Հավով և սնկով աղցան

Բաղադրություն

1 հավի փափկամիս

150 գ շամպինիոն սունկ

1 հ. սոխ

1 հ. գազար

2-3 հ. մարինացված վարունգ

4-5 ճ.գ. եգիպտացորենի հատիկներ

մայոնեզ

2 հ. ձու

1 պճեղ սխտոր

մաղադանոս, սամիթ

բուսայուղ՝ տապակելու համար

աղ, պղպեղ

Պատրաստման եղանակ

1. Եփել հավը, առանձնացնել ոսկորները և կտրտել:

2. Շամպինիոնները լվանալ և կտրտել:

3. Մաքրել սոխը և մանր կտրտել:

4. Մաքրել գազարը և մանր քերիչով անցկացնել:

5. Վարունգը կտրտել խորանարդիկներով:

6. Եփել ձվերը. թողնել սառչի և անցկացնել քերիչով:

7. Տապակի մեջ բուսայուղ լցնել և տապակել սոխը՝ մինչև դառնա ոսկեգույն:

8. Հանել սոխը և նույն տապակի մեջ տապակել գազարը

9. Այնուհետև առանձին տապակել սունկը:

10. Մանրացնել մաղադանոսն ու սամիթը:

11. Ճզմել սխտորը և խառնել մայոնեզի հետ: Մատուցվող ափսեի մեջ շերտ-շերտ շարել բաղադրիչները. հավը, սունկը, գազարը, սոխը, եգիպտացորենի հատիկները, կանաչին, ձուն՝ յուրաքանչյուրից հետո աղ և պղպեղ լցնել և մայոնեզ քսել: Վերջում աղցանի վրա մայոնեզ քսել և ձևավորել եգիպտացորենով ու կանաչիով: