ՊԱՏՄՈՒԹՅԱՆ ԱՅՍ ՕՐԸ (26 ԱՊՐԻԼԻ). Ղրիմը Ռուսաստանից փոխանցվել է Ուկրաինային. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Մտավոր սեփականության համաշխարհային օր, Ուկրաինա և Ռուսաստան՝ Ռադիացիոն վթարներից և աղետներից զոհվածների օր, Հայաստան՝ Սահմանապահի օր, Տանզանիա՝ Միավորման օր։

ՀԱՅ-ՀԱՅԱՍՏԱՆ

1860 –ծնվել է նշանավոր պատմաբան Լեոն։

1921- Տաթևի համազանգեզուրյան երկրորդ համագումարում ինքնավար Սյունիքը վերակազմվել է Լեռնահայաստան պետության։

2002-Թբիլիսի է մեկնել հայ բժիշկների երկու խումբ, որպեսզի անհրաժեշտ օգնություն ցույց տան Վրաստանում տեղի ունեցած ուժեղ երկրաշարժից տուժածներին:

2004- Վայոց ձորի մարզում տեղի է ունեցել «Հիդրոտեխնիկական կառուցվածքներ Որոտան գետի վրա» օբյեկտի հանդիսավոր բացման արարողություն։

2007-Միացյալ Նահանգների Պետդեպարտամենտի զեկույցում փոփոխվել է Ղարաբաղին վերաբերող ձևակերպումը և վերականգնվել է սկզբնականը` «Հայաստանը շարունակում է Լեռնային Ղարաբաղի ադրբեջանական տարածքի և հարակից յոթ շրջանների օկուպացիան»:

2012-Երևանի Վալերի Բրյուսովի անվան պետական լեզվաբանական համալսարանի ուսանողները դասադուլ են հայտարարել՝ բողոքելով բուհի ռեկտոր Սուրեն Զոլ յանին հեռացնելու մասին կրթության եւ գիտության նախարար Արմեն Աշոտյանի որոշման դեմ։

2014-Սերժ Սարգսյանի առաջարկով Ազգային ժողովի նախագահի պաշտոնում առաջադրվել է ՀՀԿ կուսակցության փոխնախագահ Գալուստ Սահակյանը

2015-System of Down ռոք խմբի վոկալիստ Սերժ Թանկյանը «Թայմ»-ում հրապարակված հոդվածով ներկայացրել է Հայոց ցեղասպանության 100-րդ տարելիցի մասին իր մտորումները։

2018- «Քաղաքացիական պայմանագիր» կուսակցության առաջնորդ Նիկոլ Փաշինյանը կոչ է արել ցուցարարներին Երևանում բացել բոլոր փակ փողոցները։

ԱՇԽԱՐՀ

121-ծնվել է հռոմեական կայսր, փիլիսոփա Մարկ Ավրելիոսը։

1478-Ֆլորենցիայում Մեդիչիների ընտանիքի դեմ Պացցիայի դավադրության արդյունքում վիրավորվել է Լորենցո Մեդիչին, սպանվել է նրա եղբայր Ջուլիանոն։

1575-ծնվել է ֆրանսիայի թագուհի Մարիա Մեդիչին։

1607-Վիրջինիայի Հենրի հրվանդանում ափ են իջել Ամերիկայի առաջին անգլիացի վերաբնակիչները։

1795-Ռուսաստանին է միացվել Կուրլանդիան։

1812-ծնվել է գերմանացի գործարար, մետաղաձուլական և մեքենաշինական «Կրուպպ» կոնցեռնի հիմնադիր Ալֆրեդ Կրուպպը։

1828-Ռուսական Կայսրությունը պատերազմ է հայտարարել Օսմանյան Կայսրությանը։

1921-Լոնդոնի փողոցներում հայտնվել են առաջին ոստիկանական պարեկները մոտոցիկլներով։

1942-Չինաստանի Բենսենի հանքահորի վթարի արդյունքում զոհվել է մոտավորապես 1550 մարդ։

1954-ԽՍՀՄ-ի Գերագույն խորհուրդը հաստատել է Ղրիմի մարզի փոխանցումը Ռուսաստանի ՖԽՍՀ-ից Ուկրաինական ԽՍՀ-ին և համապատասխան փոփոխություններ է մտցրել ԽՍՀՄ Սահմանադրությունում։

1966-տեղի է ունեցել Տաշքենդի ութ բալանոց ավերիչ երկրաշարժը։

1976-վախճանվել է Խորհրդային Միության մարշալ, պաշտպանության նախարար Անդրեյ Գրեչկոն։

1986-տեղի է ունեցել վթար Չեռնոբիլի ատոմակայանում, որը հանդիսանում է մարդկության պատմության ամենախոշոր տեխնոգեն աղետներց մեկը։

1994- Նագոեում վթարվել է Ա-300 մարդատար ինքնաթիռը, զոհվել է 264 մարդ։

1999-Չեռնոբիլ անունով վիրուսը աշխարհով մեկ վնասել է ավելի քան կես միլիոն համակարգիչ։

Մանրամասները՝ «Փաստ» օրաթերթի այսօրվա համարում