ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆՎԱՐԻ). Կրկժանի ազատագրում, «արյունոտ կիրակի», մահափորձ Բրեժնևի նկատմամբ. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Իսլանդիա՝ Թորրաբլոութի օր, Լեհաստան՝ Պապիկների օր, Ուկրաինա՝ Միավորման օր, Ռուսաստան՝ Հակաօդային պաշտպանության ուժերի օր:

ՀԱՅ-ՀԱՅԱՍՏԱՆ

1876 – ծնվել է ամերիկահայ քանդակագործ Հայկ Բադիկյանը, որը մի շարք քանդակներ է ստեղծել Վաշինգտոնում և Սան Ֆրանցիսկոյում:

1921 - ծնվել է մեծանուն կոմպոզիտոր Առնո Բաբաջանյանը:

1922– ծնվել է գրականագետ, պրոֆեսոր Սուրեն Աղաբաբյանը:

1936– վախճանվել է նշանավոր գեղանկարիչ Եղիշե Թադևոսյանը, որը ստեղծագործել է կերպարվեստի գրեթե բոլոր բնագավառներում:

1974 - Վիկտոր Համբարձումյանը ընտրվել է Նյու Յորքի ակադեմիայի պատվավոր անդամ:

1979– վախճանվել է նշանավոր նկարիչ, քանդակագործ Երվանդ Քոչարը:

1992 –Ղարաբաղյան առաջին պատերազմի ժամանակ հայկական զինված խմբավորումները ազատագրել են Կրկժան գյուղը:

1993-Մոսկվայում կայացել է ԱՊՀ անդամ երկրների ղեկավարների գագաթաժողով, որտեղ ստորագրվել է ԱՊՀ-ի կանոնադրությունը:

2001-հրազենից սպանվել է Ռուսաստանի պրոֆեսիոնալ բռնցքամարտի չեմպիոն Օնիկ Արշակյանը:

2004-վերաքննիչ դատարանը առանց բավարարման է թողել «Հոկտեմբերի 27»-ի գործով երեք ամբաստանյալների բողոքն ընդդեմ առաջին ատյանի դատարանի կայացրած վճռի՝ անփոփոխ թողնելով դատավճիռը:

2007-Ստամբուլի «Ակոս» թերթի հրատարակչական խորհուրդը թերթի գլխավոր խմբագիր Հրանտ Դինքի սպանությունից երեք օր անց վերսկսել է աշխատանքները և թերթի նոր գլխավոր խմբագիր է նշանակել Էթիեն Մահչուբյանին: - թուրք ազգայնական Յասին Հայալը խոստովանել է, որ ինքն է հրահրել Ստամբուլի «Ակոս» թերթի գլխավոր խմբագիր Հրանտ Դինքի սպանությունը:

2014 -Կիևի Գրուշևյան փողոցում ընդհարման ժամանակ սպանվել է Եվրոմայդանի ակտիվիստ, Ուկրաինայի հերոս Սերգեյ Նիգոյանը:

2018-Ֆուտբոլի Հայաստանի ազգային հավաքականի ավագ Հենրիխ Մխիթարյանը երկարաժամկետ պայմանագիր է ստորագրել անգլիական «Արսենալ» ակումբի հետ:

2019-Մանվել Գրիգորյանը կրկին կալանավորվել և տեղափոխվել է «Երևան-Կենտրոն» ՔԿՀ:

ԱՇԽԱՐՀ

1561 –ծնվել է անգլիացի փիլիսոփա, պատմաբան Ֆրենսիս Բեկոնը:

1666 -վախճանվել է Բաբուրիդների կայսրության փադիշահ, Թաջ-Մահալի ստեղծող Շահ-Ջահանը:

1573 -ծնվել է ֆլամանդրացի բարոկկոյի դարաշրջանի գեղանկարիչ և գծանկարիչ Սեբաստիան Վրանսկը:

1724 -Ռուսաստանի ցար Պետրոս 1-ինը հրամանագիր է արձակել, ըստ որի, պետական ծառայողները պետք է իմանան օրենքները և կանոնները, և բացառել է դրանք չիմանալու հետևանքով դրանք չկատարելը և արդարանալը:

1788 - ծնվել է անգլիացի բանաստեղծ Ջորջ Բայրոնը:

1796 -ծնվել է ռուս քիմիկոս, դեղագործ և ռուտենիում քիմիական էլեմենտի հայտնագործող Կարլ Կլաուսը:

1798 -վախճանվել է Վրաստանի թագավոր Իրակլի 2-րդը, որը Ռուսաստանի հետ կնքել էր Գեորգիևյան տրակտատը:

1879 -Անգլո-զուլուսական պատերազմի ժամանակ տեղի է ունեցել ճակատամարտ Իզանդլվանիի մոտ:

1898 - ծնվել է խորհրդային կինոռեժիսոր Սերգեյ Էյզենշտեյնը:

1901– վախճանվել է Մեծ Բրիտանիայի թագուհի Վիկտորիան:

1904 -ծնվել է խորհրդային մանկական գրող Արկադի Գայդարը (իսկական ազգանունը՝ Գոլիկով):

1905– Սանկտ Պետերբուրգում սկսված գործադուլով սկսվել է ռուսական առաջին հեղափոխությունը: Այս օրը Ռուսաստանի պատմության մեջ մտել է «արյունոտ կիրակի» անվամբ:

1906 -ծնվել է ամերիկացի ֆանտաստ գրող Ռոբերտ Իրվին Հովարդը:

1908 - ծնվել է խորհրդային ֆիզիկոս Լև Լանդաուն:

1944– Երկրորդ համաշխարհային պատերազմի ժամանակ ԱՄՆ-ը և Մեծ Բրիտանիան սկսել են Շինգլ գործողությունն՝ ընդդեմ ֆաշիստական Գերմանիայի:

1946– Իրանի տարածքում քրդերը հռչակել են իրենց Մեհաբադյան Հանրապետությունը, որը կազմալուծվել է նույն թվականի դեկտեմբերին:

1969– ԽՍՀՄ զինված ուժերի սպա Վիկտոր Իլ յինը Լեոնիդ Բրեժնևի նկատմամբ մահափորձ է իրականացրել Մոսկվայում:

1973 -ԱՄՆ-ի Գերագույն դատարանը օրինականացրել է աբորտները:

1980 -այլախոհ ակադեմիկոս Անդրեյ Սախարովը աքսորվել է Գորկի քաղաք:

1993 - վախճանվել է ճապոնացի արձակագիր և դրամատուրգ Կոբո Աբեն:

2005 -Հյուսիսային Կորեայի արտգործնախարար Կիմ Կե Գվանը հայտարարել է, որ Հյուսիսային Կորեան դարձել է ատոմային տերություն:

2006 - Էվո Մորալեսը դարձել է Բոլիվիայի առաջին ծագումով բնիկ նախագահը։

 

Մանրամասները՝ «Փաստ» օրաթերթի այսօրվա համարում