Միլիոնավոր դոլարներ, շամպայնի գետեր, հազարավոր հյուրեր․ պատմության ամենաթանկարժեք հարսանիքները. լուսանկարներ

Ընթացիկ տարին աչքի ընկավ թանկարժեք հարսանիքներով։ Ռուսաստանում տարվա ամենաթանկարժեք հարսանիքը նախագահ Վլադիմիր Պուտինի մամուլի խոսնակ Դմիտրի Պեսկովի եւ գեղասահորդուհի Տատյանա Նավկայի հարսանիքն էր,-տեղեկացնում է Past.am-ը։

Սոչիում տեղի ունեցած ճոխ հարսանիքին բազմաթիվ հյուրեր կային, ամեն ինչ շքեղ էր կազմակերպված։ Թե կոնկրետ որքան գումար էին ծախսել նորապսակները, հայտնի չէ, սակայն մասնագետները կարծում են, որ հասանիքին նվազագույնը 600 հազար դոլար է ծախսվել։

 

Իսկ որո՞նք են պատմության մեջ ամենաթանկարժեք հարսանիքները։

Ամենաթանկարժեք հարսանիքը եղել է հնդիկներ Շրիստի Միտտալի եւ Գուլարջա Բեխլի հարսանիքը։

Այն զույգի վրա արժեցել է 82 միլիոն դոլար։ Զույգի ծնողները Հնդկաստանի ամենահարուստ մարդկանցից են։ Հարսանիքը տեղի է ունեցել Բարսելոնում, տեւել է 3 օր, հարսանիքի համար վարձել են Կատալոնիայի ազգային թանգարանը, 1000-ից ավելի հյուրեր են ներկա եղել։ Միայն շամպայնի վրա ծախսվել է 160 հազար դոլար։

Մի քիչ ավելի «զուսպ» է եղել Շրիստիի քրոջ՝ Վինիշի Միտտալի եւ Ամիտ Բխատիայի հարսանիքը, ծախսվել է «ընդամենը» 60 հազար դոլար։ Փոխարենը հարսանիքը մեկ շաբաթ է տեւել, 1 000 հյուր է ներկա եղել, հարսանիքը տեղի է ունեցել Փարիզում։ Հարսանիքին երգել է երգչուհի Քայլի Մինոուգը։ Ցավոք, այս զույգը վերջերս ամուսնալուծվեց։

Թանկարժեք հարսանիքների թվում է նաեւ Անդրեյ Մելնիչենկոյի եւ Ալեքսանդրա Նիկոլիչի հարսանիքը։

 

Զույգն ամուսնացել է 2005 թվականին եւ հարսանիքի վրա 30 միլիոն դոլար է ծախսել։ «Եվրոքսիմ»-ի տնօրենը իր մոդել կնոջը հարսանիքի օրը նվիրել է թանկարժեք զգեստ, հարսանիքին երգել են Քրիստինա Ագիլերան, Ուիթնի Հյուսթոնը, Խուլիո Իգլեսիասը։ Հարսանիքը տեղի է ունեցել Անտիբում, ներկա է եղել 300 հյուր։