2015 թ-ի TOP 5 աստղային ամուսնությունները

Նոր տարին, սովորաբար, դիմավորում ենք նոր ակնկալիքներով` աշխատանքային հաջողություններ, նոր մտքեր, անձնական փոփոխություններ… Սակայն տարին հատկապես նշանավորվում է նրանց համար, ովքեր միմյանց հավերժ սիրելու երդում են տալիս տվյալ տարվա ընթացքում եւ այդ տարեթիվը մտապահում հավետ:

2015 թ-նն էլ հոլիվուդյան մի շարք աստղերի համար դարձավ առանձնահատուկ: NEWS.am STYLE-ը վերհիշել է, թե Հոլիվուդում ինչպիսի զույգեր են կազմավորվել այս տարի:

Ջեննիֆեր Էնիսթոն եւ Ջասթին Թերոքս

«Ընկերները» ֆիլմի աստղն ու նրա ընտրյալն ամուսնացել են 2015 թ-ի օգոստոսի 5-ին: Ամուսնությունը կայացել, է գաղտնի` Ջասթինի ծննդյան օրը:

Էշթոն Քաթչեր եւ Միլա Կունիս

Աստղային այս զույգը եւս միմյանց հավերժ սիրելու երդում է տվել այս տարի` հուլիսի 4-ին: Խոսակցություններ են պտտվում, թե Էշթոնն ու Միլան իրականում շատ ավելի վաղ են ամուսնացել, պարզապես իրենց միությունը գաղտնի էին պահում:

Իեն Սոմերհոլդեր եւ Նիկի Ռիդ

Այս սերը կոչվում է «վամպիրական»: «Վամպրիրի օրագրերի» գլխավոր սրտակերն ու  «Մթնշաղի» աստղն ամուսնացել են ապրիլի 26-ին` իրենց հանդիպումից 9 ամիս անց:

Ջոննի Դեփ եւ Էմբեր Հարդ

«Հռոմեական օրագիր» ֆիլմի աստղերն ամուսնության արարողությունն անցկացրել են երկու անգամ. Նրանք նախ ամուսնացան փետրվարին, այնուհետեւ եւս մեկ արարողություն կազմակերպեցին Բահամյան կղզիներում:

Քեմերոն Դիաս եւ Բենջի Մեդդեն

Հոլիվուդյան աստղն ու նրա երաժիշտ ընտրյալն ամուսացել են հունվարի 5-ին:

Աղբյուրը`  NEWS.am STYLE