Գեղարքունիքի և Սյունիքի մարզերում տարհանված բնակչությունը վերադառնում է գյուղեր

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Սյունիքի մարզպետարանի մամուլի խոսնակ Արմինե Ավագյանը ԼՈՒՐԵՐ.com-ի հետ զրույցում ասաց, որ սահմանամերձ բնակավայրերի տարհանված բնակչության մեծ մասը վերադարձել են գյուղեր:

«Վերադարձողների թիվը կոնկրետ չեմ կարող ասել, հաշվարկել հնարավոր չէ, որովհետև այդ ամեն ինչը տարերային է եղել: Շատերը ուղղակի տագնապից դուրս են եկել, ազգականների տուն են տեղափոխվել, նույնիսկ մարզի ներսում են տեղաշարժվել: Բայց պատկերը նա է, որ այս պահին գրեթե մարդկանց մեծ մասը վերադարձել են իրենց տները, բացառությամբ էն գյուղական մի քանի բնակավայրերի, որտեղ անմիջապես կրակոցներ են եղել՝ Ներքին Հանդ,Նորավան»,- ասաց Ավագյանը:

Ինչ վերաբերվում է գնդակոծված բնակելի տներին, Ավագյանը վստահեցրեց, որ արդեն հաշվարկվել է վնասի չափը.

«Էն մի քանի վնասները, որոնք գյուղերում էին, մեծ մասամբ Գորիսի Վերիշենի Վաղատուրի, Ակների, էտ տարածքներում, որտեղ տներ են վնասվել, բնակիչները էս պահին հիմնականում իրենց ազգականների տներում են: Էդ վնասի չափերը հաշվարկված են, գույքագրված են, կառավարությանն են ներկայացվել, շուտով լուծումներ կգտնվեն էդ մարդկանց համար տները վերականգնելու, նորմալ բնակվելու պայմանները վերականգնելու համար»:

Վարդենիսի քաղաքապետարանի մամուլի խոսնակ Էդգար Պետրոսյանն էլ նշեց.

«Ոչ բոլորն են վերադարձել, այդ պրոցեսի մեջ ենք դեռ»: