Միրզոյանը,Բայրամովն ու Բլինքենը քննարկել են խաղաղության պայմանագրի մշակման, Ստեփանակերտ-Բաքու քննարկումների մեխանիզմները
ՔԱՂԱՔԱԿԱՆՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Ամերիկյան կողմի նախաձեռնությամբ հոկտեմբերի 4-ին հեռախոսազրույց է տեղի ունեցել Հայաստանի արտգործնախարար Արարատ Միրզոյանի, ԱՄՆ պետքարտուղար Էնթոնի Բլինկենի և Ադրբեջանի արտգործնախարար Ջեյհուն Բայրամովի միջև։
ԱԳՆ մամուլի ծառայությունից NEWS.am -ին հայտնեցին, որ կողմերը ներկայացրել են իրենց տեսակետները հոկտեմբերի 2-ին Ժնեւում կայացած հանդիպման արդյունքների վերաբերյալ։
Արարատ Միրզոյանը վերահաստատել է Հայաստանի Հանրապետության ինքնիշխան տարածքից ադրբեջանական զինուժի դուրսբերման, Ադրբեջանում ապօրինի պահվող հայ ռազմագերիների շուտափույթ վերադարձի և հրադադարի անվերապահ պահպանման անհրաժեշտությունը։ Ընդգծվել է ուժային կամ ուժի սպառնալիքով հարցեր լուծելու անթույլատրելիությունը։
Նոր ագրեսիաների կանխարգելման համատեքստում ընդգծվել է սահմանին իրավիճակի մոնիտորինգի և վերահսկման միջազգային մեխանիզմների ներդրման կարևորությունը։
Հեռախոսազրույցի ընթացքում զրուցակիցները մտքեր են փոխանակել Հայաստանի և Ադրբեջանի միջև խաղաղության պայմանագրի մշակման և Ստեփանակերտի ու Բաքվի միջև քննարկման մեխանիզմի ստեղծման շուրջ։
Պայմանավորվածություն է ձեռք բերվել շարունակել բանակցությունները՝ ուղղված Հարավային Կովկասում կայունության և անվտանգության հաստատմանը։
Նյութը հրապարակման պատրաստեց Past.am-ը: