Որեւէ մեկիդ չենք խնդրել Սերժ մերժել ու պաչել կապիտուլյացիայի սիմվոլի ճակատը. Շարմազանով

Ինչքան Նիկոլը պարտություններ է բերում,այնքան նրա նախկին զինակիցները փորձում են 2018-ի իշխանափոխությունը «գցեն ՀՀԿ-ի գրպանը»։ Այս մասին իր ֆեսյբուքյան էջում գրել է ՀՀԿ մամուլի խոսնակ Էդուարդ Շարմազանովը:

«Որեւէ մեկիդ չենք խնդրել Սերժ մերժել ու պաչել կապիտուլյացիայի սիմվոլի ճակատը։

Ինչքան Նիկոլը պարտություններ է բերում,այնքան նրա նախկին զինակիցները փորձում են 2018-ի իշխանափոխությունը «գցեն ՀՀԿ-ի գրպանը»։
Աչքովս ընկավ մի հարցազրույց, որտեղ ասվում էր ՝ 2018-ի «հեղափոխությունը թատրոն էր, որը նախկիններն էին կազմակերպել»։

Այստեղ են ասել՝ յա իրո՞ք։

Ախր էդ ասողների մտերիմներն էլ էին 2018-ին փողոց դուրս եկել ու Սերժ «մերժում»։

Ձեր նախընտրած քաղաքական ուժերն ու հենց ձեր թիմակիցներն էին փողոցներում ՀՀկ-ի հեռացումը պահանջում,հիմա ի՞նչ եք եկել ձեր կերած «բողկերի» մեջ ուրիշին մեղադրում։

Հերիք բոլա անպատասխանատու ու զավեշտալի ելույթներ ունենաք։

Հայաստանը փոքր երկիր է։

Բոլորս լավ հիշում ենք,ովքեր են փողոցում ՀՀկ մերժել ու ովքեր են պայքարել այդ պետականաքանդ շարժման դեմ։

Ես ու իմ Հանրապետական ընկերները քաղաքական «կռիվ» էինք տալիս 2018-ի ապրիլ-մայիսին,բացատրում էինք,համոզում էինք,խնդրում էինք չառաջադրել ու չբերել կապել նիկոլիզմը մեր ազգի գլխին։

Մոռացե՞լ եք։

Պե՞տք է հիշեցնեմ։

Ո՞վ էր ասում Նիկոլը չի կարող լինել գլխավոր գերագույն հրամանատար։

Դու՞ք։ Իհարկե՝ ոչ։ ՀՀԿ-ն։

Ո՞վ մայիսի 1-ին չընտրեց Նիկոլին։

Դու՞ք,ոչ։ ՀՀկ-ն։

Ո՞վ առաջադրեց մայիսի 8-ին Նիկոլի թեկնածությունը։

Ես՞,Հանրապետականը՞,թե՞ …

Ու՞մ սեւ լենտերն ու դաւաղներն էին հանել։

Ձե՞ր։ Իհարկե՝ ոչ։ Իմ ու իմ պայքարող Հանրապետական ընկերների։

2018-ին ոչ հայրենիքիս,ոչ կուսակցությանս,ոչ ղեկավարիս ու ավագ ընկերոջս ,ոչ էլ սկզբուքներիս չեմ դավաճանել։

Մեր մասին սուտ չխոսեք,թե չէ ստիպված կլինենք շատերի մասին ճշմարտությունն ասել՝ փաստերով։

Հ.Գ. Որեւէ մեկիդ չենք խնդրել գնալ ու համբուրել ամենաբարձր զռռացողի ճակատը»: