Բուլղարիայում թուրք գործիչը հեռացվել է կուսակցության նախագահությունից Թուրքիային պաշտպանելու համար

Թուրքիայի կողմից ռուսական ինքնաթիռի խոցումից հետո լարված ռուս-թուրքական հարաբերությունները նոր սկանդալի պատճառ են դարձել Բուլղարիայում: Վկայակոչելով թուրքական «Միլլիեթ» պարբերականը, Բուլղարիայի «Իրավունքների և ազատությունների շարժում» կուսակցության նախագահÕ ¨ հեռացվել է պաշտոնից այն բանի համար, որ ռուսական ինքնաթիռի կործանման հարցում աջակցություն է հայտնել Թուրքիային:

Կուսակցության նախագահ, ազգությամբ թուրք Լյութվի Մեսթանի կողմից ռուսական ինքնաթիռի կործանման հարցում Թուրքիային իր աջակցությունը հայտնելու վերաբերյալ հայտարարության ընթերցումը զայրացրել է կուսակցության պատվավոր նախագահ Ահմեթ Դողանին: Վերջինս հրավիրել է կուսակցության խորհրդի նիստ և հեռացրել է Մեսթանին պաշտոնից:

Լյութվի Մեսթանը, ով զրկվել է անվտանգության աշխատակիցներից, ապաստան է խնղրել Սոֆիայում Թուրքիայի դեսպանատնից և իր երեխաների հետ տեղափոխվել այնտեղ:

Հաղորդվում է, որ խնդրին խառնվել է նաև Թուրքիայի վարչապետ Ահմեդ Դավութօղլուն, ով զանգահարել է Բուլղարիայի իր պաշտոնակցին ու խնդրել աջակցել Մեսթանին: Բուլղարիայի վարչապետ Բոյկո Բորիսովը հայտնել է, որ որևէ կողմին չի աջակցելու:

Նոյեմբերի 24-ին ռուսաստանյան Սու-24 ինքնաթիռը Սիրիայի տարածքում թուրքական սահմանից 1 կմ հեռավորության վրա կործանվել է Թուրքիայի օդուժիկողմից արձակված «երկինք-երկինք» հրթիռով եւ վայր ընկել Թուրքիայի սահմանից 4 կմ հեռավորության վրա:

Ռուսաստանի Դաշնության նախագահ Վլադիմիր Պուտինը Սիրիայի օդային տարածքում ռուսաստանյան Սու-24 ռմբակոծիչի խոցումը թուրքական օդուժիկողմից անվանել է «հարված թիկունքից», որը հասցվել է Ռուսաստանին «ահաբեկիչների հանցակիցների կողմից»: «Այդ իրադարձությունը դուրս էահաբեկչության հետ սովորական պայքարի շրջանակից: Այսօրվա կորուստը կապված է հարվածի հետ, որը մեր մեջքին հասցրեցին ահաբեկիչներիհանցակիցները: Այն ինչ այսօր տեղի է ունեցել, ես չեմ կարող այլ կերպ անվանել»,-ասել է Պուտինը: