Բաքվի կողմից ռուսական տեխնիկան նախկինի պես մեծ ծավալներով է և՛ գնվում, և՛ սպասարկվում. Ադրբեջանում ՌԴ դեսպան

«Ռազմատեխնիկական համագործակցությունը նախևառաջ նշանակում է տեխնիկայի գնում: Ադրբեջանում դեռ բավականաչափ ռուսական տեխնիկա կա, կա իսրայելական տեխնիկա, բայց ռուսական տեխնիկան նախկինի պես մեծ ծավալներով է և՛ գնվում, և՛ սպասարկվում: Սա խոսում է երկու կողմերի վստահության և ռազմատեխնիկական համագործակցությունը շարունակելու և ընդլայնելու մտադրության մասին»,- այս մասին ասել է Ադրբեջանում Ռուսաստանի դեսպան Միխայիլ Բոչարնիկովը, փոխանցումէ  Vestikavkaza.ru-ն։

 «Հասկանալի է, որ այն ամենը, ինչ տեղի է ունենում մեր երկրների միջև, լավ հիմքերի վրա է ընկած: Նախագահ Իլհամ Ալիևը բազմիցս ընդգծել է, որ Ռուսաստանը իր համար ռազմավարական նշանակություն ունեցող երկիր է: Ադրբեջանն, իհարկե, ունի անկախ դիրքորոշում արտաքին քաղաքական հարցերում, մինչդեռ ոչ մի կերպ չի քննադատում Ռուսաստանին, ինչի համար Ռուսաստանը, իհարկե, շնորհակալ է նրան»,- ընդգծել է Ալեքսանդր Արտամոնովը։

Նա նաև նշել է, որ Դաշնակցային փոխգործակցության մասին հռչակագրի ստորագրումը նշանակալի իրադարձություն է Ադրբեջանի և Ռուսաստանի հարաբերություններում, որը միջպետական ​​կապերը նոր կայուն մակարդակի է բերում:

«Սա առանցքային և համապարփակ փաստաթուղթ է, որը նոր դարաշրջան է բացում մեր հարաբերություններում, դրա ստորագրումը նշանակում է, որ Ռուսաստանը նպատակաուղղված է Ադրբեջանի հետ ունենալ երկարաժամկետ համագործակցություն»,- ընդգծել է նա։

Ադրբեջանում ՌԴ դեսպանը նաև ասել է, որ Ռուսաստանը պատրաստ է նպաստել Ադրբեջանի և Հայաստանի միջև խաղաղ համաձայնագրի կնքմանը՝ նշելով, որ երկու կողմերն էլ ցանկություն են հայտնում կնքել նման փաստաթուղթ։

«Արդեն որոշ ժամանակ է՝ կողմերը փոխանակում են իրենց տեսլականը նման փաստաթղթի կնքման հնարավորության վերաբերյալ, որը հիմնված կլինի, ինչպես հասկանում եմ, միջազգային իրավունքի սկզբունքների, ՄԱԿ-ի կանոնադրության և այլ բաղադրիչների վրա։ Բանն այն է, որ ստեղծվի առավել բարենպաստ միջավայր նման բանակցություններ սկսելու համար։ Ռուսաստանն իր հերթին աջակցում է գործի նկատմամբ այս մոտեցմանը և միշտ պատրաստ է ցուցաբերել աջակցություն և միջնորդական ջանքեր»,- ասել է դիվանագետը:

Լարվածությունը նվազեցնելու միջոցառումներ են նախատեսված նաև տրանսպորտային և այլ կապերի ապաշրջափակման մասին հայտարարություններով, առաջ շարժվելով Ադրբեջանի և Հայաստանի պետական ​​սահմանի սահմանազատման և դրան հաջորդող սահմանագծման ուղղությամբ։

«Դրանք խաղաղության պայմանագրի ստորագրման խնդիրներն են, Ռուսաստանի Դաշնությունը պատրաստ է օգնություն ցուցաբերել այս բոլոր հարցերում»,- հավելել է նա։