Խորհրդարանից դուրս ոչ թե ստեղծելու ենք քննարկման իմիտացիաներ, այլ ձևավորելու ենք այլընտրանքային հարթակներ, առաջարկելու ենք լուծումներ․ Սաղաթելյան

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Հայաստանի իրական օրակարգը այսօր Արցախի ու Հայաստանի առջև կանգնած մարտահրավերներն են ու անվտանգության խնդիրները։ Այս մասին  «Հայաստանի իրական օրակարգը» թեմայով քննարկման մեկնարկից առաջ լրագրողների հետ զրույցում ասաց  ԱԺ «Հայաստան» խմբակցության պատգամավոր, ընդդիմության առաջնորդներից Իշխան Սաղաթելյանը։

«Մենք Հայաստանի առաջնային օրակարգերով, բոլոր հնչեղություն ունեցող հարցերի շուրջ խորհրդարանից դուրս ձևավորելու ենք այլընտրանքային հարթակներ, որտեղ տեղի են ունենալու քննարկումներ։ Այդ հարցերը քննարկվելու են շատ խորությամբ, մանրամասնորեն առաջարկվելու են լուծումներ, ոչ թե լինելու են քննարկման իմիտացիաներ։ Խորհրդարանը գնալով կորցնում է իր լեգիտիմությունը, այն միջավայրը չէ, որտեղ քննարկում են Հայաստանի իրական և առաջնային օրակարգերը»,- ասաց Սաղաթելյանը։

Նա նշեց, որ վերը նշված հարցերի քննարկման նպատակով հրավիրել են համաժողով՝ հասարակության տարբեր շերտերի մասնակցությամբ։

«Մենք հավատարիմ ենք մնալու այն մանդատին, որը մեզ տվել է ժողովուրդը։ Ե՛վ Հայաստանւում, և՛ Արցախում շարունակաբար ունենալու ենք հանդիպումներ, քննարկումներ մեր օրակարգը սպասարկելու համար»,- ասաց նա։