Պայթյունից զոհված 22-ամյա Վաչագան Եղոյանի հոգեհանգիստը տեղի կունենա այսօր Կոնդի Սբ Հովհաննես եկեղեցում
ՀԱՍԱՐԱԿՈՒԹՅՈՒՆԱյլևս ՄԻ վճարեք հոսանքի համար, անցեք այս հղումով և իմացեք, թե ինչպես` https://4q5w.short.gy/Սեղմեք֊հղումը
«Սուրմալու» առեւտրի կենտրոնում տեղի ունեցած պայթյունի հետեւանքով զոհված, 44-օրյա պատերազմի մասնակից Վաչագան Եղոյանի հոգեհանգիստը տեղի կունենա այսօր՝ օգոստոսի 17-ին՝ ժամը 18։00-ին, Կոնդի Սբ Հովհաննես եկեղեցում։
Նրա հուղարկավորությունը տեղի կունենա հաջորդ օրը՝ 14։00-ին, նույն վայրից։
Ավելի վաղ NEWS.am-ը հայտնել էր, որ 22-ամյա Վաչագանն աշխատում էր առեւտրի կենտրոնում։ Նրա հարազատները մեր թղթակիցն պատմել են, որ պայթյունի պահին Վաչագանը նկուղում է եղել, նա հասցրել է զանգել մի քանի տաղավար այն կողմ աշխատող եղբորը եւ ասել, որ շենքից արագ դուրս գա։ Դրանից հետո Վաչագանի հետ կապը կորել է։ Նրա մարմինը հայտնաբերվել է փլատակների տակից դեպքից ավելի քան 1.5 օր անց։ Վաչագանը 44–օրյա պատերազմի մասնակից էր, ապրում էր Շենգավիթ համայնքում։
Նշենք, որ Վաչագան Եղոյանը հաղորդավար Արտավազդ Եղոյանի եղբոր թոռն է։
Հիշեցնենք, որ «Սուրմալու» առեւտրի կենտրոնում օգոստոսի 14-ին տեղի ունեցած պայթյունի հետեւանքով օգոստոսի 17–ին ժամը 10.00–ի դրությամբ կա 16 զոհ։ Զոհվածներից 15–ի ինքնությունը պարզվել է։ 2 անձ որոնվում է։ Պայթյունի հետեւանքով տուժել է 61 քաղաքացի, բուժումը հիվանդանոցներում շարունակում է ստանալ 7 քաղաքացի: Նրանց առողջական վիճակը գնահատվում է բավարար: