Հինգշաբթին և ուրբաթը շաբաթվա լավագույն օրերն են, կարևոր հանդիպումները նշանակեք այդ օրերին. ընթացիկ շաբաթվա աստղագուշակ

Youth.tert.am-ը գրում է.

Ի՞նչ է Ձեզ սպասվում ընթացիկ շաբաթվա ընթացքում կարդացեք ստորև։

ԽՈՅ

Շաբաթը շատ լարված է: Ստիպված կլինեք միաժամանակ մի քանի գործ ձեռնարկել: Շաբաթվա վերջում ձեզ գերհոգնած կզգաք, ուստի աստղերը խորհուրդ են տալիս շաբաթ և կիրակի օրերին հանգստանալ: Երեքշաբթի կամ չորեքշաբթի հնարավոր է հանդիպեք վաղեմի ընկերներից որևէ մեկին, որը նորից փորձեր կանի վերականգնելու երբեմնի մտերմիկ հարաբերությունները: Հինգշաբթին և ուրբաթը լի են խոստումնալից իրադարձություններով:

ՑՈՒԼ

Աստղերը խորհուրդ են տալիս հնարավորինս ուշադիր լինել գնումներ կատարելիս. չի բացառվում, որ անզգուշաբար մեծ գումար կորցնեք: Մի սրտնեղեք ամեն մի դատարկ բանից. ձեր ընկերներն ընդամենը խորհուրդ են տալիս, ոչ թե պարտադրում իրենց կարծիքը: Շաբաթվա սկիզբը ձանձրալի կանցնի, իսկ ահա երկրորդ կեսից քիթ սրբելու ժամանակ չեք ունենա: Կլինեն գործնական առաջարկներ: Դրանցից մեկը կարող է հեռանկարային լինել, եթե միայն ձեզ չխանգարեն: Ուրբաթը կոնֆլիկտային օր է: Հանգստյան օրերին զբաղվեք տան գործերով:

ԵՐԿՎՈՐՅԱԿՆԵՐ

Ձեզ մեծ հաջողություններ ու բարձունքներ են սպասում: Աստղերը խորհուրդ են տալիս ժամանակ չվատնել մանր-մունր գործերի վրա և ավելի կարևոր գործերով զբաղվել: Մի առաջնորդվեք «որքան շատ, այնքան լավ» սկզբունքով: Շատ ավելի լավ կլինի, եթե որդեգրեք «միակը, բայց լավագույնը» տարբերակը: Ավելի նպատակասլաց եղեք մի վհատվեք ու ճիշտ որոշում կայացրեք: Հինգշաբթին և ուրբաթը շաբաթվա լավագույն օրերն են. կարևոր հանդիպումները նշանակեք այդ օրերին:

ԽԵՑԳԵՏԻՆ

Աստղերը խորհուրդ են տալիս ուշադրություն չդարձնել բամբասանքներին ու մեղադրանքներին: Հիշեք, որ ձեզ համակրողների բանակն ավելի մեծ է: Սիրելի մարդու հետ շփումները մեծ լիցքեր կհաղորդեն ձեզ, սակայն մի տարվեք տպավորություններով և ավելի իրատես եղեք: Ձեզ նորանոր հաղթանակներ են սպասում, ինչը, սակայն, շատերի նախանձը կշարժի: Թե° այս շաբաթը, թե° եկող շաբաթները խոստումնալից են անձնական նոր հարաբերություններ սկսելու համար: Գուցե եկել է այն ժամանակը, որ ձեր կողքին կլինի այն միակը, որին սպասել եք տարիներ շարունակ: Շարունակեք հաղթականորեն քայլել առաջ` առանց հետ նայելու: Շաբաթն ու կիրակին նվիրեք ձեր հանգստին:

ԱՌՅՈՒԾ

Թույլ մի տվեք, որ հոգեկան ընկճվածությունը կլանի ձեզ: Աշխատեք հնարավորինս ուրախ անցկացնել ժամանակը: Շատ եղեք ընկերների շրջապատում, հատկապես նրանց հետ, ովքեր անկեղծորեն ուրախանում են ձեր հաջողություններով: Շաբաթվա առաջին կեսը ծանրաբեռնված է: Կլինեն հանդիպումներ և հեռախոսազանգեր, որոնք կարևոր նշանակություն կարող են ունենալ ձեր գործերի հաջողության համար: Հինգշաբթիից սկսած` համեմատաբար ազատ կլինեք.  մտքերն ի մի բերելու և նոր որոշումներ կայացնելու համար ամենահարմար ժամանական է:

