Բաքուն հայտնում է Երևանին ևս 95 հայ զինծառայողի մարմին հանձնելու մասին

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Ադրբեջանական լրատվամիջոցները հայտնում են, որ Բաքուն Երևանին է հանձնել ևս 95 հայ զինծառայողի մարմին։

Ըստ Ռազմագերիների, պատանդների և անհայտ կորած քաղաքացիների գործերի պետական ​​հանձնաժողովի՝ «Ադրբեջանի Հանրապետությունը ևս մեկ անգամ ցույց է տվել իր հավատարմությունը միջազգային մարդասիրական իրավունքին և հումանիզմի արժեքներին»։

«Սեպտեմբերի 20-ին Կարմիր խաչի միջազգային կոմիտեի միջնորդությամբ 95 հայ զինծառայողների դիերը Ադրբեջանի զինդատախազության ներկայացուցիչների մասնակցությամբ զննվելուց և բռնության նշանների բացակայությունը պարզելուց հետո հանձնվել են հայկական կողմին»,-նշվում է հաղորդագրությունում։

Iravaban.net-ի հետ զրույցում ՊՆ մամուլի քարտուղար Արամ Թորոսյանը հաստատեց տեղեկությունը։

—————

Հիշեցնենք, որ սեպտեմբերի 12-ի լույս 13-ի գիշերը Ադրբեջանի զինված ուժերը լայնածավալ ագրեսիա են սկսել Հայաստանի Հանրապետության ինքնիշխան տարածքի նկատմամբ՝ խոշոր տրամաչափի զինատեսակների, հրետանու, հրթիռային համակարգերի, անօդաչու թռչող սարքերի կիրառմամբ: Ողջ օրվա ընթացքում փորձել է դիրքային առաջխաղացում ապահովել մասնավորապես՝ Ներքին Հանդի, Վերին Շորժայի, Արտանիշի և Սոթքի ուղղությամբ: Սեպտեմբերի 14-ին թշնամին վերսկսել է նախահարձակ գործողությունները, մասնավորապես՝ Ջերմուկի և Վերին Շորժայի ուղղություններով՝ կիրառելով նաև հարվածային ԱԹՍ-ներ։

Ագրեսիայի հետեւանքով զոհվածների եւ անհետ կորածների թիվը հասնում է 207-ի, այդ թվում՝ զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 3 քաղաքացիական անձ, գերեվարվել է 20 զինծառայող: Առկա են ապացույցներ հայաստանցի գերեվարված կամ զոհված զինծառայողներին ադրբեջանցիների կողմից խոշտանգումների ենթարկելու, անդամահատելու, այդպիսով ապօրինի կերպով կյանքից զրկելու դեպքերի վերաբերյալ: