«Սեպտեմբերի 12-ին մեզ խորհրդարանում չեք տեսնի». Ագնեսա Խամոյան

Ինչպես ջեռուցումը յուրաքանչյուր հայ ընտանիքի համար դարձնել անվճար։ Անցեք այս հղումով և ազատվեք ծախսերից՝ https://4q5w.short.gy/JerucumSolaron

Սեպտեմբերի 12-ին մեկնարկելու է ԱԺ հերթական նստաշրջանը, որը խոստանում է թեժ լինել, և որի շուրջ քննարկումներն արդեն իսկ սկսել են։ Հատկապես խոսակցությունների առարկա են խորհրդարանական ընդդիմության հետագա քայլերը։ Մամուլն այսօր գրել է, որ նախօրեին «Հայաստան» դաշինքի պատգամավորները խմբակցության նիստ են արել, որին մասնակցել է նաեւ դաշինքի ղեկավար Ռոբերտ Քոչարյանը, քննարկել են առաջիկա անելիքները։ Բավականին բարդ քննարկում է եղել, բայց Ռոբերտ Քոչարյանին չի հաջողվել համոզել «Հայաստան» դաշինքի պատգամավորներին  վերադառնալ խորհրդարան:

ArmDaily-ի հետ զրույցում «Հայաստան» խմբակցության պատգամավոր Ագնեսա Խամոյանն ասաց, որ խորհրդարան վերադառնալու առնչությամբ խմբակցության դիրքորոշումն ամփոփոխ է։

«Սեպտեմբերի 12-ին մեզ խորհրդարանում չեք տեսնի»,- շեշտեց Խամոյանը։

Ինչ վերաբերում է Ռոբերտ Քոչարյանի հետ հանդպմանը, պատգամավորն ասաց՝ երկրորդ նախագահի հետ ֆրակցիան պարբերաբար հանդիպումներ և քննարկումներ ունենում է։

«Ի զարմանս շատերի՝ պարզ, անկեղծ, անկաշկանդ քննարկումներ են տեղի ունենում։ Ինչ վերաբերում է մամուլի հրապարակմանը, կարող եմ հստակ արձանագրել, որ մեր դիրքորոշման մեջ փոփոխություն տեղի չի ունեցել, իսկ ներքին քննարկումները բարձրաձայնելն ու մեկնաբանություններ տալը կոռեկտ չէ»,- հավալեց պատգամավորը։

Հարցին՝ որպես քաղաքական գործիչ և պատգամավոր արդյունավետ ա համարում խորհրդարանից դո՞ւրս, թե՞ խորհրդարանում պայքար մղելը, Ագնեսա Խամոյանը պատասխանեց. «Ես կարծում եմ, որ նախ խորհրդարանը «Քաղաքացիական պայմանագրինը» չէ։ Այդ խորհրդարանը որքան իրենցն է, նույնքան մերն է։ Իսկ մնացածի մասով այս պահին զերծ կմնամ այլ մեկնաբանություններ տալուց, քանի որ խմբակցությունն ունի որոշում, իսկ որոշման պարագայում բոլորս կատարում ենք այդ որոշումը»։

Արփինե Պետրոսյան