ՊԱՏՄՈՒԹՅԱՆ ԱՅՍ ՕՐԸ (2 ՀՈՒԼԻՍԻ). Հարձակվել են «քաղաքական զբոսանք» իրականացնողների վրա. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Սպորտային լրագրողի միջազգային օր, Ղազախստան՝ Դիվանագիտական աշխատողների օր, Նորվեգիա՝ Թագավորի օր, Ուկրաինա՝ Հարկային աշխատողների օր, Ուզբեկստան՝ Զինանշանի օր:

ՀԱՅ-ՀԱՅԱՍՏԱՆ

1729 – վախճանվել է Ամենայն հայոց կաթողիկոս Կարապետ Բ Ուլնեցին։

1833– վախճանվել է բանասեր, աշխարհագրագետ, Մխիթարյան միաբանության անդամ Ղուկաս Ինճիճյանը:

1921- Թիֆլիսում սկսվել է ՌԿ(բ)Կ Կովկասյան բյուրոյի նիստը Անդրկովկասի 3 խորհրդային հանրապետությունների միջև սահմանային հարցերը լուծելու նպատակով:

1993 – վախճանվել է ակադեմիկոս, ԽՍՀՄ ժողովրդական նկարիչ Դմիտրի Նալբանդյանը:

2001- Ստեփանակերտում սկսվել է Լեռնային Ղարաբաղի, Աբխազիայի, Հարավային Օսիայի եւ Մերձդնեստրի արտգործնախարարների խորհրդակցությունը:

2005- տեղի է ունեցել Հայաստանում բջջային կապի երկրորդ օպերատորի՝ «Ղ-Տելեկոմ» ընկերության «ՎիվաՍել» ապրանքանիշի շնորհանդեսը: Առաջին զանգը կատարել է Հայաստանի նախագահ Ռոբերտ Քոչարյանը:

2008-Հյուսիսային պողոտա ներխուժած թվով շուրջ 20 տղամարդ վիրավորական արտահայտություններով ու սադրիչ պահվածքով հարձակվել են այնտեղ գտնվող քաղաքացիների վրա, ովքեր մասնակցել են ամենօրյա «քաղաքական զբոսանքներին»:

2010- Գիտությունների ազգային ակադեմիայում բացվել է «Հայոց ցեղասպանության 100-ամյա տարելից. արդարության հաստատման սահմանագիծ» խորագրով համաժողովը:

2011-Գյումրիում մեկնարկել են ծնունդով գյումրեցի, 20-րդ դարի հայտնի միստիկ փիլիսոփա Գեորգի Գյուրջիևին նվիրված օրերը:

2015- «Ո՛չ թալանին» նախաձեռնության՝ Բաղրամյան պողոտայից հեռանալուց օրեր անց՝ կեսգիշերին, նույն տեղում ձևավորվել է բողոքի շարժումը համակարգող նոր խումբ։

2018-Ամուլսարի հանքավայրի գործունեության դեմ պայքարող քաղաքացիները խանգարել են «Լիդիան Արմենիա» ընկերությանը շարունակել հանքի կառուցման աշխատանքները:

ԱՇԽԱՐՀ

1499 -Ամերիգո Վեսպուչին հայտնաբերել է Ամազոնի դելտան:

1566-վախճանվել է ֆրանսիացի գրող, բժիշկ, ալքիմիկ և պայծառատես Նոստրադամուսը:

1778- վախճանվել է ֆրանսիացի գրող, մտածող, երաժշտագետ, կոմպոզիտոր և բուսաբան Ժան Ժակ Ռուսոն: 1830–Աֆրիկայից ԱՄՆ ստրկության համար տեղափոխվող սևամորթները գրավել են «Ամիսթադ» նավը: Այդ դեպքերի հիման վրա ռեժիսոր Սթիվեն Սփիլբերգը նկարահանել է համանուն «Ամիսթադ» ֆիլմը:

1853- ռուսական բանակն անցել է Պրուտ գետը, սկսվել է Ղրիմի պատերազմը:

1860– հիմնադրվել է Վլադիվոստոկ քաղաքը: 

1900 - Փարիզում տեղի է ունեցել 2-րդ Օլիմպիական խաղերի բացումը:

1922-ծնվել է ֆրանսիացի մոդելիեր Պիեռ Կարդենը:

1925-ծնվել է Կոնգոյի Հանրապետության առաջին վարչապետ և ազգային հերոս Պատրիս Լումումբան:

1942 –վախճանվել է ռուս խորհրդային գրող Եվգենի Պետրովը («Ոսկե հորթ» և «12 աթոռ» ստեղծագործությունների համահեղինակ):

1961– ինքնասպան է եղել ամերիկացի ականավոր գրող, Նոբել յան մրցանակի դափնեկիր Էռնեստ Հեմինգուեյը:

1977- վախճանվել է նշանավոր գրող, պոետ, թարգմանիչ, գրականագետ և էնտոմոլոգ Վլադիմիր Նաբոկովը:

1989-վախճանվել է խորհրդային քաղաքական գործիչ, ԽՍՀՄ արտգործնախարար Անդրեյ Գրոմիկոն:

1990-աշխատանքն է սկսել ԽՄԿԿ պատմության մեջ վերջին՝ 28-րդ համագումարը:

1994– սպանվել է կոլումբիացի ֆուտբոլիստ Անդրես Էսկոբարը, որը ֆուտբոլի աշխարհի

1994 թվականի առաջնության ժամանակ դարձել էր ինքնագոլի հեղինակ: 1996 –Դնեպրոձերժինսկում տրամվայի վթարի արդյունքում զոհվել է 34 մարդ: 1997– սկսվել է Ասիական ֆինանսական ճգնաժամը:

1999 –վախճանվել է ամերիկացի գրող, «Կնքահայրը» վեպի հեղինակ Մարիո Պյուզոն:

2002– ամերիկացի Սթիվ Ֆոսեթն ավարտել է իր՝ օդապարիկով առաջին շուրջերկրյա ճանապարհորդությունը:

2011-Մոնակոյում կայացել է թագաժառանգ Ալբերտ 2-րդի և Շարլին Ուիտտստոկի ամուսնությունը:

Մանրամասները՝ «Փաստ» օրաթերթի այսօրվա համարում