ՊԱՏՄՈՒԹՅԱՆ ԱՅՍ ՕՐԸ (31 ՄԱՅԻՍԻ). Գազի սակագինը նվազեցվել է 9,3 դրամով. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

«Առանց ծխախոտի» միջազգային օր, Անհավասարության դեմ պայքարի միջազգային օր, Ցրված սկլերոզի դեմ պայքարի միջազգային օր, Ղազախստան՝ Քաղաքական ռեպրեսիաների զոհերի հիշատակի օր, ՀԱՀ՝ Հանրապետության օր, Թուրքմենստան՝ Թուրքմենական գորգերի օր, Աբխազիա՝ Կովկասյան պատերազմի զոհերի հիշատակի օր:

ՀԱՅ-ՀԱՅԱՍՏԱՆ

1869-ծնվել է ծովանկարիչ Վարդան Մոխոխյանը:

1883-ծնվել է քաղաքական և ռազմական գործիչ Դրաստամատ Կանայանը (Դրո):

1892-ծնվել է հայ խորհրդային կինոռեժիսոր, սցենարիստ և դերասան Համբարձում Բեկ-Նազարյանը:

1910-ծնվել է ռուսալեզու հայ արձակագիր և թարգմանչուհի Նորա Ադամյանը:

1954-ծնվել է դերասան, սցենարիստ, ռեժիսոր, երգիչ և պրոդյուսեր Միքայել Պողոսյանը:

2003-Կենտրոնական ընտրական հանձնաժողովը (ԿԸՀ) հրապարակել է մայիսի 25- ին կայացած խորհրդարանական ընտրությունների և Սահմանադրական փոփոխությունների հանրաքվեի վերջնական արդյունքները: Համամասնական ընտրակարգով ՀՀ Ազգային Ժողովի մանդատները բաշխվել են հետևյալ կերպ. ՀՀԿ՝ 23, «Արդարություն» դաշինք՝ 14, «Օրինաց երկիր» կուսակցություն՝ 12, Հայ հեղափոխական դաշնակցություն՝ 11, «Ազգային միաբանություն»՝ 9, ՄԱԿ՝ 6 մանդատ: Մեծամասնական մանդատներից 36-ը բաժին է ընկել անկուսակցական թեկնածուներին: Ի վերջո, Ազգային ժողովում ստեղծվեց պատգամավորական 6 խմբակցություն` ՀՀԿ` 40 պատգամավոր, «Օրինաց երկիր»` 20, «Արդարություն»`14, ՀՅԴ` 11, «Ազգային միաբանություն»` 8, «Միավորված աշխատանքային կուսակցություն` 6, և մեկ պատգամավորական խումբ` «Ժողովրդական պատգամավոր»`16 պատգամավորով: Խմբակցություններում և պատգամավորական խմբում ընդգրկված չէր 14 պատգամավոր:

2004- տեղի է ունեցել Հայաստանի պաշտպանության նախարարության Ազգային ռազմավարական հետազոտությունների ինստիտուտի հիմնադրման հանդիսավոր արարողությունը:

2008- 11 ազատամարտիկներ, ովքեր մայիսի 27-ին հացադուլ էին հայտարարել Եռաբլուրում` պահանջելով ազատ արձակել իրենց կալանավորված ընկերներին, դադարեցրել են իրենց բողոքի ակցիան, նրանց փոխարեն հացադուլ են սկսել 12 այլ ազատամարտիկներ:

2012-Հովիկ Աբրահամյանը խորհրդարանի խոսնակ է ընտրվել 5-րդ գումարման Ազգային ժողովի առաջին նիստում` պատգամավորների փակ գաղտնի քվեարկությամբ (102 կողմ և 4 դեմ):

2016-Հանրային ծառայությունները կարգավորող հանձնաժողովի (ՀԾԿՀ) որոշմամբ ամսական մինչև 10 հազար խորանարդ մետր գազ սպառողների (բնակչության և փոքր ձեռնարկությունների) համար գազի սակագինը նվազեցվել է 9,3 դրամով։

2018-Մասիսի քաղաքապետն ու փոխքաղաքապետը ձերբակալվել են և կասկածվել ապրիլի 22-ին Էրեբունի վարչական շրջանում տեղի ունեցած անկարգություններին անմիջական մասնակցություն ունենալու մեջ:

2019- ՀՀ Ազգային ժողովում ստեղծվել է 2016 թվականի ապրիլին ծավալված ռազմական գործողությունների հանգամանքներն ուսումնասիրող քննիչ հանձնաժողով:

ԱՇԽԱՐՀ

1223- Կալկայի մոտ տեղի ունեցած ճակատամարտում մոնղոլ զորավար Սուբեդեյի բանակը ջախջախել է ռուս-լեհական զորքերը:

1809-վախճանվել է ավստրիացի կոմպոզիտոր Ֆրանց Յոզեֆ Հայդենը:

1815-հայտարարվել է Հոլանդական Թագավորության ստեղծումը:

1836-Անգլիայում արտոնագրվել է պտուտանիվը:

1850-համընդհանուր ընտրական իրավունքը Ֆրանսիայում հանվել է:

1859-Լոնդոնի Վեստմինստերական պալատի ժամացույցային աշտարակում գործի է գցվել ժամացույց, որը ներկայումս հայտնի է Բիգ Բեն անունով:

1868- Փարիզի շրջակայքում գտնվող ՍենԿլու այգում կայացել է աշխարհում առաջին հեծանվավազքը:

Մանրամասները՝ «Փաստ» օրաթերթի այսօրվա համարում