Այս պահին կրակոցներ չեն լսվում, բայց հայ բնակչությունը խուճապի մեջ է, նրանց 50 տոկոսը որոշել է մնալ. Դոնեցկի մարզի հայերի միության նախագահ
ՔԱՂԱՔԱԿԱՆԲնակչության մեջ խուճապ է: Այս մասին Araratnews.am-ի հետ զրույցում ասաց Ուկրաինայի հայերի միության Դոնեցկի մարզի ներկայացուցչության նախագահ Վահագն Մաթևոսյանը անդրադառնալով Դոնցկում հայ համայնքի վիճակին: <Բնակչությունը չի ուզում պատերազմ, ոչ թե ուզում են Ռուսաստանին աջակցեն, կամ Ուկրաինայի կառավարությանը, այլ պարզապես չեն ուզում պատերազմ>,-ասաց նա:
Ամեն դեպքում մեզ հետ խոսելու պահին Վահագն Մաթևոսյանն ասաց, որ կրակոցներ չեն հնչում: <Այս պահին հանգիստ է, կրակոցներ չեն լսվում: Համենայնդեպս մենք Դոնեցկի մարզի Մարիուպլ քաղաքում ենք գտնվում և այս պահին կրակոցներ չեն լսվում>,-ասաց նա:
Ինչ վերաբերում է հարցին, թե հայ համայնքից ավելի շատ են երկրից հեռանալ ցանկացողնե՞րը, թե՞ մնացողները, Վահագն Մաթևոսյանն ասաց, մի քանի օր առաջ ցանկություն հայտնողները հեռացել են, մյուսները մնացել են տանը: <Երևի մի հիսուն տոկոս բնակչուրթյունը հայերի որոշել է մնալ, ես էլ անձամբ Մարիուպլում եմ գտնվում>,-տեղեկացրեց նա:
Անդրադառնալով հարցին, թե դեպի ո՞ւր են հայերը ցանկանում գնալ, Դոնեցկի մարզի հայերի միության նախագահն ասաց, որ թեև ինչ-որ տոկոս դուրս եկողներից կցանականար գալ Հայաստան, սակայն փակ է ճանապարհները, մարդիկ հնարավորություն չունեն Հայաստան վերադառնալու և տեղահանված բնակչությունը գնում է Եվրոպա:. <Բայց մտածում են, որ ավելի լավ է գնան հայրենիք, քան թե Եվրոպա>,-ասաց նա.
Հիշեցնենք, որ Ուկրաինայի զինված ուժերի 36-րդ բրիգադի ծովային ստորաբաժանումը Դոնեցկի Ժողովրդական Հանրապետությունից խնդրել է միջանցք՝ հանրապետություն մուտք գործելու համար։