Հայ հայտնիներ, որոնց «արագիլը» կայցելի 2016-ին (լուսանկարներ)

NewsBook-ը գրում է.

Մայր դառնալու բերկրանքը վայելել ձգտում է յուրաքանչյուր կին: Հղիությունը փոխում է մայրության սպասող կնոջ հայացքն ու աչքերին հաղորդում կրկնակի փայլ, և սա կոչվում է երջանկություն: NewsBook-ը ներկայացնում է հայ հայտնիներին, որոնց «արագիլը» կայցելի հաջորդ՝ 2016 թվականին:

Մերի Ներսիսյան «Մայրիկների ակումբ» ծրագրի հաղորդավարուհի Մերի Ներսիսյանի և ամուսնու՝ պրոդյուսեր Գոռ Պետրոսյանի տուն «արագիլը» 2016 թվականին կայցելի երկրորդ անգամ: Շատ առիթներով հաղորդավարուհին նշել է, որ երազում է բազմազավակ մայր դառնալու մասին: Նշենք, որ Մերին սիրելիին կրկին դուստր կպարգևի:

Լիլիթ Մուրադյան

Համալրում է սպասվում նաև հաղորդավարներ Լիլիթ Մուրադյանի և Վահե Խանամիրյանի նորաստեղծ ընտանիքում: Լիլիթի փորիկն արդեն բավականին կլորիկացած է:

Ինգա Արշակյան

Երգչուհի Ինգա Արշակյանը և Աշոտ Սահակյանը 2016-ին նույնպես ծնողներ կդառնան. վերջիններս սպասում են առաջնեկին: Երգչուհին հարցազրույցներից մեկում նշել է, որ 2016-ի ամենամեծ սպասելիքը առաջնեկի լույս աշխարհ գալն է:

Սոնա Շահգելդյան

Հայտնի է դարձել, որ հայկական շոուբիզնեսի աղմկահարույց երգչուհիներից Սոնա Շահգելդյանը 2016-ին մայր կդառնա:  «Ես չեմ պատրաստվում թաքցնել բալիկիս, ինչպես շատերն են անում։ Երբ երեխաս ծնվի, բոլորն էլ կտեսնեն նրան, սակայն հիմա չեմ ուզում շատ մանրամասներ պատմել»,- խոսելով հղիության մասին՝ ասել է երգչուհին։ Նշենք, որ Սոնան հայտարարել էր, որ իր տարեդարձի օրը՝ փետրվարի 14-ին, ինքն ամուսնացել է, բայց մինչ այսօր գաղտնի է պահում, թե ով է իր ամուսինը:

Սիրուշո

Օրերս մամուլում լուրեր են շրջանառվում, որ երգչուհի Սիրուշոն կրկին մայր կդառնա: Ինչպես միշտ, այս անգամ ևս վերջինս չի մեկնաբանում իր անձնականի հետ կապված լուրերը: Նշենք, որ Սիրուշոն և ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, մեկ որդի ունեն:

 

DJ Vakcina 2016-ին երկրորդ անգամ մայրության բերկրանքը կվայելի նաև երիտասարդ մայրիկ DJ Vakcina-ն: Նշենք, որ վերջինիս առաջին բալակը տղա է: