ակտիվ» էր ՔՊ-ից համայնքապետի թեկնածու Արամ Մելքոնյանը:
Հավելենք, որ մինչ այս «Միասնական Վարդենիս» դաշինքի առաջին համար, Վարդենիսի նախկին քաղաքապետ Արամ Հարությունյանին հարուցված քրեական գործի շրջանակում մեղադրանք էր առաջադրվել, և նա կալանավորվել էր։
Past.am-ի տեղեկություններով, այս ամբողջ գործընթացը համակարգվում է ՔՊ-ի ամենվերին օղակներից. նպատակը հստակ է՝ ամեն ինչ անել, որ Վարդենիսում համայնքապետ «նշանակվի» ՔՊ-ականը: Բանն այն է, որ դեկտեմբերի 5-ին կայացած ՏԻՄ ընտրություններում այս համայնքում «Քաղաքացիական պայմանագիրը» ստացել էր 13 մանդատ, «Ահարոն Խաչատրյան» դաշինքը՝ 10, «Միասնական Վարդենիսը» 4 մանդատ։ Ընդդիմադիր ուժերն ընտրություններից հետո կոալիցիա կազմելու հուշագիր էին ստորագրել և 14 մանդատը բավարար կլիներ համայնքի ղեկավար ընտրելու համար։
Վարդենիսում մեր թղթակցին ասացին, որ փաստորեն, 13 մանդատ ունեցող ՔՊ-ն ամեն ինչ անում է, որ ընդդիմադիր ուժերի ներկայացուցիչները համապատասխան ներկայություն ու քվե չունենան, որպեսզի կարողանան «զավթել» նաև Վարդենիսը: