Նիկոլ Փաշինյանի ակամա ինքնախոստովանությունը

Այսօր Հայաստանում մեկ մլն հեկտարից ավելի արոտավայրեր կան, որոնց 80 տոկոսը չի օգտագործվում: Այս մասին, այսօր՝ հունվարի 13-ին, կառավարության նիստում հայտարարեց ՀՀ վարչապետ Նիկոլ Փաշինյանը:

«Այսինքն անասնապահությամբ չենք զբաղվում այդ տարածքներում: Դրա հիմնական պատճառը նորմալ ճանապարհների բացակայությունն է, եւ հիմա այս ծրագրերով մենք խրախուսում ենք, որ ճանապարհային ցանց ձեւավորվի դեպի արոտավայրեր, որ գնալ-գալը ինքնարժեքի մեջ շատ մեծ բաղադրիչ չկազմի, ներդրումային հետաքրքրություն առաջացնենք»,-ասաց նա՝ անդրադառնալով օրենադրական փոփոխությանը, ըստ որի` արոտավայրեր տանող ճանապարհների կառուցմանը պետությունը կաջակցի սուբվենցիոն ծրագրերով:

Ուշագրավն այս հայտարարության մեջ այն է, որ Նիկոլ Փաշինյանը փաստացի ինքնախոստովանությամբ է հանդես եկել` ակամայից բացահայտելով իշխանությունների հանցավոր անգործությունը գյուղատնտեսության ոլորտում: Բանն այն է, որ նախորդ տարի հունիսին Փաշինյանը նույն այս թիվ էր հնչեցնում՝ 80 տոկոս:

Իսկ ահա 2019-ին այդ թիվը, ըստ Փաշինյանի, 70 տոկոս էր: 

Ըստ էության, վարչապետն այսօր հանդես է եկել ակամա ինքնախոստովանությամբ, որ տարիների ընթացքում Հայաստանում չօգտագործվող արոտավայրերի թիվը միայն աճել է, իսկ կառավարությունը պարզապես հարմար տեղավորվել է դիտորդի դերում՝ գյուղացուն թողնելով իր խնդիրների հետ մեն-մենակ:

Աղբյուր