ԿՈՒՅՍ

Աստղերը խորհուրդ են տալիս ավելի նախաձեռնող լինել: Դուք կարող եք լինել իրավիճակի տերը, եթե ավելի համարձակ և ինքնավստահ լինեք: Շատ խնդիրներ կլուծվեն այս շաբաթ, շատ հարցեր կգտնեն իրենց պատասխանները: Մի վհատվեք, եթե ինչ-որ բան ձեր սրտով չէ: Թույլ մի տվեք որոշ մարդկանց` ոտնահարել ձեր իրավունքները: Շաբաթը նպաստավոր է նոր հարաբերություններ սկսելու համար: Մի փորձեք մեկնաբանել երազները. դրանք խաբուսիկ են: Շաբաթն ու կիրակին անցկացրեք տանը, զբաղվեք տնային գործերով: 

ԿՇԵՌՔ

Շաբաթն ամենահարմար շրջանն է հաշտվելու այն մարդկանց հետ, որոնց ժամանակին ՙհեռացրել՚ եք ձեր կյանքից: Առաջին քայլն արեք ինքներդ. անպայման հաջողություն կունենաք: Աստղերը խորհուրդ են տալիս երկար-բարակ մտածելու փոխարեն վստահորեն անցնել գործողությունների: Մեծ եկամուտներ կունենաք: Հաջողություններ են սպասում անձնական հարաբերություններում: Ինչպես միշտ, այս շաբաթ ևս մի անտեսեք, թե ինչ է ՙասում՚ ձեր ներքին ձայնը: Շաբաթվա երկրորդ կեսից շատ ծանրաբեռնված կլինեք: 

ԿԱՐԻՃ

Այս շաբաթ մեծ հնարավորություններ կունենաք իրագործելու ձեր նպատակները: Միևնույն ժամանակ մի խուսափեք նոր գործեր ձեռնարկելուց: Ձեզ հաճելի օրեր են սպասում` լի բուռն իրադարձություններով և անակնկալներով: Երկուշաբթի կարևոր հեռախոսազանգ կլսեք: Երեքշաբթի կամ չորեքշաբթի շատ մոտ կլինեք երազանքի իրականացմանը, սակայն վերջին պահին հետ կկանգնեք ձեր որոշումից: Հանգստյան օրերը ծանրաբեռնված կանցնեն. զբաղված կլինեք առօրյա խնդիրները լուծելով:

ԱՂԵՂՆԱՎՈՐ

Շաբաթը նպաստավոր է լրացուցիչ գումար վաստակելու համար: Հնարավոր է` գումար ստանաք հեռավոր երկրում ապրող բարեկամից: Միևնույն ժամանակ մեծ է նաև գումար կորցնելու վտանգը: Աստղերը խորհուրդ են տալիս ժամանակ հատկացնել անձնական հետաքրքրություններին: Երկուշաբթի, երեքշաբթի օրերին հանդիպում կունենաք պաշտոնավոր անձի հետ£ Ձեզնից է կախված, թե ինչ նշանակություն կունենա այդ հանդիպումը ձեր հետագա գործերի հաջող ընթացքի համար:

ԱՅԾԵՂՋՅՈՒՐ

Կան մարդիկ, ովքեր ձեր օգնության կարիքն են զգում: Եղեք նրանց կողքին: Շաբաթը ծանրաբեռնված է. զբաղված կլինեք հազար ու մի կարևոր ու ոչ այնքան կարևոր գործերով: Բայց հիշե°ք` մի ձեռքով երկու ձմերուկ չեք կարող բռնել. աշխատեք առանձնացնել գլխավորն ու երկրորդականը: Թեթևակի խնդիրներ կունենաք աշխատավայրում, սակայն դրանք լուրջ հետևանքներ չեն ունենա: Հնարավոր են նոր ծանոթություններ և սիրային կապեր:

ՋՐՀՈՍ

Ղեկավարների կողմից գովասանքի կարժանանաք: Կգնահատվի ձեր նվիրվածությունն ու բծախնդրությունը աշխատանքի նկատմամբ: Շաբաթվա սկիզբը խոստումնալից է. հնարավոր են գործնական նոր առաջարկություններ: Երկրորդ կեսից հնարավորություն կունենաք կարգավորելու անձնական հարցերը: Հինգշաբթին և ուրբաթը կոնֆլիկտային օրեր են: Զգուշացեք տհաճ խոսակցություններից, խուսափեք անհիմն մեղադրանքներից:

ՁԿՆԵՐ

Օգնության ձեռք մեկնելու պատրաստակամությունը ողջունելի է, սակայն... ամեն ինչ չափի մեջ է գեղեցիկ: Սովորեք նաև մերժել: Աստղերը խորհուրդ են տալիս վերջապես հանել վարդագույն ակնոցն ու իրականությանը նայել բաց աչքերով: Հինգշաբթի կամ ուրբաթ օրը հնարավոր է ձեզ այցելեն վաղեմի ծանոթները: Նրանց հետ շփումը դրական լիցքեր կհաղորդի, սակայն չմոռանաք շաբաթվա նշանաբանը` ամեն ինչ չափի մեջ է գեղեցիկ. թույլ մի տվեք, որ չարաշահեն ձեր բարությունը: