Ինչպե՞ս դադարեցնել ծխելը, եթե նույնիսկ այն շատ դժվար է

Անկախ այն բանից, թե ինչպես եք օգտագործում, ծխախոտը վտանգավոր է ձեր առողջության համար: Ծխախոտային ցանկացած արտադրանքի մեջ առկա են միայն առողջության համար վտանգավոր նյութեր՝ ացետոնից ու խեժից մինչև նիկոտին և ածխածնի երկօքսիդ: Նյութերը, որոնք դուք շնչում եք, ազդում են ոչ միայն ձեր թոքերի, այլև ամբողջ մարմնի վրա:

Մտածեք ձեր առողջության մասին և դադարեցրեք ծխախոտի օգտագործումը: Այս խնդիրը հեշտացնելու համար Past.am-ը կօգնի ձեզ մի քանի պարզ գործողությունների ներկայացմամբ.

• Մի գնեք ծխախոտ մեծ քանակությամբ։
• Մի ծխեք ծխախոտը մինչև վերջ, քանի որ ծխախոտի գլանակի հենց վերջին հատվածում են ամենավնասակար բաղադրիչները։
• Փորձեք ամեն օր 1-2-ով նվազեցնել ձեր ծխած ծխախոտի քանակը։
• Ծխախոտը փոխարինեք մարմնամարզությամբ, զբոսանքով։
• Առավոտյան արթնանալուն պես մի ծխեք:
• Երբեք մի ծխեք, այն պատճառով, որ ձեր ընկերները նույնպես ծխում են: Հիշեք, յուրաքանչյուր մարդ անհատ է, ով ունի իր սեփական ցանկություններով ապրելու իրավունքը։
• Երբեք մի հայտարարեք ուրիշներին. «Ես թողնում եմ ծխելը»:
• Ծխելու ցանկությունը գալիս է ալիքներով. փորձեք դիմակայել և կամքի ուժ դրսևորել։
• Աշխատեք հեռու մնալ այն միջավայրից, որտեղ ծխում են, քանի որ ծխախոտի հոտը կարող է ցանկություն առաջացնել։

Առաջին 5-7 օրվա ընթացքում դուք պետք է հետևեք մի քանի պարզ գործողությունների․

• Խմեք ավելի շատ հեղուկներ:
• Մի խմեք թունդ թեյ կամ սուրճ, սա սրում է ծխախոտի ցանկությունը:
• Կերեք ավելի շատ թարմ բանջարեղեն և մրգեր:
• Ամեն օր կերեք մեկ գդալ մեղր՝ այն օգնում է լյարդին մաքրել օրգանիզմը վնասակար նյութերից։
• Ձեր ֆիզիկական ակտիվությունը պետք է բարձր լինի:
• Ամեն օր ցնցուղ ընդունեք։