Զելենսկին խնդրանքով դիմել է Պուտինին

Ուկրաինայի նախագահ Վլադիմիր Զելենսկին դիմել է ռուս մայրերին՝ կոչ անելով «իրենց երեխաներին տանել» Ուկրաինայից։

«Մայրեր, եկեք ձեր երեխաներին տարեք։ Երիտասարդները չպետք է լինեն դիահերձարաններում»,- ասել է Ուկրաինայի առաջնորդը Կիևում կայացած մամուլի ասուլիսում։

Երկրի ղեկավարը շնորհակալություն է հայտնել միջազգային հանրությանը Ուկրաինային ցուցաբերած աջակցության և օգնության համար։ Սակայն քաղաքական գործիչը նշել է, որ այն շատ է ուշացել։ «Շնորհակալ եմ Ուկրաինային աջակցության համար, բայց արդեն ուշ է։ Եթե ​​մենք կարողանայինք դա անել ավելի վաղ, երեխաները չէին մահանա։ Աշխարհը պետք է ցույց տա իր ուժը»,- ասել է Զելենսկին։

Նախագահ Զելենսկին նաև կոչ է արել ամբողջությամբ փակել Ուկրաինայի օդային տարածքը։ Նրա խոսքով՝ դա անհրաժեշտ է, քանի որ երկիրը ենթարկվում է հրթիռային հարվածների, այդ թվում՝ «Իսկանդեր» հրթիռների, ոչ միայն Ռուսաստանից, այլև Բելառուսից։

Ուկրաինայի ղեկավարը նաև ընդգծել է, որ ստեղծված իրավիճակում պետք է ինքնաթիռներ տրամադրել Ուկրաինային՝ հարձակումներն առավել արդյունավետ ետ մղելու և մարդկային նոր զոհերից խուսափելու համար։ «Մեզ ինքնաթիռներ են պետք: Առանց ինքնաթիռների մենք հիմա ոչինչ չենք կարող անել։ Այս իրավիճակը շատերի կյանք է արժենում»,- պարզաբանել է նա։

Զելենսկին նաև դիմել է ՌԴ նախագահ Վլադիմիր Պուտինին՝ կոչ անելով նրան անհապաղ դադարեցնել ռազմական գործողությունները և սկսել բանակցություններն առանց որևէ նախապայմանի։ «Խնդրում եմ դադարեցնել այս պատերազմը։ Մենք պետք է նստենք ու խոսենք առանց նախապայմանների, պետք է խոսենք մարդկանց պես»,- ասել է Ուկրաինայի ղեկավարը։