Ինչ գիտենք 2016-ի սիմվոլի մասին

Past.am

2016 թվականը Հրե կապիկի տարի է։ Իսկ ինչ գիտենք մենք այս կենդանիների մասին։ Աշխարհի ամենափոքրիկ կապիկի չափսը 11-15 սմ է՝ չհաշված պոչը։ Առանձին պոչը կազմում է 20 սմ։ Թայլանդում անչափ շատ են սիրում կապիկներին։ Նրանք լեգենդը ասում է, որ կապիկների բանակն է օգնել Ռամ աստծոն հաղթել թշնամիներին։ այդ պատճառով ամեն տարի Թայլանդում մեծ խնջույք են կազմակերպում կապիկների համար։ Այդ օր 2 000 կապիկի մրգեր ու բանջարեղեն են հյուրասիրում։ Կապիկը համարվում է շատ էմոցիոնալ էակ։

Նրա խորամանկությունը սահմաններ չի ճանաչում, իսկ ժամանակակից հոգեբանության մեջ կապիկը խորհրդանշում է ուրախ մարդ, ով սիրում է շատախոսել, հետաքրքրասեր է ու մի քիչ էլ բամբասկոտ։ Բազմաթիվ ապացույցներ կան, որ մարդն ու կապիկը շատ հարցերում նման են իրար։ Նման են ատամներով, ուղեղի կառուցվածքով, արյամբ։

Սակայն ի տարբերություն մարդկանց՝ կապիկները երբեք հարբուխով չեն հիվանդանում։ Արտաքինից կարելի է հասկանալ, թե ինչ տրամադրություն ունի կապիկը։

Միշտ հիշեք, եթե կապիկը շրթունքները ձգել է ու բացել ատամները, ուրեմն նա այդ պահին ագրեսիվ է, զգույշ եղեք։ Հետաքրքիր է, որ կապիկներն իրենց ազատ ժամանակի մեջ մասը տրամադրում են մեկ այլ կապիկի արտաքինը խնամելուն։

Ընդունված է կարծել, որ կապիկները բացառապես բանանով են սնվում։ Սակայն իրականում կապիկները ամեն ինչ էլ ուտում են, երբեմն անգամ կենդանիների։ Չնայած կապիկները շատ նման են մարդկանց, սակայն գիտնականները պարզել են, որ անհնար է կապիկին խոսել սովորեցնել, նրանց ուղեղում խոսքի կենտրոն ուղղակի գոյություն չունի։