Հայկական բանակը 10 օրվա մեջ արդեն երկրորդ անգամ ստիպում է Ադրբեջանին, որ նա գնա զիջումների. Բալասանյան (տեսանյութ)

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Հայ-ադրբեջանական սահմանին վերջին օրերին լարված իրավիճակի վերաբերյալ բազմաթիվ կցկտուր տեղեկությունները, որոնք ստացվում են առաջնագծից, գալիս են ևս մեկ անգամ ապացուցելու, որ հայկական զինված ուժերը ջախջախել են թշնամուն, չնայած այդ մասին չի բարձրաձայնվում: Այս մասին «Փաստինֆո»-ի եթերում նշել է միջազգայնագետ Գրիգոր Բալասանյանը:

«Հայկական բանակը տարածաշրջանում, ըստ էության, միակ ուժն է, որ կարող է վիժեցնել պանթյուրքական, թուրք-ադրբեջանական ծրագրերը: Այս փոքր հաղթանակները, որոնք հայ զինվորներն իրենց արիության և կյանքի գնով հասնում են ռազմադաշտում՝ լոկ միայն ռազմական հաղթանակներ կամ լոկալ փոքր հաղթանակներ չեն, այլ՝ սրանով, ըստ էության, մերկացվում են Ալիևի մերկապարանոց հայտարարությունները եւ զազրախոսությունները, որ նա ներքին լսարանի առաջ՝ Ադրբեջանում, հնչեցնում էր, թե հայկական բանակը «ջախջախված է», «հայկական բանակն այլևս գոյություն չունի»։ Ընդամենը երկու-երեք դեպքով՝ Ջերմուկի հատվածում, Իշխանասարի հատվածում, այլ հատվածներում ևս՝ Գեղարքունիքում, մեր բանակը ցույց տվեց, որ ոչ միայն ջախջախված չէ, այլև՝ կարող է լուրջ հակահարված հասցնել հայ-ադրբեջանական տանդեմի ագրեսիային: Արդեն երկրորդ անգամ՝ այս տասն օրվա մեջ հայկական բանակը ստիպում է Ադրբեջանին, որ նա գնա հրադադարի»,- ասել է փորձագետն՝ հավելելով, որ սա չլսված դեպք է ՝ 2020թ 44-օրյա պատերազմից հետո, ու պատասխանը ստանում ենք, թե ինչու է Ադրբեջանը դառնում խաղաղասեր, մարդասիրական հրադադար հայտարարում:

Մանրամասները՝ տեսանյութում։